ბათუმის მერმა ლაშა კომახიძემ ქალაქის ისტორიული უბნის და ძეგლების განვითარების სპეციალური პროექტი წარადგინა.
პროექტის მიზანია ქალაქის სწორი ურბანული განვითარება, კულტურული მემკვიდრეობის ძეგლებისა და ე.წ. ფონური შენობების დაცვა, აღდგენა და რეაბილიტაციაა.
პროექტი რამდენიმე ძირეულ ცვლილებას მოიცავს, კერძოდ: ქალაქის ისტორიულ სპეციალურ ზონაში პროექტის მაქსიმალური დასაშვები სიმაღლე 15 მეტრიდან 12 მეტრამდე იწევს; პროექტები შეფასდება დახვეწილი არქიტექტურისა და შესაბამისი ვიზუალური სტანდარტით; მუნიციპალური პროგრამა ისტორიული ზონის განაშენიანების სპეციალური ზონის მცხოვრებლებისთვის.
ქალაქის მერის ლაშა კომახიძის თქმით, მუნიციპალიტეტი იწყებს მცხოვრებლებისგან ისტორიულ ბათუმში კულტურული მემკვიდრეობის ძეგლების, ასევე მათი მიმდებარე ფონური ნაგებობების (საწყის ეტაპზე ძეგლის ფიზიკური დაცვის არეალში) ეტაპობრივად მუნიციპალურ საკუთრებაში გამოსყიდვას. მერი დასძენს, რომ მფობელებს ალტერნატიულ ფართებს შესთავაზებენ.
მერის თქმით, შემდეგ ეტაპზე ამ შენობების რეაბილიტაციის პროექტი შემუშავდება.
No comments:
Post a Comment