დიდი ბრიტანეთის პოლიციამ სერგეი სკრიპალის ავტომობილის ფოტო გამოაქვეყნა, რომელიც 4 მარტს სოლსბერიში მოწამლეს. სკოტლანდ იარდი მოქალაქეებს სთხოვს დახმარებას, რომელსაც ეს მანქანა დაუნახავს.
"ჩვენ გვჭირდება სერგეი სკრიპალის გადაადგილების კოორდინატის ცოდნა, სანამ ისინი ქალაქის ცენტრში მივიდოდნენ", - წერია განცხადებაში.გამოძიებისას ჩვენება უკვე 400-მდე მოწმემ მისცა. საქმეზე 250-მდე პოლიციელი მუშაობს. ამ ეტაპზე შეგროვილია 760-მდე მტკიცებულება.
სერგეი სკრიპალი და მისი შვილი იულია 4 მარტს დიდი ბრიტანეთის ქალაქ სოლსბერის სავაჭრო ცენტრში უგონო მდგომარეობაში იპოვეს და საავადმყოფოში გადაიყვანეს.
ბოლო წლების განმავლობაში ვილ მირზაიანოვი ამერიკის შეერთებულ შტატებში ცხოვრობს. სწორედ მან განუცხადა BBC-ის რუსულ ბიუროს ანტიდოტის შესახებ.
მომხდარზე დიდი ბრიტანეთის საგარეო საქმეთა მინისტრი ბორის ჯონსონი მოსკოვს აკისრებს პასუხისმგებლობას.
სერგეი და იულია სკრიპალების მოწამვლის შემდეგ ტერეზა მეიმაც გააკეთა განმარტება და რუსი ჯაშუშის ნერვულ-პარალიტიკური ნივთიერებით მოწამვლაში რუსეთი დაადანაშაულა.
ცნობილი გახდა, რომ რუსეთი 23 ბრიტანელ დიპლომატს პერსონა ნონ გრატად აცხადებს და ქვეყნიდან აძევებს.
მანამდე საფრანგეთმა, გერმანიამ და ამერიკის შეერთებულმა შტატებმა მოსკოვს ექსპოლკოვნიკის მოწამვლასთან დაკავშირებულ ყველა კითხვაზე პასუხის გაცემისკენ მოუწოდეს.
imedinews.ge
No comments:
Post a Comment