რუსეთი და პრორუსი სეპარატისტები დონბასში ძალადობის წყარო არიან,- ამის შესახებ ამერიკის შეერთებული შტატების სახელმწიფო დეპარტამენტის ოფიციალურმა წარმომადგენლმა ჰიზერ ნოიერტმა ვაშინგტონში გამართულ პრესკონფერენციაზე განაცხადა. ინფორმაციას ukrinform-ი ავრცელებს.
აშშ-ის სახელმწიფო დეპარტამენტის ოფიციალური წარმომადგენლის შეფასებით, რუსეთი ცეცხლის შეწყვეტის შესახებ მიღწეულ შეთანხმებას მუდმივად არღვევს, ამიტომ მან რუსეთი აღმოსავლეთ უკრაინაში ძალადობის ესკალაციაში დაადანაშაულა.
"რუსეთის ხელისუფლება განაგრძობს აქტიური კონფლიქტისა და ჰუმანიტარული კრიზისის შენარჩუნებას, უზრუნველყოფს შეიარაღებული ძალებისთვის ბრძანების გაცემას, ასევე პირდაპირ აკონტროლებს ადგილობრივ ხელისუფლებას," - განაცხადეს ვაშინგტონში.
ამერიკის შეერთებულ შტატებში ასევ ხაზგასმით აღნიშნეს, რომ აღმოსავლეთ უკრაინაში არსებული კონფლიქტი სამოქალაქო ომი არ არის.
"რუსეთის მიერ შექმნილი ე.წ." რესპუბლიკები "უკანონო ფორმირებებია", - განაცხადა სახელმწიფო დეპარტამენტის წარმომადგენელმა. ამავე დროს, მან ყურადღება დონბასში არსებული ჰუმანიტარული სიტუაციის გამწვავებაზე გაამახვილა.
"წუხელ, რუსეთის ხელმძღვანელობით" გრადის " ტიპის სარაკეტო იერიშის შედეგადაც რვა სამოქალაქო პირი დაშავდა, დაზიანდა ათეულობით სახლი, სკოლა და სათამაშო მოედანი", - აღნიშნა ნოიერტმა.
შტატებმა რუსეთს კიდევ ერთხელ მოუწოდა გაიყვანოს შეიარაღებული ძალები და მძიმე ტექნიკა დონბასიდან და დაასრულოს ომი.
2014 წლის გაზაფხულზე, კრემლთან დაახლოებულმა პოლიტტექნოლოგებმა ახალი სახელმწიფოს - “ნოვოროსიის” შექმნის შესახებ განაცხადეს, რის შემდეგაც, 2014 წლის მაისში ლუგანსკის და დონეცკის სეპარატისტებმა ასეთი სახელწოდების კავშირის შექმნაზე შეთანხმება გააფორმეს. მოგვიანებით, პროექტზე უარი თქვეს. არსებობს ვერსია, რომ კრემლმა მხოლოდ ორი რაიონის საფუძველზე “ნოვოროსიის” შექმნა არასერიოზულად მიიჩნია.
ორივე არაღიარებულმა რესპუბლიკამ განაცხადა, რომ უკრაინისგან დამოუკიდებლობა უნდათ. მათი მთავარი მისია - უკრაინის სახელმწიფოებრიობის ეჭვქვეშ დაყენება იყო, მათი გაერთიანება კი არასავალდებულო.
დონეცკის დეფაქტო მმართველი ალექსანდრე ზახარჩენკო დიდი ხანია რაც ლუგანსკის ტერიტორიის მიერთებაზე და გაერთიანებული მიწების მართვაზე ოცნებობს. მან რუსეთიდან მიმავალ ყველა ფინანსურ ნაკადს თავისთან მოუყარა თავი და ისეთი ტერმინიც შემოიღო, როგორიცაა “მალორასია”. ლუგანსკში დღეს არსებული კონფლიქტი, ნაწილობრივ ზახარჩენკოს ამბიციების დამსახურებაა.
დონეცკის დეფაქტო მმართველი ალექსანდრე ზახარჩენკო დიდი ხანია რაც ლუგანსკის ტერიტორიის მიერთებაზე და გაერთიანებული მიწების მართვაზე ოცნებობს. მან რუსეთიდან მიმავალ ყველა ფინანსურ ნაკადს თავისთან მოუყარა თავი და ისეთი ტერმინიც შემოიღო, როგორიცაა “მალორასია”. ლუგანსკში დღეს არსებული კონფლიქტი, ნაწილობრივ ზახარჩენკოს ამბიციების დამსახურებაა.
imedinews.ge
No comments:
Post a Comment