2014 წლის ერთიანი ეროვნული გამოცდებისთვის რეგისტრაცია 35 000-ზე მეტმა აბიტურიენტმა გაიარა. ასევე, 17 ათასმა პედაგოგმა და 10 000-მდე მაგისტრმა.
როგორც გამოცდებისა და შეფასების ცენტრის დირექტორმა მაია მიმინოშვილმა დღეს გამართულ საგანგებო ბრიფინგზე განაცხადა, ჯერ არ არის განსაზღვრული, რომელი ფაკულტეტებია წელს პრიორიტეტული, ვინაიდან ბევრმა აბიტურიენტმა ფაკულტეტის არჩევა გამოცდების შედეგების გაცნობის შემდეგ გადაწყვიტა.
კიდევ ერთი მნიშვნელოვანი დეტალი, იმ ფაქტის გათვალისწინებით, რომ უმაღლეს სასწავლებლებში მისაღებ სტუდენტთა კვოტა 44 ათასს შეადგენს, იმ შემთხვებაში, თუ სავალდებულო გამოცდებზე მინიმალური კომპეტენციის ზღვარი ყველა რეგისტრაციაგავლილმა აბიტურიენტმა გადალახა, ყველა მათგანი სტუდენტი გახდება.
რეგისტრაციის პროცესის დასრულებამდე რამდენიმე საათი რჩება. ერთიან ეროვნულ გამოცდებში მონაწილეობის მსურველებს განაცხადის გაკეთება დღეს, 18:00 საათამდე ჯერ კიდევ შეუძლიათ.
ეკა არის© წივწივაძე
edu.aris.ge
No comments:
Post a Comment