პრემიერმინისტრმა გიორგი კვირიკაშვილმა თბილისის ისტორიის მუზეუმში "ქართული ოცნების" საარჩევნო კლიპის პრეზენტაციაზე 2012 წლის 1 ოქტომბერი გაიხსენა. კვირიკაშვილის თქმით, დღევანდელი საარჩევნო ვიდეორგოლი იმაზე მეტია, ვიდრე წინასაარჩევნო კლიპი.
"ძალიან მიხარია, რომ ასეთი კარგი გამოვიდა, ვიდეორგოლში ნაჩვენებია საქართველოს ყველა კუთხე და სხვადასხვა კუთხის წარმომადგენლები... მინდა, ყველამ უყუროს და განიცადოს ჩვენი ქვეყანა. დღეს ძალიან მნიშვნელოვანი დღეა, 2012 წელს, ამ დღეს ადამიანობამ გაიმარჯვა, ეს ძალიან მნიშვნელოვანია ჩვენთვის, ყველასთვის, რადგან არ არსებობს სახელმწიფოს წარმატება ადამიანის ბედნიერების გარეშე, სწორედ ამის მაჩვენებელია ეს ვიდეორგოლი", - თქვა გიორგი კვირიკაშვილმა.
საქართველოში თვითმმართველობის არჩევნები 21 ოქტომბერს გაიმართება.
imedinews.ge\
No comments:
Post a Comment