Sunday, July 21, 2019

"იმედია, სადღაც არის და უბრალოდ ამნეზია აქვს" - ტო­ბა­ვარჩხი­ლის ხე­ო­ბა­ში 4 წლის წინ გაუჩინარებულ ბიჭს დედა დღემდე ეძებს

ჩხო­რო­წყუ­ში, ტო­ბა­ვარჩხი­ლის ხე­ო­ბა­ში ოთხი წლის წინ და­კარ­გულ ერ­თა­დერთ შვილს დედა ამ დრომ­დე ეძებს. 33 წლის გი­ორ­გი მუ­ჩი­აშ­ვი­ლი 2015 წლის აგ­ვის­ტოს გა­უ­ჩი­ნარ­და, თუმ­ცა ინგა ვე­კუ­ას იმე­დი აქვს, რომ შვილს ცო­ცხალს და უვ­ნე­ბელს იპო­ვის. ამ იმე­დით ის შვი­ლის შე­სა­ხებ ინ­ფორ­მა­ცი­ას უკვე მე­ო­თხე წე­ლია ავ­რცე­ლებს.

👉  კვალიფიციური მომზადება - ყველა საგანი ერთ სივრცეში

რო­გორც ინგა ვე­კუა AMBEBI.GE-ს უყ­ვე­ბა, გი­ორ­გი ტო­ბა­ვარჩხილ­ზე სა­ლაშ­ქროდ მე­გობ­რებ­თან ერ­თად იყო წა­სუ­ლი. თუმ­ცა მან ჯგუ­ფის სხვა წევ­რებ­თან ერ­თად მე­ო­რე ტბის­კენ წას­ვლა არ მო­ი­სურ­ვა და მათ უთხრა, რომ გზად და­ე­ლო­დე­ბო­და. ვე­კუა ამ­ბობს, რომ მისი შვი­ლი დაბ­რუ­ნე­ბულ მე­გობ­რებს იმ ად­გი­ლას არ დახ­ვდათ, სა­დაც და­ტო­ვეს.
.

🙏 საქართველოს საპატრიარქო


"ოთხი წე­ლია ვე­ძებთ, ვერც ცო­ცხა­ლი და ვერც მკვდა­რი ვერ ვი­პო­ვეთ. ასე ხომ არ შე­იძ­ლე­ბა, სა­დღაც ხომ უნდა იყოს? ოთხი წლის წინ, მე­გობ­რებ­თან ერ­თად, სა­ლაშ­ქროდ წა­ვი­და. ფეხ­საც­მე­ლი უჭერ­და და მათ­თვის უთ­ქვამს, რომ მე­ო­რე ტბამ­დე ვერ წა­ვი­დო­და და პირ­ველ ტბას­თან და­ე­ლო­დე­ბო­და. პირ­ვე­ლი­დან მე­ო­რე ტბამ­დე რვა სა­ა­თის შუ­ა­ლე­დია. მობ­რუ­ნე­ბულ მე­გობ­რებს იგი ად­გილ­ზე არ დახ­ვდათ. მა­შინ ტო­ბა­ვარჩხი­ლის ტბის მიმ­დე­ბა­რედ სა­მაშ­ვე­ლო სამ­სა­ხუ­რის თა­ნამ­შრომ­ლე­ბი ეძებ­დნენ. მე რო­გორც ვიცი, სამ­ძებ­რო ღო­ნის­ძი­ე­ბა­ში ასამ­დე ადა­მი­ა­ნი იყო ჩარ­თუ­ლი. მად­ლო­ბე­ლი ვარ მათი, მაგ­რამ ყო­ველ წელს ვი­თხოვ დახ­მა­რე­ბას. გუ­ში­ნაც და­ვა­რი­გე გი­ორ­გის ფო­ტო­ე­ბი თბი­ლის­ში, ყიფ­ში­ძის ტე­რი­ტო­რი­ა­ზე, "აგ­რო­ჰაბ­ში", "კარ­ფურ­ში"... იმე­დი მაქვს, სა­დღაც არის და უბ­რა­ლოდ ამ­ნე­ზია აქვს. მე ვე­სა­უბ­რე ფსი­ქო­ლო­გებ­საც და მი­თხრეს, რომ რო­დე­საც ადა­მი­ანს ეში­ნია, ამ­ნე­ზია ემარ­თე­ბა. ცოტა მში­შა­რაც იყო. სხვა­ნა­ი­რად არ შე­იძ­ლე­ბა. ჩემი შვი­ლი სხვა­ნა­ი­რად არ მო­მექ­ცე­ო­და", - ამ­ბობს დედა.
💢 კავკასიის საერთაშორისო უნივერსიტეტი
ინგა ვე­კუ­ას თქმით, შვი­ლის შე­სა­ხებ ინ­ფორ­მა­ცი­ის გავ­რცე­ლე­ბას მა­ნამ არ შე­წყვეტს, სა­ნამ მის კვალს არ მი­აგ­ნებს. ოთხი წლის წინ და­კარ­გუ­ლი ახალ­გაზ­რდას სამ­ძებ­რო ღო­ნის­ძი­ე­ბებ­ში მაშ­ვე­ლე­ბის რამ­დე­ნი­მე ჯგუ­ფი, ად­გი­ლობ­რი­ვი მო­ნა­დი­რე­ე­ბი და ვერ­ტმფრე­ნი იყო ჩარ­თუ­ლი.
ambebi,ge

