ისრაელში ჭურვები ცვივა - ღაზას სექტორიდან 300-ზე მეტი რაკეტა ისროლეს

ის­რა­ელ­სა და პა­ლეს­ტი­ნას შო­რის შე­ი­ა­რა­ღე­ბუ­ლი და­პი­რის­პი­რე­ბა კვლავ გრძელ­დე­ბა. სი­ტუ­ა­ცია მას შემ­დეგ და­ი­ძა­ბა, რაც ის­რა­ე­ლის მიერ ღა­ზა­ში ჩა­ტა­რე­ბუ­ლი სა­ი­დუმ­ლო ოპე­რა­ცი­ის შე­დე­გად 7 პა­ლეს­ტი­ნე­ლი და ერთი ის­რა­ე­ლე­ლი ჯა­რის­კა­ცი და­ი­ღუ­პა.

👉  კვალიფიციური მომზადება - ყველა საგანი ერთ სივრცეში    

BBC-ს ინ­ფორ­მა­ცი­ით, ღა­ზას სექ­ტო­რი­დან ის­რა­ე­ლის მი­მარ­თუ­ლე­ბით 300-ზე მეტი ჭურ­ვი ის­რო­ლეს. მათ­გან ერთი ავ­ტო­ბუსს და­ე­ცა, შე­დე­გად ახ­ლოს მყოფ­მა ჯა­რის­კაც­მა სხე­უ­ლის მძი­მე და­ზი­ა­ნე­ბე­ბი მი­ი­ღო.სა­პა­სუ­ხო დარ­ტყმე­ბი გა­ნა­ხორ­ცი­ე­ლა ის­რა­ელ­მაც - ღა­ზას სექ­ტო­რის მი­მარ­თუ­ლე­ბით ავი­ა­ი­ე­რი­ში ტე­რო­რის­ტუ­ლი ორ­გა­ნი­ზა­ცი­ე­ბის „ჰა­მა­სი­სა“ და „ის­ლა­მუ­რი ჯი­ჰა­დის“ 70-ზე მეტ ობი­ექ­ტზე მი­ი­ტა­ნეს. შე­დე­გად სამი პა­ლეს­ტი­ნე­ლი სამ­ხედ­რო და­ი­ღუ­პა. ჯან­დაც­ვის მი­ნის­ტრის ინ­ფორ­მა­ცი­ით, დაჭ­რი­ლია ცხრა პა­ლეს­ტი­ნე­ლი.

ის­რა­ე­ლე­ლი ექი­მე­ბი ამ­ბო­ბენ, რომ ღა­ზას სექ­ტო­რი­დან ნას­რო­ლი ჭურ­ვე­ბის შე­დე­გად 10 მო­ქა­ლა­ქე და­იჭ­რა. მოგ­ვი­ა­ნე­ბით კი ცნო­ბი­ლი გახ­და, რომ ერთ-ერთი ჭურ­ვი ის­რა­ე­ლის ქა­ლაქ აშ­ქე­ლონ­ში სა­ცხოვ­რე­ბელ სახ­ლს და­ე­ცა, რა­საც ერთი ადა­მი­ა­ნის გარ­დაც­ვა­ლე­ბა მოჰ­ყვა.

ის­რა­ე­ლე­ლი მა­ი­ო­რის გენ ქა­მილ აბუ რუ­კუ­ნის თქმით, ჰა­მა­სმა „წი­თე­ლი ხაზი გა­დაკ­ვე­თა“ და ის­რა­ე­ლი „რკი­ნის მუშ­ტით გა­აგ­რძე­ლებს ბრძო­ლას ტე­რო­რის­ტუ­ლი მოქ­მე­დე­ბე­ბის წი­ნა­აღ­მდეგ“.

ქვეყ­ნის პრე­მი­ერ-მი­ნის­ტრმა ბე­ნი­ა­მენ ნე­თა­ნი­აჰუმ საფ­რან­გეთ­ში ვი­ზი­ტი შე­წყვი­ტა და უსაფრ­თხო­ე­ბის სამ­სა­ხუ­რე­ბის ხელ­მძღვა­ნე­ლებ­თან შე­სახ­ვედ­რად ის­რა­ელ­ში დაბ­რუნ­და.

