10 წიგნი - ჭამასაც დაგავიწყებთ

ეს ის წიგნებია, რომლებიც ვიდრე ბოლო წინადადებას არ წაიკითხავთ, ერთი წუთითაც არ შეგასვენებენ. ძილი, ჭამა, საოჯახო საქმეები, სამსახური – ეს ყველაფერი უმნიშვნელოა.

მაშ ასე, წარმოგიდგენთ 10 წიგნს, რომლებიც თავიანთ სამყაროში ჩაგითრევენ:

შტეფან ცვაიგი – „ქალის ცხოვრების 24 საათი“ – ავსტრიელმა მწერალმა ყველაზე კარგად შეძლო გულახდილად, მაგრამ ტაქტის მაქსიმალური დაცვით მოეთხრო ადამიანის ყველაზე ინტიმურ განცდებზე. თავბრუს დაგახვევთ უმცირესი დეტალების დაწვრილებითი აღწერა, მათგან კი,  ნელ-ნელა წარმოისახება რეალური პირები, რომლებიც თითქოსდა თქვენს გვერდით ძალიან ახლოს და თქვენს გარშემო არიან.

ჯოან ჰარისი – „ხუთი მეოთხედი ფორთოხალი“ – უმცროსი ქალიშვილი დედისგან ანდერძად მხოლოდ კულინარიულ წიგნს ღებულობს. ის საკუთარ კაფეში საკვების მომზადებისას ამ წიგნით ხელმძღვანელობს და ცდილობს თითოეული დეტალი შეისწავლოს. ეს წიგნი მოგითხრობთ საშინელ წასრულზე, რომლის გახსენებაც ხშირად არ ღირს.

უინსტონ გრუმი – „ფორესტ გამპი“ – ამავე დასახელების ფილმის საოცარ წარმატებას წინ თავად ნაწარმოების წარმატება უძღვოდა, რომელიც ერთდროულად ტრაგიკული სიყვარულის ისტორია, ამერიკული ოცნების განსახირება და მკვეთრი სატირაა, ბოლოს ხსენებული კი გაცილებით ნაკლებად იგრძნობა ფილმში. ამასთან, უნდა აღვნიშნოთ, რომ მთავარი გმირი წიგნში უფრო ჭკვიანი და ცოტათი გაღიზიანებულია, ხოლო სიტუაცია კი უფრო ფანტასტიკურია.

არტულ ჰეილი – „აეროპორტი“ – აეროპორტის თანამშრომლებს ერთი-მეორეს მიყოლებით უამრავი პრობლემა ექმნებათ. ძლიერი ქალიშხალი მოიცავს აეროპორტს, ერთი-ერთი თვითმფრინავი ავარიულ დაშვებას განახორციელებს, ასევე, პროდუქტებით სავსე მანქანა სადღაც იკარგება. ამავდროულად თანამაშრომლებს საკმარისად აქვთ საკუთარი პრობლემები და დრამები. ეს ყველაფერი კი ერთ ხუთშაბათ დღეს ხდება. გასაოცარი ისტორია, რომელიც დაწერილია იშვიათი ჟანრის რომანის სტილში, რომელსაც ერთი ამოსუნთქვით წაიკითხავთ.

ძმები სტრუგაცკები –  „ორშაბათი იწყება შაბათს“ – ადგილი, საიდანაც არასდროს მოგინდებათ წასვლა არის გრძნეულობისა და ჯადოქრობის ინსტიტუტი, სადაც გაეცნობით მაგიის სამეცნიერო კვლევებსა და ახსნებს. თავად მეცნიერებს თავიანთი სამუშაო ისე უყვართ, რომ სამეცნიერო-კვლევით პროცესებში ჩართულობის გამო დღესასწაულებსაც კი ტოვებენ და არ ისვენებენ. კითხვის დასრულების შემდეგ, მაშივე გაგიჩნდებათ მისი კვლავ გადაშლის და თავიდან წაკითხვის სურვილი.

სებასტიან ჟაპრიზო – „ქალი სათვალეებით და მანქანაში არსებული იარაღით“ – შესანიშნავი ფსიქოლოგიური დეტექტივი, რომელშიც ყველა საინტერესო პერსონაჟია. წიგნი ძალიან ატმოსფერულია, იგრძნობა ქარი, ზღვის სუნი, მთავარი გმირი ქალის გაურკვევლობა და სასოწარკვეთილება. ყველაფერში გარკვევის მცდელობას პერსონაჟი განვლილი ცხოვრების გადახედვასა და ნამდვილი მეს ძიებამდე მიჰყავს.

გი დე მოპასანი – „ლამაზი მეგობარი“ – ჩვეულებრივი მაცდუნებლის და მექალთანის ისტორია. მიუხედავად იმისა, რომ მთავარ გმირს ღირსების ნატამალიც არ გააჩნია, მის ისტორიას სუნთქვა შეკრული მიჰყვებით. ის მსუბუქად, თავდაჯერებულად და უპრინციპოდ მიაბიჯებს მაღალსოციალურ კიბეზე. წიგნის არსი კი, არა ჯორჯის გარყვნილება, არამედ საზოგადოების მდგომარეობაა, სადაც მას თავისებური კარიერის თავისუფლად წარმართვა შეუძლია.

იანუშ ვიშნევსკი – „მარტოობა ქსელში“ – ონლაინ-სიყვარულის შესახებ დაწერილი პირველი რომანი და მომდევნო წლების ბესტსელერი. მთავრი გმირები ერთმანეთს ინტერნეტის მეშვეობით გაიცნობენ, ერთმანეთს უყვებიან განვლილი ცხოვრების ისტორიებსა და ტკივილებს. ერთმანეთს ეროტიულ ფანტაზიებს უზიარებენ. არაერთი სირთულის გადალახვის შემდგომ, ისინი პარიზში ხვდებიან, მაგრამ ყველაზე დიდი სირთულე თავად შეხვედრა აღმოჩნდება.

გაბრიელ გარსია მარკესი – „სიყვარული ჟამიანობის დროს“ – შავგვრემანი ლამაზმანი ფერმინა უარყოფს თავის ახალგაზრდობის სიყვარულს და ბავშვობის მეგობარს, რადგან უპირატესობას მეცნიერის ცოლობას მიანიჭებს. წიგნში სიყვარულზე მოთხრობილია გრძნობით, ღიმილით და იმ პოეტურობით, რომელსაც მარკესისგან ნამდვილად არ ელით.

დევიდ მიტჩელი – „ღრუბლიანი ატლასი“ – მიტჩელის რომანებს სიჩქარეში ვერ ჩაიკითხავთ. მათგან ისეთივე სიამოვნება უნდა მიიღოთ, როგორსაც მიიღებდით ექვსი ინსტრუმენტის იდეალური შერწყმით მიღებული შესანიშნავი სიმფონიისგან, ერთი სულის ექვსი ცხოვრებისგან. “სულები მოგზაურობენ დროში ისე, როგორც ღრუბლები მოგზაურობენ ცაზე, და მიუხედავად იმისა, რომ არც ღრუბლის ფორმა, არც შეფერილობა, არც ზომა იგივე არ რჩება, ის ისევ ღრუბელია. ზუსტად ასევეა სულიც…”

მარიამ ჰედუ@ კიკალია

განათლების სახლის ჟურნალისტი