საგრანტო თანხების განაწილების პრინციპი

2014 წელს სახელმწიფომ აბიტურიენტთა დაფინანსებისათვის 9 მლნ. 165 ათასი ლარი (შარშანდელზე 145 ათასი ლარით მეტი) გამოყო. ეს თანხა თანაბრად იყოფა ჰუმანიტარული და ტექნიკური/საბუნებისმეტყველო საგნების ჯგუფებზე.

თითოეული ჯგუფისათვის გამოყოფილი თანხის 4% თანაბრად გადანაწილდება შესაბამისი ჯგუფის არჩევით საგნებზე. 96% გადანაწილდება უმაღლესი საგანმანათლებლო დაწესებულების მიერ ყოველი არჩევითი საგნისათვის მოთხოვნილი ადგილების რაოდენობის პროპორციულად.

თანხების განაწილების ცხრილი

საგანი	შესაბამისი ადგილების რაოდენობა	ამ ადგილებისათვის განკუთვნილი თანხა %
მათემატიკა	11885	64.78%
ფიზიკა	1538	8.38%
ქიმია	1759	9.59%
ბიოლოგია	3164	17.25%

საგანი	შესაბამისი ადგილების რაოდენობა	ამ ადგილებისათვის განკუთვნილი თანხა (%)
ისტორია	11401	47.50%
გეოგრაფია	6903	28.76%
ლიტერატურა	4835	20.14%
სახვითი და გამოყენებითი ხელოვნება	864	3.60%

გარდა ამისა, 2014 წელს უფასო (სახელმწიფოს მიერ სრულად დაფინანსებულ) საგანმანათლებლო პროგრამებს დაემატა 1200-ზე მეტი ადგილი. წელს 5000-ზე მეტ აბიტურიენტს აქვს შესაძლებლობა, ამ პროგრამებზე ჩარიცხვის შემთხვევაში, საბაკალავრო პროგრამაზე ყოველგვარი გადასახადის გარეშე ისწავლოს.
naec.ge