Monday, May 20, 2019

ფილიპინებში შესაძლოა სამუშაო კვირის დღეები შემცირდეს

ფილიპინების სენატმა სამუშაო დღეების შესახებ კანონპროექტს მხარი დაუჭირა
ახალი კანონი მშრომელთათვის მეტად მორგებული გრაფიკის მიღებას ითვალისწინებს. მისი ამოქმედების შემთხვევაში დასაქმებულები დღეში სამუშაო საათების გახანგრძლივების ხარჯზე სამუშაო დღეების შემცირებას შეძლებენ.
კანონპროექტის თანახმად, სამუშაო საათების ლიმიტი კვირაში 48 საათია. "შემცირებული სამუშაო კვირა არამარტო სამუშაო ტრანზიტის ხარჯებს შეამცირებს, არამედ დასაქმებულებს საშუალებას მისცემს მეტი დრო დაუთმონ თავიანთ პირად და სოციალურ ვალდებულებებს და დააბალანსონ სამუშაო და პირადი ცხოვრება", - აღნიშნულია კანონპროექტის დოკუმენტში.  
კანონპროექტის ამოქმედებისთვის მხოლოდ პრეზიდენტ როდრიგო დუტერტეს ხელმოწერაა საჭირო.
imidinews.ge

👉  კვალიფიციური მომზადება - ყველა საგანი ერთ სივრცეში

51-ე სკოლასთან მოზარდებს შორის დაპირისპირება მოხდა

51-ე სკოლასთან მოზარდებს შორის დაპირისპირება მოხდა. როგორც Imedinews-ს შინაგან საქმეთა სამინისტროში განუცხადეს, შემთხვევის ადგილზე პოლიციაა მობილიზებული.
ამ ეტაპზე დაჭრილებისა და დაშავებულების შესახებ ინფორმაცია არ გავრცელებულა. არსებული ინფორმაციით, დაპირისპირება მაშინ მოხდა, როდესაც სკოლის მიმდებარე ტერიტორიაზე „ბოლო ზარის“ ღონისძიება მიმდინარეობდა.
ადგილობრივები ამბობენ, რომ ჩხუბში რამდენიმე მოზარდი მონაწილეობდა. მათივე თქმით, ერთმანეთს ცივი იარაღებით მე-12 კლასელები დაუპირისპირდნენ. 
imedinewes.ge

👉  კვალიფიციური მომზადება - ყველა საგანი ერთ სივრცეში

ბრაზილიაში ბარზე თავდასხმას 11 ადამიანი ემსხვერპლა

შეიარაღებული პირები ნიღბებით, ბრაზილიის ქალაქ ბელემში გუამას რაიონში ბარს დაესხნენ და 11 ადამიანი მოკლეს, წერს - BBC-ი.  
თვითმხილველების ცნობით, თავდამსხმელებმა 5 ქალი და 6 კაცი მოკლეს. გასროლა არ ყოფილა მიზანმიმართული. გუამა ბელემში 7 რაიონიდან ერთ-ერთია, სადაც ხელისუფლებამ პოლიციის დასახმარებლად ფედერალური ძალები გადაისროლა. 
გამოცემის ინფორმაციით, მექსიკის არასამთავრობო ორგანიზაციის „უსაფრთხოება და სამართლიანობა მსოფლიოში“ 2018ნ წელს ბრაზილიის ქალაქი ბელენი ქვეყანაში მომხდარი კრიმინალური შემთხვევების რაოდენობით მესამე ადგილზე გავიდა. 
გაზრდილი კრიმინალის ფონზე ბრაზილიის ხელისუფლებამ ქვეყანაში იარაღის იმპორტი გაამარტივა.
imedinews.ge

👉  კვალიფიციური მომზადება - ყველა საგანი ერთ სივრცეში

რა მოხდა 1992 წლის 20 მაისს ?-ოსი ლტოლვილების დახვრეტა ძარის გზაზე

20 მაისს 27 წელი გავიდა ძარის (ზარის) ტრაგედიიდან, ამ დღესთან დაკავშირებით ცხინვალის დე-ფაქტო ხელისუფლება ტრადიციულად საზღვრებს კეტავს და დაღუპულთა ხსოვნის საპატივსაცემლოდ ღონისძიებებს მართავს.