16 წლის მუშის დაღუპვის საქმეზე დაკავებული სამშენებლო კომპანიის დირექტორი ბრალს არ აღიარებს

16 წლის მუშის დაღუპვის საქმეზე დაკავებული სამშენებლო კომპანიის დირექტორი შიშუ პალ ბურდაკი ბრალს არ აღიარებს.

👉  კვალიფიციური მომზადება - ყველა საგანი ერთ სივრცეში

ბრალდება მისთვის აღკვეთის ღობისძიების სახით პატიმრობის შეფარდებას ითხოვს, თავის მხრივ დაცვის მხარე ბრალდებულის გირაოს საფუძველზე გათავისუფლებას შუამდგომლობს.
სამშენებლო კომპანია ,,ჯევიკე ჰოსპიტალიტის” დირექტორს შიშუ პალ ბურდაკს ბრალი წაუყენეს. გამოძიების ინფორმაციით, კომპანია თბილისში, დოლაბაურის ქუჩაზე სამშენებლო სამუშაოების უსაფრთხოების წესების დარღვევით აწარმოებდა. სწორედ ამ ობიექტზე 16 ივლისს ლიფტის დემონტაჟის დროს არასრულწლოვანი მუშა დაიღუპა.
ადვოკატის მტკიცებით, მისი დაცვის ქვეშ მყოფი ერთადერთი პასუხისმგებელი პირი არ ყოფილა და ზურაბ შუბითიძემ, რომელიც კომპანიასთან მოლაპარაკებებს აწარმოებდა, სამშენებლო ობიექტზე ადამიანთა ჯგუფი, მათ შორის 16 წლის გარდაცვლილი მუშაც თვითნებურად შეიყვანა.
სამართალდამცველებმა სამშენებლო კომპანია ,,ჯევიკე ჰოსპიტალიტის" დირექტორი, 19 ივლისს დააკავეს.
16 ივლისს თბილისში, დოლაბაურის ქუჩა N29-ში მიმდინარე სამშენებლო სამუშაოებზე ლიფტის დემონტაჟის დროს 2003 წელს დაბადებული გ.ბ. გარდაიცვალა. გამოძიება საქართველოს სისხლის სამართლის კოდექსის 240-ე მუხლის მე-2 ნაწილით მიმდინარეობს, რაც სამთო, სამშენებლო ან სხვა სამუშაოების წარმოებისას უსაფრთხოების წესების დარღვევას გულისხმობს.
imedinews.ge

შსს იულია სუსლიაკის შესახებ განცხადებას ავრცელებს

შინაგან საქმეთა სამინისტრო ტრეფიკინგში ბრალდებული იულია სუსლიაკის შესახებ განცხადებას ავრცელებს.

