2018 წლის გამოცდებზე რეგისტრაციის ძირითადი ეტაპი დასრულდა - იხილეთ აპლიკანტთა რაოდენობა

2018 წლის გამოცდებზე რეგისტრაციის ძირითადი ეტაპი დასრულდა. შეფასებისა და გამოცდების ეროვნული ცენტრი გამოცდებზე რეგისტრირებულ აპლიკანტთა რაოდენობას აქვეყნებს.

პირველადი მონაცემებით, 2018 წელს დარეგისტრირდა:

• 40 ათასზე მეტი აბიტურიენტი ერთიანი ეროვნული გამოცდებისათვის;

•  4500-ზე მეტი სტუდენტი საგრანტო კონკურსისათვის;

• 12 ათასზე მეტი მაგისტრანტობის კანდიდატი;

• 21 ათასამდე მასწავლებელი და პედაგოგობის მსურველი.

მათივე ცნობით, გამოცდებზე რეგისტრირებული აპლიკანტების ზუსტი რაოდენობა მოგიანებით გამოქვეყნდება.

👉  კვალიფიციური მომზადება - ყველა საგანი ერთ სივრცეში 

შეგახსენებთ, რომ აბიტურიენტებს საშუალება აქვთ 15 მაისის ჩათვლით დაამატონ (ჩაანაცვლონ) საგანი, შეცვალონ ზოგადი უნარების გამოცდის ენა. 

ასეთივე ცვლილების განხორციელებას მაგისტრანტობის კანდიდატებიც (ტესტის ტიპის შეცვლა) 15 მაისამდე შეძლებენ. 

💢 კავკასიის საერთაშორისო უნივერსიტეტი

აბიტურიენტებს საგანმანათლებლო პროგრამების არჩევა ან ჩამონათვალში ცვლილების შეტანა წელს უკვე აპელაციების შედეგის გამოცხადებამდე შეეძლებათ (სავარაუდო თარიღია 15 აგვისტო).