👉  კვალიფიციური მომზადება - ყველა საგანი ერთ სივრცეში



"ძარის ტრაგედიის მორიგი წლისთავისადმი მიძღვნილი სამგლოვიარო ღონისძიებების ჩატარების პერიოდში უსაფრთხოების ზომების გაძლიერების გამო 19 მაისის 20:00 საათიდან საქართველოსთან საზღვრის გადაკვეთის გამარტივებულ მონაკვეთებში მოქალაქეების გადაადგილება დროებით შეიზღუდება." - აღნიშნულია დე-ფაქტო ხელისუფლების განცხადებაში.


ქართულ ოსური კონფლიქტის დროს, ოსებმა საცხოვრებელი ადგილის მიტოვება და ჩრდილოეთ ოსეთში გადასვლა დაიწყეს.
💢 კავკასიის საერთაშორისო უნივერსიტეტი
1992 წლის 20 მაისს სატვირთო და რამდენიმე მსუბუქი ავტომობილი ჩრდილოეთ ოსეთისკენ მიემართებობდა, სადაც ძირითადად მოხუცები ქალები და ბავშვები იმყოფებოდნენ, სოფელ ძარისთან, სადაც გზა ქურთისკენ და კეხვისკენ უხვევს, ავტოკოლონა ბოევიკებმა გააჩერეს, რომლებმაც მალევე უმისამართო სროლა ატეხეს მანქანების მიმართულებით, მთლიანად დაიხვრიტა 36(ზოგიერთი წყაროს მონაცემებით 33) ადამიანი, მათ შორის 11 წლის ბიჭუნა, რომელიც 50 მეტრის დაშორებით იპოვეს იმ მანქანიდან, რომელშიდაც იჯდა, რაც იმის მანიშნებელია, რომ ბიჭუნას გამოედევნენ.
რა მოხდა ან ვინ გაუხსნა ცეცხლი ხალხით სავსე მანქანას, გამოძიება არ ჩატარებულა. საქართველოს პროკურატურამ გამოძიების დაწყებიდან მესამე დღეს განაცხადა, რომ ოსური მხარე ხელს უშლის გამოძიებას, ქართველ გამომძიებლებს არ უშვებენ რომ ნახონ გვამები და ტრაგედიის ადგილი, "ისინი არ არინ დაინტერესებულები, რომ საქმე გაიხსნას".

მომხდარ ფაქტს გამოეხმაურა საქართველოს სახელმწიფო საბჭო(რომელსაც ორი თვის გადაბარებული ჰქონდა ძალაუფლება სამხედრო საბჭოსგან), რომელმაც ყველაფერი "ქართველი ხალხი მტრებს" დააბრალა, ხოლო შსს-ს მინისტრის მოადგილემ რობინზონ თუშურაშვილმა, რომელიც ქართული მხრიდან წარმომადგენელი იყო ცხინვალში, გამოთქვა მოსაზრება, რომ ყველაფერში დამნაშავენი იყვნენ გამსახურდიას მომხრეები, "რომლებსაც რეგიონში დესტაბილიზაცია სურთ."

რა მოხდა ან ვინ გაუხსნა ცეცხლი ხალხით სავსე მანქანას, დღემდე დაუდგენელია
დაღუპული ადამიანების ახლო ნათესავები დღემდე ითხოვენ პასუხს.მიუხედავად იმისა, რომ საქართველოს მაშინდელმა მთავრობამ ლტოლვილების დახვრეტას სამხედრო დანაშაული უწოდა.