რა მოხ­და კვი­რას?

სა­ი­დუმ­ლო ოპე­რა­ცი­ის მიმ­დი­ნა­რე­ო­ბი­სას რამ­დე­ნი­მე ადა­მი­ა­ნი გარ­და­იც­ვა­ლა, მათ შო­რის იყ­ვნენ ჰა­მა­სის ერთ-ერთი მე­თა­უ­რი და ის­რა­ე­ლე­ლი ჯა­რის­კა­ცი.

პა­ლეს­ტი­ნის ინ­ფორ­მა­ცი­ით, მე­თა­უ­რი მოკ­ლა ის­რა­ე­ლის და­ნა­ყოფ­მა, რო­მე­ლიც სა­მო­ქა­ლა­ქო ტრან­სპორ­ტით გა­და­ად­გილ­დე­ბო­და. მათი გან­ცხა­დე­ბით, და­ნა­ყო­ფი ღა­ზას სექ­ტორ­ში სა­ზღვრი­დან 3 კმ-ს და­შო­რე­ბით მოძ­რა­ობ­და, მათი მან­ქა­ნა ჰა­მა­სის წევ­რებ­მა გა­ა­ჩე­რეს. პა­ლეს­ტი­ნის წყა­რო­ე­ბის ინ­ფორ­მა­ცი­ით, ის­რა­ე­ლელ­მა ჯა­რის­კა­ცებ­მა ცე­ცხლი გახ­სნეს და ად­გი­ლობ­რი­ვი მე­თა­უ­რი, ნურ ბა­რა­კე­ჰი მოკ­ლეს. თვითმხილ­ვე­ლე­ბის თქმით, ცე­ცხლსას­რო­ლი ია­რა­ღით და­პი­რის­პი­რე­ბის შემ­დეგ ცე­ცხლი ტე­რი­ტო­რი­ა­ზე ის­რა­ე­ლის ავი­ა­ცი­ა­მაც გახ­სნა.

ორ­მხრი­ვი სრო­ლის შე­დე­გად გარ­და­იც­ვა­ლა ჰა­მა­სის 6 პა­ლეს­ტი­ნე­ლი წევ­რი. ის­რა­ე­ლის თავ­დაც­ვი­თი ძა­ლე­ბის ინ­ფორ­მა­ცი­ით კი და­ი­ღუ­პა სპე­ცი­ა­ლუ­რი და­ნა­ყო­ფის ერთი წევ­რი, ერთი მსუ­ბუ­ქად და­იჭ­რა.

ის­რა­ე­ლე­ლი სამ­ხედ­რო­ე­ბი სამ­შობ­ლო­ში, მოგ­ვი­ა­ნე­ბით, ვერ­ტმფრე­ნით და­აბ­რუ­ნეს.რა­ტომ მოკ­ლეს ის­რა­ე­ლე­ლებ­მა ჰა­მა­სის მე­თა­უ­რი?

სა­ი­დუმ­ლო ოპე­რა­ცი­ის დე­ტა­ლე­ბის შე­სა­ხებ ის­რა­ე­ლი არ სა­უბ­რობს. ქვეყ­ნის თავ­დაც­ვის ძა­ლე­ბის გან­ცხა­დე­ბით, „ტე­რო­რის­ტე­ბის და­ხოც­ვა ან გა­ტა­ცე­ბა და­გეგ­მი­ლი არ ყო­ფი­ლა და ოპე­რა­ცი­ის მი­ზანს მხო­ლოდ ქვეყ­ნის უსაფრ­თხო­ე­ბის გაძ­ლი­ე­რე­ბა წარ­მო­ად­გენ­და“.

