დონალდ ტრამპმა ამერიკული ტელეკომპანია CBS-ის გადაცემა Face the Nation-თან ინტერვიუში 2020 წლის აშშ-ის საპრეზიდენტო არჩევნებზე ილაპარაკა და განაცხადა, რომ დემოკრატ სენატორ კორი ბუკერს 2020 წლის არჩევნებში გამარჯვების შანსი არ აქვს. ინფორმაციას CBS News-ი ავრცელებს.
„მას შანსი არ აქვს. ვიცნობ მას და ბოლო დროს დასახელებული კანდიტატებითმოხიბლული არ ვარ“, - განაცხადა დონალდ ტრამპმა.
2020 წლის აშშ-ის საპრეზიდენტო არჩევნებში მეორე ვადით კენჭისყრას დონალდ ტრამპი გეგმავს.
აშშ-ში წინასაარჩევნო კამპანია მხოლოდ ახლა დაიწყო და გამოცემა The New York Times-ის პროგნოზით, უახლოეს თვეებში პრეზიდენტის პოსტის დასაკავებლად კანდიდატურას კიდევ 20 ამერიკელი პოლიტიკოსი წამოაყენებს.
imedinews.ge
No comments:
Post a Comment