თუმცა თუ გავითვალიწინებთ იმ პერიოდს, თუ რა ხდებოდა საქართველოში და კერძოდ, ერთ -ერთ კუთხეში დიდი ალბათობით ძნელი გამოსაცნობი არა უნდა იყოს ვისი ჩადენილი უნდა იყოს ეს სისხლიანი ტრაგედია
intermedia.ge

NDI: ნატოში გაწევრიანებას მოსახლეობის 74% უჭერს მხარს

ეროვნულმა დემოკრატიულმა ინსტიტუტმა (NDI) და CRRC-საქართველომ ჩაატარა კვლევა, რომელიც ევროკავშირისა და ნატოს მიმართ საქართველოს მოსახლეობის დამოკიდებულებას აჩვენებს. 
ნატოში გაწევრიანებას მოსახლეობის 74 % უჭერს მხარს. მოქალაქეების 55 %-სთვის ეს სრულად არის მისაღები. ამავდროულად, სომხური დასახლებების მოსახლეობის ნახევრისთვის ნატოში გაწევრიანება მიუღებელია, ხოლო 28 %-თვის მისაღებია. მიუხედავად იმისა, რომ ნატოს მხარდაჭერა აზერბაიჯანულ დასახლებებშიც დაბალია, იქ ეს არა მხარდაჭერის ნაკლებობით, არამედ მაღალი “არ ვიცი” პასუხით (41 %) არის განპირობებული.
imedinews.ge

👉  კვალიფიციური მომზადება - ყველა საგანი ერთ სივრცეში

ნაცუ ბაშოს მეცხრე დღეს ტოჩინოშინს ტექნიკური მოგება ჩაეთვალა

ნაცუ ბაშოს მეცხრე დღეს ქართველ სუმოისტ ლევან გორგაძეს (ტოჩინოშინი) ტექნიკური მოგება ჩაეთვალა. ის დღეს ოძეკი ტაკაკეიშოს უნდა შეხვედროდა, თუმცა მეტოქემ ბრძოლაზე უარი ტრავმის გამო განაცხადა.
ბოლო მონაცემებით, ტოჩინოშინის ბალანსი 8/1 გახდა. ხვალ ტოჩინოშინი კომოსუბი მიტაკეუმის შეხვდება. 
ნაცუ ბაშოზე ტოჩის სულ 15 ბრძოლის ჩატარება მოუწევს, შესაბამისად დარჩენილი 6 დაპირისპირებიდან მხოლოდ 3 მოგებაც საკმარისია.
imedinews.ge

👉  კვალიფიციური მომზადება - ყველა საგანი ერთ სივრცეში

ქართველმა ალპინისტმა ევერესტი დალაშქრა

საქართველო მთამსვლელთა გაერთიანებული ფედერაციის პრეზიდენტი, ავთანდილ ცინცაძე 16 მაისს მსოფლიოს უმაღლეს მწვერვალზე, ევერესტზე ავიდა. ინტერნაციონალურ ექსპედიცია ევერესტზე 2019 წლის 2 აპრილს დაიწყო  
საქართველოს მთამსვლელთა გაერთიანებული ფედერაციის ინფორმაციით ევერესტზე ასვლა განხორციელდა ნეპალის მხრიდან. საერთაშორისო ექსპედიციის შემადგენლობაში, ავთანდილ ცინცაძის პირადი სახსრებითა და ძალისხმევით მონაწილეობდა.
საქართველოს მთამსვლელთა ფედერაციის პრეზიდენტი ავთანდილ ცინცაძე მეთერთმეტე ქართველია, რომელმაც დედამიწის უმაღლესი მწვერვალი, ევერესტი, დაიპყრო.
imedinews.ge

