ბათუმში საქართველოსა და ევროკავშირს შორის 47 მილიონ ევროზე შეთანხმება გაფორმდა

საქართველოს ფინანსთა სამინისტროს ინფორმაციით, ბათუმში საერთაშორისო კონფერენციის “საქართველოს ევროპული გზა” ფარგლებში საქართველოსა და ევროკავშირს შორის ორი შეთანხმება გაფორმდა. საფინანსო შეთანხმების ბიუჯეტი 47 მილიონი ევროა. 

👉  კვალიფიციური მომზადება - ყველა საგანი ერთ სივრცეში

საერთაშორისო კონფერენციის “საქართველოს ევროპული გზა” ფარგლებში საქართველოსა და ევროკავშირს შორის ხელი მოეწერა საფინანსო შეთანხმებას “უსაფრთხოების გაძლიერებისა და დანაშაულის წინააღმდეგ ბრძოლის მხარდასაჭერად“ ("EU4 Security, Accountability and Fight against Crime in Georgia (SAFE)",რომლის ფარგლებშიც საქართველო ევროკავშირისგან 28 მილიონი ევროს ოდენობის დახმარებას მიიღებს.

.

🙏 საქართველოს საპატრიარქო

აღნიშნული პროგრამის ძირითად მიზანს წარმოადგენს საქართველოს მხარდაჭერა უსაფრთხოების გაძლიერების მიზნით, მათ შორის პროგრამა მოიცავს ისეთ კომპონენტებს, როგორებიცაა გადაუდებელი კრიზისული სიტუაციების მართვის პროცესში მხარდაჭერა და კარგი მმართველობისა და კანონის უზენაესობის გაუმჯობესების გზით საქართველოს მოქალაქეების უსაფრთხოების გაძლიერება.

💢 კავკასიის საერთაშორისო უნივერსიტეტი

ასევე, ხელი მოეწერა საფინანსო შეთანხმებას „ევროკავშირი საქართველოში ეკონომიკური მმართველობისა და ფინანსური ანგარიშვალდებულების მხარდასაჭერად”, რომლის ფარგლებში საქართველო ევროკავშირისგან 19 მილიონ ევრომდე (18 640 000)დახმარებას მიიღებს.

აღნიშული პროგრამა მიზნად ისახავს საქართველოში ეკონომიკური მმართველობისა და დემოკრატიული ანგარიშვალდებულების განმტკიცებას, მათ შორის გარე აუდიტის ეფექტურობის გაუმჯობესებას და საჯარო ფინანსების ზედამხედველობის პროცესში დამოუკიდებელი მონიტორინგისა და საზოგადოების მონაწილეობის უზრუნველყოფას.

საქართველოს მხრიდან შეთანხმებებს ხელი საგარეო საქმეთა მოადგილემ ვახტანგ მახარობლიშვილმა მოაწერა, ხოლო ევროკავშირის მხრიდან- ევროკომისიის სამეზობლო და გაფართოების მოლაპარაკებების გენერალური დირექტორატის აღმოსავლეთ სამეზობლოსა და ინსტიტუციური განვითარების დირექტორმა ლორენს მერედიტმა.​

ბათუმში საერთაშორისო კონფერენცია „საქართველოს ევროპული გზა“ გაიხსნა, რომელიც „აღმოსავლეთ პარტნიორობის“ 10 წლის იუბილეს ეძღვნება. ღონისძიებაზე სიტყვით უკვე გამოვიდა პრემიერმინისტრი მამუკა ბახტაძე და სალომე ზურაბიშვილი. 

დონალდ ტუსკმა სიტყვით გამოსვლისას ვაჟა-ფშაველას პუბლიცისტური წერილიდან ამონარიდი ქართულად წაიკითხა. 

imedinews.ge