BBC-ს ჟურ­ნა­ლის­ტი იე­რუ­სა­ლიმ­ში, ტომ ბე­იტ­მე­ნი ყო­ფილ ის­რა­ე­ლელ გე­ნე­რალ­ზე დაყ­რდნო­ბით ამ­ბობს, რომ სა­ვა­რა­უ­დოდ, ოპე­რა­ცია დაზ­ვერ­ვი­თი იყო, თუმ­ცა წა­რუ­მა­ტებ­ლად დას­რულ­და. მი­სი­ვე თქმით, ის­რა­ე­ლის მიერ ჩა­ტა­რე­ბუ­ლი ოპე­რა­ცი­ე­ბი ასე­თი მარ­ცხით ძა­ლი­ან იშ­ვი­ა­თად სრულ­დე­ბა.რო­გორ გან­ვი­თარ­და მოვ­ლე­ნე­ბი კვი­რას ჩა­ტა­რე­ბუ­ლი ოპე­რა­ცი­ის შემ­დეგ?

ჰა­მა­სის წარ­მო­მად­გენ­ლის, ფავ­ზი ბარ­ჰო­უ­მი ინ­ცი­დენტს ის­რა­ე­ლის „ლაჩ­რულ თავ­დას­ხმად" აფა­სებს.

ის­რა­ე­ლის თავ­დაც­ვი­თი ძა­ლე­ბის ლე­ი­ტე­ნან­ტმა გენ გადი ეი­ზენ­კოტ­მა კი გა­ნა­ცხა­და, რომ ის­რა­ე­ლის და­ნა­ყო­ფი ქვეყ­ნის უსაფრ­თხო­ე­ბის­თვის ძა­ლი­ან მნიშ­ვნე­ლო­ვან ოპე­რა­ცი­ას ატა­რებ­და, თუმ­ცა დე­ტა­ლებ­ზე არ უსა­უბ­რია.

ის­რა­ე­ლის ჯა­რის ცნო­ბით, მომ­ხდა­რი­დან მა­ლე­ვე ღა­ზას სექ­ტო­რი­დან მათი მი­მარ­თუ­ლე­ბით 17 ჭურ­ვი ის­რო­ლეს.

ორ­შა­ბათს კი პა­ლეს­ტი­ნე­ლებ­მა ის­რა­ე­ლის­კენ სა­მას­ზე მეტი ჭურ­ვი გა­უშ­ვეს, უმე­ტე­სო­ბა ღია სივ­რცე­ებ­ში ჩა­მო­ვარ­და, ის­რა­ე­ლის სამ­ხედ­რო ძა­ლებ­მა ათე­უ­ლო­ბით ჭურ­ვის გა­უვ­ნე­ბელ­ყო­ფა შეძ­ლეს.

ასე­ვე, ის­რა­ე­ლის ინ­ფორ­მა­ცი­ით, ჰა­მა­სი­სა და „ის­ლა­მუ­რი ჯი­ჰა­დის“ 70-ზე მეტ ობი­ექ­ტზე მი­ი­ტა­ნეს ავი­ა­ი­ე­რი­ში.

პა­ლეს­ტი­ნე­ლი სა­მარ­თალ­დამ­ცვე­ლე­ბი ამ­ბო­ბენ, რომ თავ­დას­ხმის ობი­ექ­ტი გახ­და შე­ნო­ბა ღა­ზას სექ­ტორ­ში, სა­დაც ჰა­მა­სის მიერ მარ­თუ­ლი ტე­ლე­კომ­პა­ნი­ის ოფი­სი მდე­ბა­რე­ობს. ის­რა­ელ­მა შე­ნო­ბა­ზე ავი­ა­ი­ე­რი­შის შე­სა­ხებ პა­ლეს­ტი­ნა წი­ნას­წარ გა­აფრ­თხი­ლა, თავ­დას­ხმის დროს თა­ნამ­შრომ­ლე­ბი ევა­კუ­ი­რე­ბუ­ლე­ბი იყ­ვნენ. ის­რა­ე­ლის გან­მარ­ტე­ბით, ტე­ლე­კომ­პა­ნია ჰა­მა­სის პრო­პა­გან­დას ემ­სა­ხუ­რე­ბა. მა­უ­წყებ­ლო­ბა მა­ლე­ვე გა­ნახ­ლდა

ambebi.ge