რუსთაველზე თეთრი ხმაურის ორგანიზებით მიმდინარე აქციის მონაწილეებმა აქცია სიმბოლური ჟესტით დაიწყეს. მათ 9 აპრილის მემორიალი ყვავილებით შეამკეს და სანთლებიც დაანთეს.
რუსთაველის გამზირზე ასევე შეკრებილები არიან საზოგადოების ის წევრები, რომლებიც 9 აპრილის მემორიალზე გუშინ მომხდარ ფაქტს აპროტესტებენ. ისინი აქციის მონაწილეებს საშუალებას არ აძლევდნენ, ყვავილები დაელაგებინათ მემორიალთან. აქციის ერთ-ერთმა ორგანიზატორმა, ბექა წიქარიშვილმა აქტივისტებს მოუწოდა, „პროვოკაციას არ აჰყოლოდნენ“.
შეგახსენებთ, გუშინ, აქციის მიმდინარეობისას 9 აპრილის მემორიალზე იცეკვეს.
თბილისში მასშტაბური აქცია გაიმართა და ამ წუთებშიც იმართება, რომელიც კლუბებში „ბასიანსა" და „გალერიში" ჩატარებულ სპეცოპერაციას უკავშირდება. რუსთაველზე შეკრებილი აქციის წევრები, სპეცრაზმელების მხრიდან აგრესიულ მოპყრობას აპროტესტებენ. შსს-ს ინფორმაციით, დაკავებულია 8 ნარკორეალიზატორი.
ბოლო პერიოდში, საქართველოში ალაპარაკდნენ ახალი ნარკოტიკის შესახებ, რომელმაც, არსებული ინფორმაციით, უკვე რამდენიმე ადამიანის, მათ შორის ახალგაზრდების სიცოცხლე იმსხვერპლა.
imidinews.ge
No comments:
Post a Comment