👉  კვალიფიციური მომზადება - ყველა საგანი ერთ სივრცეში

"უკრაინის მოქალაქე იულია სუსლიაკს, რომელიც აზერბაიჯანიდან საქართველოს ტერიტორიაზე შემოსვლას ცდილობდა, საზღვრის გადაკვეთისას უარი ეთქვა ქვეყანაში შემოსვლაზე უცხოელთა და მოქალაქეობის არმქონე პირთა სამართლებრივი მდგომარეობის შესახებ საქართველოს კანონის თანახმად.
კერძოდ, აღნიშნული კანონის  მე-11 მუხლის  1 პუნქტის „დ“ და „თ“ საფუძველზე, რაც არასაკმარისი ფინანსური სახსრების, სამოგზაურო დაზღვევის არქონას გულისხმობს, ასევე პირი არ იძლევა ზუსტ ინფორმაციას მგზავრობის მიზნის შესახებ.
უკრაინის მოქალაქე იულია სუსლიაკი ქართველი სამართალდამცველების მიერ სასაზღვრო გამშვები პუნქი „ვახტანგისი”-ს გავლით გააბრუნეს აზერბაიჯანის მიმართულებით",- წერს შსს.
ტრეფიკინგში ბრალდებული იულია სუსლიაკი პატიმრობიდან 19 ივლისს გათავისუფლდა. საქმე განსახილველად უკრაინის პროკურატურას გადაეცა.
ორი ან მეტი პირი მიმართ ტრეფიკინგში ბრალდებულის, იულია სუსლიაკის მიმართ პატიმრობის გაუქმების მოთხოვნით სასამართლოს ბრალდების მხარემ მიმართა. საქმის პროკურორების განცხადებით, იმის გამო, რომ საქმეზე არსებული მტკიცებულებების უმეტესობა არის უკრაინაში და ქართულ მხარეს მოთხოვნის მიუხედავად არ გადმოეცა, გამოძიებამ მიიღო გადაწყვეტილება, საქმეზე ძიება უკრაინის პროკურატურამ განაგრძოს. თავის მხრივ, იულია სუსლიაკის ადვოკატს მოლოდინი აქვს, რომ მისი დაცვის ქვეშ მყოფს ხელახლა დააკავებენ.
5 ივნისს ცნობილი გახდა ექსპერტიზის პასუხი, რომლის მიხედვითაც ათი ბავშვიდან ათივე იური სუსლიაკის ბიოლოგიური შვილია, აქედან ოთხის ბიოლოგიური დედა დაკავებული იულია სუსლიაკია. ბავშვები უკრაინაში 7 ივნისს გაამგზავრეს.
2019 წლის 8 აპრილს მოსკოვი-თბილისის რეისით საქართველოში უკრაინის მოქალაქე ბავშვებთან ერთად ჩამოვიდა. მოგვიანებით გაირკვა, რომ მათი მოგზაურობა ოკუპირებული აფხაზეთის მიმართულებით უნდა გაგრძელებულიყო, თუმცა ზუგდიდში ბავშვები ჯერჯერობით დაუდგენელი ნივთიერებით მოიწამლნენ.
საავადმყოფოში ერთი შეუსაბამობა ყველასთვის თვალშისაცემი აღმოჩნდა. ქალი ირწმუნებოდა, რომ ათივე მისი შვილია, თუმცა ათიდან 4 ბავშვი 2017 წელსაა დაბადებული. ერთ-ერთი ბავშვი კი ამბობდა, რომ თანმხლები ქალი მისი დედა არ არის. 
შსს-მ ამ საქმეზე გამოძიება ტრეფიკინგის მუხლით დაიწყო. გამოძიების ინფორმაციით, იულია სუსლიაკი უკრაინიდან რუსეთის ტერიტორიაზე 11 ბავშვით შევიდა, საქართველოში კი 10 მცირეწლოვნით ჩამოფრინდა.
imedinews.ge

ნიუ-იურკში სიცხის გამო საგანგებო მდგომარეობა გამოცხადდა

დაახლოებით 150 მილიონ ადამიანს ატლანტიკის ოკეანის სანაპიროზე მდებარე ქვეყნებში რეკორდულად მაღალი ჰაერის ტემპერატურა აწუხებს.
Deutsche Welle-ს ცნობით, ძლიერი სიცხის გამო ნიუ-იუორკში საგანგებო მდგომარეობა გამოცხადდა. რადგან კლიმატური პირობების გამო სულ ცოტა სამი ადამიანი დაიღუპა. ქალაქში გაუქმდა ყველა ღონიძიება, რაც უქმეებზე იყო დაგეგმილი. 
გამოცემის ცნობით, ადამიანებს ძირითადად ძლიერი სიცხე აშშ-ის აღმოსავლეთ და ცენტრალურ ნაწილში აწუხებთ. მათ შორის გაუსაძლისი სიცხეა ნიუ-იორკში, ფილადელფიაში და ვაშინგტონში. ტემპერატურა 38 გრადუსს აღწევს.  
აშშ-ის ამინდის ნაციონალური სასმსახურის (NWS) ცნობით, ძლიერი სიცხე და ტენიანობა იწვევს სითბურ სტრესს ან მზის დარტყმას. ამიტომ მოქალაქეებს მოუწოდებს, რომ უსაფრთხოების სპეციალური ზომები დაიცვან.
imedinews.ge

👉  კვალიფიციური მომზადება - ყველა საგანი ერთ სივრცეში

Saturday, July 20, 2019

კვლევა: ოპერაციამდე მუსიკის მოსმენა ნერვებს ამშვიდებს

ოპერაციამდე მუსიკის მოსმენას დამამშვიდებელი მედიკამენტების ეფექტი აქვს, ამ დასკვნამდე ამერიკელი მეცნიერები მივიდნენ. თემაზე სტატია BBC-მ რამდენიმე მაგალითსა და კვლევაზე დაყრდნობით მოამზადა. 