👉  კვალიფიციური მომზადება - ყველა საგანი ერთ სივრცეში

Sunday, May 19, 2019

ციხეში 2009 წელს მოვხვდი. 260-ე მუხლით ვიყავი გასამართლებული. 10 წელი მომისაჯეს

მირანდა მაზმანოვა, 38 წლის, ბათუმი

👉  კვალიფიციური მომზადება - ყველა საგანი ერთ სივრცეში

"ციხეში 2009 წელს მოვხვდი. 260-ე მუხლით ვიყავი გასამართლებული. 10 წელი მომისაჯეს, 3 წელი და რვა თვე ვიჯექი და ამნისტიით გამოვედი. ჩემი სირთულეები და პრობლემები ციხიდან გამოსვლის შემდეგ დაიწყო. ვამბობდი, სასჯელი თუ უნდა მომცენ, თავისუფლებაზე გამიშვან მეთქი. ყველაფერი საფიქრალი და საზრუნავია - აბა, სახლი, აბა, ქირა, აბა, სამსახური... იქ მაგის პრობლემა არ გაქვს. თავზე არ გაწვიმს,

.

 გაქვს შენი ლოგინი, სიგარეტი, საჭმელი, ყველანაირად უზრუნველყოფილი ხარ. გარეთ მეტი პრობლემა გხვდება. ვინ იხდის სასჯელს? მე არ ვიხდიდი. ფაქტობრივად, სასჯელს იხდიდა ჩემი ოჯახი, შვილები, დედაჩემი, 
💢 კავკასიის საერთაშორისო უნივერსიტეტი
რომელიც მოდიოდა და საათობით იდგა რიგში, პაემანზე რომ შემოსულიყო ან ამანათი შემოეგზავნა. ვფიქრობ, მათთვის მეტი სასჯელია, ვიდრე პატიმრისთვის. ციხეში ყოფნის დროს ჩემთვის ყველაზე დიდი პრობლემა ის იყო, რომ მოწყვეტილი ვიყავი ოჯახსა და შვილებს. მაშინ ორი შვილი მყავდა, რომლებსაც დედაჩემი უვლიდა და იმდენად რთული იყო ჩემთვის ბავშვების გარეშე ყოფნა, რომ შეიძლება იყო კიდეც იქ რამე ცუდი, მაგრამ ვერ ვამჩნევდი, ყველაფერი დანარჩენი მეორეხარისხოვანი იყო ჩემთვის. გაუსაძლისად იწელებოდა დღე-ღამე მარტო იმის გამო, რომ ბავშვებთან ვერ ვიყავი ახლოს. ციხეში ჩვეულებრივი ცხოვრებაა, როგორც გარეთ. უბრალოდ, ჩაკეტილი ხარ, გაქვს შენთვის განსაზღვრული სივრცე, რომელშიც მოძრაობ და იმის იქით ვერ გადიხარ. დამოკიდებულებაც ნორმალურია, ფილმებში რომ აჩვენებენ ცემა-ტყეპასა და უბედურებას, ასე არ ხდება. შეიძლება გარეთაც ვიკამათოთ და ვიჭორაოთ, ანუ ყოველდღიურობაში რაც ხდება, იქაც იგივეა.
ციხიდან რომ გამოვედი, არაფერი გამაჩნდა. რაც მქონდა, ისიც წამართვეს და ცხოვრება ნულიდან დავიწყე. ამჟამად ურეხის დროებით ღამის თავშესაფარში ვცხოვრობ. შენობა მერიის დაქვემდებარებაშია და გაყოფილია ორ ნაწილად - ერთ ნაწილში ბენეფიციარები არიან, რომლებიც ღამით მოდიან და დილით მიდიან, მეორე ნაწილში ხუთი ოჯახი ვცხოვრობთ. აქ ხუთი წლის წინ მოვხვდით, ქუჩაში დავრჩი ჩვილი ბავშვით, სამი შვილი მყავს და პატარა მაშინ რვა თვის იყო. ვცხოვრობდით ნაქირავებში, უკიდურეს გაჭირვებაში. არანაირი