ხელფასის ზრდა დამოკიდებული იქნება პედაგოგის სტაჟსა და აკადემიურ ხარისხზე.
მიმდინარე წლის პირველი აპრილიდან, პედაგოგების ხელფასები იზრდება. პედაგოგების ხელფასების ზრდის მიზნით, სახელმწიფოს ბიუჯეტიდან 70 მილიონი ლარია გამოყოფილი.
როგორც განათლების მინისტრი თამარ სანიკიძე განმარტავს, მინიმალური კვალიფიკაციის მქონე პედაგოგების ანაზღაურება 405 ლარი გახდება, კვალიფიკაციის მატებასთან ერთად ხელფასი და დანამატიც იზრდება და მაქსიმუმ 1000 ლარამდე ადის.
"ეს არაა უბრალოდ ხელფასების ზრდა, რომელიც წლიდან წლამდე, ან სემესტრიდან სემესტრამდე რაღაც პროცენტულობით იზრდება. ეს მიბმულია სქემაზე, რაც იმას ნიშნავს, რომ მასწავლებლები მიღწეული შედეგით გადადიან ამა თუ იმ სახელფასო დონეზე. ამიტომ, ვფიქრობ, რომ ეს საკითხი დეტალებში ჩასვლას ნამდვილად საჭიროებს," - ამბობს საქართველოს განათლების მინისტრი თამარ სანიკიძე.
პედაგოგების ხელფასებზე სამ ეტაპიანი ზრდის მეორე ეტაპის ამოქმედება სწორედ 2016 წლის აპრილისათვის იგეგმებოდა.
kutaisipost.ge
No comments:
Post a Comment