ლანჩხუთში ნაპოვნ პირადობის მოწმობებთან დაკავშირებით, ლანჩხუთის მერიის ყოფილ თანამშრომელს ნუგზარ ცინცაძეს ბათუმის პროკურატურაში კითხავენ. როგორც მან ჟურნალისტებთან საუბრისას განაცხადა, პირადობის მოწმობები „ლანჩხუთი პლუსის" რედაქციაში ნეკროლოგისთვის დასაბეჭდად წლების წინ მიიტანეს.
„უკვე გამჟღავნდა, რომ „ნაციონალური მოძრაობა“ ავრცელებს ტყუილს კახა ასკურავას ხელმძღვანელობით, ინფორმაციას მივაწვდი გამოძიებას, საიდან წამოვიდა ეს ყველაფერი. მეგობარმა მითხრა, რომ გაზეთ "ლანჩხუთი პლუსის" რედაქტორმა ქეთევან ნაკაშიძემ მიაწოდა დაახლოებული პირის საშუალებით კახა ასკურავას შავი პიარისთვის ისინი. ეს პირადობის მოწმობები რედაქციაში ნეკროლოგებისთვის იყო, წლების განმავლობაში გროვდებოდა. მე წყაროსაც დავასახელებ, ვინც ინფორმაცია მომაწოდა",- განაცხადა ნუგზარ ცინცაძემ.
შეგახსენებთ, რომ გაზეთ „ლანჩხუთი პლუსის“ რედაქტორი ქეთევან ვაშაკიძე და მარეხ ორაგველიძე გამოძიებამ გუშინ გამოკითხა. ისინი პროკურატურამ გამოკითხვაზე ერთ-ერთ მედიასაშუალებაში კახა ასკურავას მიერ გავრცელებულ ინფორმაციასთან დაკავშირებილი სიუჟეტის გასვლის შემდეგ დაიბარა.
ლანჩხუთის საკრებულოს დეპუტატი „ნაციონალური მოძრაობიდან“ კახა ასკურავა მთავარ პროკურატურაში 3 დეკემბერს მას შემდეგ გამოიკითხა, რაც მან სოციალური ქსელით გაავრცელა ინფორმაცია, რომ ლანჩხუთში გადაყრილი პირადობის მოწმობები აღმოაჩინა.
interpressnews.ge
No comments:
Post a Comment