სახსრები არ მქონდა, მაგრამ რატომღაც სოციალურად დაუცველის სტატუსსაც არ მაძლევდნენ. ბავშვი ძუძუზე მყავდა, მაგრამ ვერ ვიკვებებოდი და თავისთავად ბავშვსაც ვერ ვაჭმევდი. მივედი მერიაში ჩვილი ბავშვით ხელში და ავუხსენი სიტუაცია, ვუთხარი, რომ მართლა არაფერი გამაჩნდა, ელემენტარულად, საჭმელი არ მქონდა სახლში, მერამდენედ ვწერდი განცხადებას სოციალურზე და უარს მეუბნებოდნენ. პროგრამა იყო მაშინ, სოციალურად დაუცველებს ერთ წლამდე ბავშვისთვის საკვებს აძლევდნენ და უმეტესწილად იმიტომ მინდოდა, რომ ბავშვის საჭმელი მაინც მიმეღო. მითხრეს, ჩვენს კომპეტენციაში არ შედისო და უარით გამომისტუმრეს. მერე სოციალური აგენტი დამეხმარა და მიუხედავად იმისა, რომ სოციალურის სტატუსი არ მქონდა და არ მეკუთვნოდა, დაინახეს რომ ნამდვილად გაჭირვებაში ვიყავი და საკვები, წამლები მოჰქონდათ ბავშვისთვის. მიწევდა ერთი ნაქირავებიდან მეორეში გადასვლა, თანხას ვერ ვიხდიდი და ბინიდან გამოგვაგდეს. ისევ მივედი მერიაში და ვთხოვე აქ შემოვესახლებინე. ვიცოდი ამ შენობის არსებობის შესახებ და ისიც, რომ იყო თავისუფალი ოთახები. ისევ უარი მითხრეს, ვერ შეგასახლებთო. დავრეკე ტელევიზიაში, რომ მოსულიყვნენ, სერიოზულად ვიკამათეთ და ვიჩხუბეთ. მერიის ერთ-ერთმა თანამშრომელმა მითხრა, ტელევიზია რას გვიზამსო. მერე შემომთავაზეს თანხა, ორი-სამი თვის ქირა, ოღონდ წავსულიყავი, ამასობაში დაგაწერინეთ განცხადებას სოციალურზე და გიშუამდგომლებთო. ეს იყო პიკი, გადამეკეტა. ატირებული ბავშვით ხელში რომ მივედი და ვთხოვდი, მშიერი მიკვდება და შუამდგომლობა გამიწიეთ მეთქი, მაშინ პასუხი გამცეს, რომ ეს მათ კომპეტენციაში არ შედიოდა. ვუთხარი, ახლა არც თქვენი ფული მინდა და არც შუამდგომლობა, შემასახლეთ იქ, სადაც ვითხოვ მეთქი. ასეთი ომითა და დავით ბოლოს და ბოლოს შემომასახლეს.
მესამე სართულზე, ცხრა კვადრატში შემოგვასახლეს შვიდი სული: ჩემი ქმარი, სამი ბავშვი, მაზლი და დედამთილი. ყველანაირად გზღუდავენ, რომ იქ არ გაჩერდე, მაგრამ როცა ნამდვილად ქუჩაში ხარ, ცხრა კვადრატში კი არა, ოთხ კვადრატში დაწვები. ორი ლოგინი იდგა, ერთზე ჩემს დედამთილს და ჩემს უფროს გოგოს ეძინათ, მეორეზე - მე და პატარას. დანარჩენები იატაკზე დაგებულ მატრასებზე იწვნენ. ღამე რომ ამდგარიყავი, ფრთხილად უნდა გევლო, რომ თავზე ფეხი არ დაგებიჯებინა რომელიმესთვის. მაგრამ იმ დროს ჩემთვის აქაურობა იყო სამოთხე, სითბო იყო, თავზე არ მაწვიმდა და ქუჩაში არ ვიყავი. როცა დაინახეს, რომ მაინც არ მივდიოდით, ალბათ მიხვდნენ, რომ მართლა არ მქონდა წასასვლელი და ჩემს დედამთილს ცალკე მისცეს ოთახი და მე - ცალკე.