👉  კვალიფიციური მომზადება - ყველა საგანი ერთ სივრცეში

სიმღერა ამცირებს შფოთვას, დადებითად მოქმედებს არტერიულ წნევასა და გულისცემაზე-ამის თქმის საფუძველს მეცნიერებს ჩატარებული კვლევა აძლევს. 
კვლევის მონაწილე 157 ადამიანიდან უმეტესობა ამბობს, რომ უპირატესობას მათ მიერ შერჩეული მუსიკის მოსმენას ანიჭებენ.
ექსპერიმენტის მონაწილეებს დამამშვიდებელი საშუალება მიაღებინეს, მეორე ჯგუფს კი ბრიტანული ბენდის მუსიკა მოასმენინეს-შედეგად პაციენტის შფოთვა ორივე მხარეს იდენტურ დონეზე შემცირდა, ამტკიცებენ მკვლევარები. 
პენსილვანიის უნივერსიტეტის პროფესორი ვიინა გრაფი ამბობს, რომ მუსიკა ტვინს ემიციური ფონისგან ათავისუფლებს და ახალისებს ნერვულ სისტემას.
„ეს ნიშნავს, რომ პაციენტებს შეუძლიათ, თავიანთ სამყაროში კომფორტულად იგრძნონ თავი და მთლიანად აკონტროლონ ის“. - ამბობს პროფესორი. 

ირაკლი ოქრუაშვილი „რუსთავი 2“-ის თანამშრომლებს დღეს შეხვდება

თავდაცვის ყოფილი მინისტრი, პარტია „გამარჯვებული საქართველოს“ ლიდერი ირაკლი ოქრუაშვილი დღეს „რუსთავი 2“-ის თანამშრომლებს შეხვდება. 
ოქრუაშვილის თქმით, სად ჩატარდება შეხვედრა, ჯერ დაზუსტებული არ არის, თუმცა ცნობილია, რომ შეკრება ტელეკომპანიის შენობაში არ გაიმართება. ირაკლი ოქრუაშვილმა ამ ეტაპზე არც ის იცის, რომელი ჟურნალისტები არიან თანახმა მასთან შეხვედრაზე.
ოქრუაშვილი ტელეკომპანიის თანამშრომლებთან შეხვედრას მის მიერ დაგეგმილი სასამართლო დავის თაობაზე აპირებს. ის ამბობს, რომ დავის მოგების შემთხვევაში „რუსთავი 2“-ის 10 ჟურნალისტს ტელეკომპანიის წილს დაუთმობს.
ირაკლი ოქრუაშვილი „რუსთავი 2“-ის აქციების დაყადაღებას მოითხოვს. შესაბამისი მოთხოვნით მისმა უფლებადამცველებმა თბილისის საქალაქო სასამართლოს უკვე მიმართეს.
ადვოკატი გიორგი ზედელაშვილი ამბობს, რომ 2010 წელს შედგენილი დოკუმენტის მიხედვით „რუსთავი 2“-ის 100%-იანი წილი ირაკლი ოქრუაშვილმა ქიბარ ხალვაშის სახელით შეისყიდა, თუმცა კომპანიის დღევანდელი მფლობელი ამ დოკუმენტს არ აღიარებს და ამბობს, რომ ხელმოწერა გაყალბებულია.
სამაუწყებლო კომპანია „რუსთავი 2-ის“ ერთ-ერთმა დამფუძნებელმა დავით დვალმა საქართველოს პროკურატურას მიმართა და ირაკლი ოქრუაშვილის დაკითხვა მოითხოვა.
„საქართველოს პროკურატურა ეს ოქრო კაცი თავისი პირით იძახის - მეო, სახელმწიფო მოხელემო, ძალოვანი უწყების ხელმძღვანელმა დავითრიე ტელევიზიაო და მეტი რა ჯანდაბა მტკიცებულება გინდათ, რომ სახელმწიფომ წაგვართვა რუსთავი 2. დაკითხავთ? არა ხო?"- წერს დვალი Facebook-ზე.
თავად ოქრუაშვილს ბოლო ბრალდებებზე ჯერ არ უპასუხია.
სტრასბურგის სასამართლომ გააუქმა საქართველოს უზენაესი სასამართლოს გადაწყვეტილების აღსრულების შემაჩერებელი მექანიზმი. კერძოდ, 2017 წლის 2 მარტს საქართველოს უზენაესი სასამართლოს დიდმა პალატამ ტელეკომპანია „რუსთავი 2“ ქიბარ ხალვაშს მიაკუთვნა. იმავე წლის 3 მარტს კი, „რუსთავი 2“-ის მიმართვის საფუძველზე, სტრასბურგის სასამართლომ უზენაესი სასამართლოს გადაწყვეტილების აღსრულება შეაჩერა. სწორედ ამ აღსრულების შეჩერება გააუქმა სტრასბურგის სასამართლომ.
18 ივლისს ქიბარ ხალვაშმა „რუსთავი 2“-ის გენერალურ დირექტორად პაატა სალია დანიშნა, რომელმაც ამ პოზიციაზე ნიკა გვარამია შეცვალა.
imedinews.ge

