ავიაკომპანია United Airlines-ის თვითმფრინავი, რომელიც ვაშინგტონიდან სან-ფრანცისკოში მიფრინავდა, ვაშინგტონის აეროპორტში საგანგებოდ დაეშვა. მიზეზი ბორტზე საეჭვო სუნი გახდა. ამის შესახებ Fox News-ი წერს.
გამოცემის ინფორმაციით, მომხდარის გამო შვიდი მგზავრი საავადმყოფოში გადაიყვანეს. სამედიცინო დახმარება ადგილზე 12 მგზავრს გაუწიეს. მგზავრების ნაწილი მიკრობლოგ Twitter-ზე აცხადებდა, რომ თავი სტკიოდათ და სუნთქვის პრობლემები ჰქონდათ.
ლაპარაკია Boeing 737 ტიპის ავიახომალდზე. ამ ტიპის თვითმფრინავით შესრულებულ ავიარეისს 10 მარტს ეთიოპიაში ავიაკატასტროფა მოჰყვა. თვითმფრინავში 35 ქვეყნის 149 მგზავრი და ეკიპაჟის 8 წევრი იყო. ავიაკატასტროფის შედეგად არავინ გადარჩენილა.
ეთიოპიაში ავიაკატასტროფიდან მალევე Boeing 737 Max-ისთვის საჰაერო სივრცე დახურა უამრავმა ქვეყანამ დახურა. მათ შორის ჩამონათვალშია საქართველოც.
imedinews.ge
No comments:
Post a Comment