იაპონიაში შეძენილი 100 ჰიბრიდული ელექტრომობილით საპატრულო პოლიცია ისარგებლებს, – ამის შესახებ შინაგან საქმეთა მინისტრმა საპარლამენტო კომიტეტზე განაცხადა. ამის შესახებ 1tv წერს.
გიორგი გახარიას თქმით, საქართველომ იაპონიიდან 100 ჰიბრიდული ელექტრომობილი შეიძინა.
"ერთი კარგი სიახლე მინდა გითხრათ. სულ რამდენიმე თვის წინ არსებობდა ასეთი გრანტი იაპონური მთავრობის, რომელზეც შევთანხმდით და საქართველოში უკვე ერთი კვირის წინ შემოვიდა დაახლოებით 100 ჰიბრიდული ელექტრომობილი. ლოგიკა არსებობდა და იყო იდეა, რომ მთავრობის წევრები გადაგვესვა ამ მანქანებზე, მაგრამ ჩვენი თხოვნით, ეს სატრანსპორტო საშუალება დაეთმობა პატრულს“, – განაცხადა გიორგი გახარიამ.
დღეს მინისტრები დეპუტატების კითხვებს დილიდან კომიტეტის ფორმატში პასუხობენ. მთავრობისა და სამთავრობო პროგრამისთვის ნდობის გამოცხადების საკითხი რიგგარეშე სესიაზე ხვალ გავა.
7 დეკემბერს მთავრობის სტრუქტურული ცვლილებების პროექტი პარლამენტმა მესამე მოსმენით მიიღო.
imedinews.ge
No comments:
Post a Comment