👉  კვალიფიციური მომზადება - ყველა საგანი ერთ სივრცეში

პაატა სალიას პასუხი კითხვაზე, არის თუ არა მომხრე, რომ გიორგი გაბუნიამ "რუსთავი 2"-ზე მუშაობა განაგრძოს

მე მომ­ხრე-მო­წი­ნა­აღ­მდე­გე ამ შემ­თხვე­ვა­ში არაფ­რის არ ვარ, - ასე გა­მო­ეხ­მა­უ­რა "რუს­თა­ვი 2"-ის ახა­ლი გე­ნე­რა­ლუ­რი დი­რექ­ტო­რი პა­ა­ტა სა­ლია ჟურ­ნა­ლის­ტე­ბის კი­თხვას, არის თუ არა მომ­ხრე, რომ ტე­ლე­წამ­ყვან­მა გი­ორ­გი გა­ბუ­ნი­ამ ტე­ლე­ვი­ზი­ა­ში მუ­შა­ო­ბა გა­ნაგ­რძოს, როცა ორ­თვი­ა­ნი სან­ქცი­ის ვადა გავა.

👉  კვალიფიციური მომზადება - ყველა საგანი ერთ სივრცეში

პა­ა­ტა სა­ლი­ას გან­ცხა­დე­ბით, რო­გორც მისი, ასე­ვე ქი­ბარ ხალ­ვა­შის პო­ზი­ცია იყო, რომ ყვე­ლა რჩე­ბა და­კა­ვე­ბულ თა­ნამ­დე­ბო­ბებ­ზე, გარ­და არ­ხის ყო­ფი­ლი გე­ნე­რა­ლუ­რი დი­რექ­ტო­რის ნიკა გვა­რა­მი­ა­სი.
"მე მომ­ხრე-მო­წი­ნა­აღ­მდე­გე ამ შემ­თხვე­ვა­ში არაფ­რის არ ვარ. მე ვთქვი, და­ვა­ფიქ­სი­რე პო­ზი­ცია, რომ ყვე­ლა რჩე­ბა თა­ვის ად­გი­ლას. ქი­ბარ ხალ­ვა­შის პო­ზი­ცია იყო ეს, რომ ყვე­ლა რჩე­ბა თა­ვის ად­გი­ლას. ეს ეხე­ბო­და უკ­ლებ­ლივ ყვე­ლას, გარ­და ნიკა გვა­რა­მი­ა­სი. და­ნარ­ჩე­ნი უკვე მათ­ზეა და­მო­კი­დე­ბუ­ლი" - გა­ნა­ცხა­და პა­ა­ტა სა­ლი­ამ.
ამას­თან, არ­ხის ახალ­მა გე­ნე­რა­ლურ­მა დი­რექ­ტორ­მა არ იცის გი­ორ­გი გა­ბუ­ნია აპი­რებს თუ არა მას­თან თა­ნამ­შრომ­ლო­ბას, ასე­ვე ის აღ­ნიშ­ნავს, რომ "პოსკრიპ­ტუ­მის" წამ­ყვა­ნი "მისი ნახ­ვით გა­ხა­რე­ბუ­ლი არ იყო".
"ჩემი ნახ­ვით გა­ხა­რე­ბუ­ლი ვერ იქ­ნე­ბო­და და არ იყო, თუმ­ცა რე­ა­ლო­ბა ეს არის" - გა­ნა­ცხა­და პა­ა­ტა სა­ლი­ამ.
ambebi.ge