ამერიკული ტელეარხ CNN-ის დამფუძნებელმა თედ ტერნერმა CBS-თან ექსკლუზიურ ინტერვიუში განაცხადა, რომ ნეიროდეგენერაციული დაავადება სჭირს, რაც კონკრეტულ სტადიაზე მეხსიერების დარღვევას და ჰალუცინაციებს იწვევს.
„ეს არის ზომიერი ფორმა იმისა, რაც ემართებათ ალცჰეიმერით დაავადებულ ადამიანებს. მსგავსია, მაგრამ არც ასე რთული“, - ამბობს ტერნერი.
თავიდან მან ვერ შეძლო ავადმყოფობის სახელწოდების დასახელება, თუმცა მოგვიანებით გაიხსენა, რომ მას დემენცია ჰქვია.
მანამდე ბიზნესმენს მანიაკალური დეპრესია დაუდგინეს, რაც მისი თქმით მცდარი დიაგნოზი იყო.
ტერნერი გამოტყდა, რომ ახალ ამბებს აღარ უყურებს, თუმცა, ზოგჯერ თვალს შეავლებს CNN-ს.
თედ ტერნერმა CNN-ი 1980 წელს დააფუძნა. ეს პირველი საკაბელო არხი იყო, რომელსაც უწყვეტი მაუწყებლობა ჰქონდა. ბიზნესმენის ქონება, Forbes-ის მონაცემებით, 2,2 მილიარდი დოლარია.
imedinews.ge
No comments:
Post a Comment