ექვსი ქართული მედალი ძალოსნობაში ევროპის ჩემპიონატზე

საქართველოს ეროვნულმა ნაკრებმა ლიტვის ქალაქ კლაიპედაში გამართულ ევროპის ჩემპიონატზე ძალოსნობაში პირველი 6 მედლის მოპოვება მოახერხა. ქართველთა ანგარიშზე 1 ოქრო, 2 ვერცხლი და 3 ბრინჯაოა.

23 წლამდელთა კატეგორიაში რამინ შამილიშვილმა (62კგ) ატაცში 120 კილოგრამით ოქროს მედლის მოპოვება მოახერხა. შამილიშვილმა ასევე ორჭიდში დაიკავა მეორე ადგილი (262) და მესამეზე გავიდა აკვრაში.

ამავე კატეგორიაში, მაგრამ უფრო მძიმე წონაში (77კგ) გულშემატკივართა გახარება გიორგი ლომთაძემ მოახერხა, რომელმაც ატაცში ვერცხლის (147კგ) და აკვრაში (175კგ) ბრინჯაოს მედლები მოიპოვა. ორჭიდში ლომთაძე (322 კგ) ასევე მესამე ადგილზე გავიდა.

ევროპის ჩემპიონატი ძალოსნობაში კლაიპედასი 10 ოქტომბრამდე გაგრძელდება.

ედუარდ ჰედუ@ ბადალაშვილი

სპორტული მიმომხილველი