„ქართული ოცნების“ მერობის კანდიდატი კახა კალაძე დამოუკიდებელი კანდიდატის ალეკო ელისაშვილის შეთავაზებას გამოეხმაურა. კალაძის თქმით, თუ რეიტინგების მიხედვით ვიმსჯელებთ, მაშინ დებატებში ზაალ უდუმაშვილთან უნდა დავჯდე. კალაძემ ამის თაობაზე ჟურნალისტებთან შეხვედრაზე განაცხადა.
„ფეხბურთს, პოლიტიკას, არჩევნებს და ზოგადად ყველაფერს აქვს წესი. შესაბამისად, როდესაც ის ამბობს, რომ მიწვევს დებატებში, დაახლოებითი რეიტინგები ხომ არსებობს? რეიტინგების მიხედვით თუ უნდა ვიმსჯელოთ, მაშინ უნდა დავჯდე ზაალ უდუმაშვილთან. შესაბამისად, პატივს ვცემ ყველა კანდიდატს. მზად ვარ შვიდივესთან ერთად დავჯდე. ჩვენ არასდროს გვითქვამს დებატებზე უარი", - ამბობს კახა კალაძე.
კახა კალაძე ალექსანდრე ელისშვილმა ტელედებატებში კიდევ ერთხელ გამოიწვია. ამის შესახებ მან Facebook-ზე ვიდეომიმართვა გაავრცელა. მისი თქმით, ის ნებისმიერ არხსა თუ ფორმატში მასთან დებატებისთვის მზადაა. ელისაშვილმა კალაძე დებატებში 3 ოქტომბერსაც გამოიწვია.
საქართველოში თვითმმართველობის არჩევნები 21 ოქტომბერს გაიმართება.
imedinews.ge
No comments:
Post a Comment