მიჩიგანის შტატის ქალაქ დირბორნში, მუსლიმმა მუჰამედ ბაზიმ, რესტორნების პოპულარულ ქსელ Little Caesars-ს ღორისხორციანი პიცის გაყიდვის გამო უჩივლა. ბიზის თქმით, შეფუთვაზე მითითებული იყო, რომ საკვები ჰალალურია (მუსლიმურად დაშვებული). ინფორმაციას ავრცლებს გამოცემა Detroit Free Press-ი.
მუჰამედ ბიზი, ქსელს გულგრილობასა და თაღლითობაში სდებს ბრალს და მისგან კომპენსაციის სახით 100 მილიონ დოლარს ითხოვს.
საჩივრის მიხედვით, 20 მარტს, ბაზი და მისი მეუღლე რესტორან Little Caesars-ის ჰალალურ პიცას მიირთმევდნენ, თუმცა მოგვიანებით შეამჩნიეს, რომ პეპერონი ღორისგან იყო დამზადებული.
Little Caesars-ის მენეჯერის თქმით, მათი საჩივარი საფუძველს მოკლებულია. არსებობს აუდიოჩანაწერი, სადაც ბაზი პიცერიის მენეჯერს ელაპარაკება და ეუბნება, რომ შეფუთვაზე ეტიკეტი "ჰალალი" დააწეროს. მუსლიმის ადვოკატი ამ ცნობას უარყოფს.
imedinews.ge
No comments:
Post a Comment