გვერდით არის დახურული ოთახი, ადრე ბიბლიოთეკა იყო, სრულიად ცარიელია, თავისუფალი. უკვე რამდენი ხანია ვიბრძვი, რომ ეს ოთახი მომცენ, ბავშვებს რომ თავისი სამეცადინო და დასაძინებელი ოთახი ჰქონდეთ. ჩემი გოგო უკვე დიდია, 16 წლის გახდება მალე, ბიჭი 12 წლისაა. მით უმეტეს, რომ აქ არავის შესახლებას არ აპირებენ. ვუთხარი, თუ ისე მოხდება, რომ თქვენ იძულებული იქნებით ვინმე მოიყვანოთ, თქმაც არ დაგჭირდებათ, ისე დავცლი მაგ ოთახს და იმას შევუშვებ მეთქი. მე ვიცი, რა არის ქუჩაში ყოფნა და არასდროს ვიტყვი იმას, რომ მე კომფორტულად ვიქნები და ვიღაც გარეთ იყოს მეთქი. მეუბნებიან, გაფართოებას ითხოვო. ცარიელი ოთახია, რისთვის არის დაკეტილი? მე კი ვხვდები, რისთვის აკეთებენ, იძულებულს მხდიან, რომ ავდგე და წავიდე. ნამდვილად არ გავჩერდებოდი, რომ ვიცოდე შევძლებ ქირის ფულის გადახდას, მაგრამ აქედან რომ წავიდე, ალბათ ისევ იმ მდგომარეობამდე მივალ, რა მდგომარეობაშიც ვიყავი.
ჩვენი პრობლემა არის ის, რომ ზაფხულის მერე მეც და ჩემი მეუღლეც უმუშევრები ვრჩებით. როცა სეზონი მოდის, მიმტანად ვმუშაობ, ან თუ სადმე დალაგებაა საჭირო, შარშანწინ მენეჯერად ვუშაობდი ერთ-ერთ ბარში. ყველანაირ სამსახურზე მივდივარ, არ ვარჩევ, აქ წავალ და იქ არ წავალ. ოღონდ რამე გამოჩნდეს. შარშან სახაჭაპურე გავხსენი სახლის წინ და ახალი წლის მერე დაკეტვა მომიწია. აქ იმდენი მოშიებული დადის, ქველმოქმედება უფრო გამომდიოდა. როცა იცი, რომ ხალხი მშიერია, ბავშვები და აქ მაცხოვრებლები რომ გამოივლიან და საწყალი თვალებით გიყურებენ, როგორ გინდა, რომ არ მისცე.
ციხიდან გამოსვლის შემდეგ, პირველი, ვინც მხარში დამიდგა და დამეხმარა, „დემოკრატიის ინსტიტუტი“ იყო. ყველანაირი ხელშეწყობა ვიგრძენი მათგან. ციხეში ხელსაქმე ვისწავლე, მერე და მერე უფრო დავხვეწე ჩემით, რაღაცები ინტერნეტიდან ამოვიღე, რაღაცებიც ჩემი ფანტაზიით და ხელნაკეთ ნივთებზე დავიწყე მუშაობა, დამაფინანსეს და ცოტ-ცოტას ვახერხებდი ამის რეალიზაციას, გამოფენაც მოგვიწყვეს. მიუხედავად იმისა, რომ დაამთავრეს ჩემთან მუშაობა და აღარ ვითვლები მათ ბენეფიციარად, დღესაც მეხმარებიან.
ვმუშაობდი „იალქანის“ საქველმოქმედო ცენტრში, სადაც ყოველდღიურად არიან უსახლკარო და სოციალურად დაუცველი ბავშვები, რომელთა მშობლებიც მუშაობენ და მთელი დღე რომ მარტო არ იყვნენ მეთვალყურეობის გარეშე, არიან ამ საქველმოქმედო ცენტრში. ჩემი ბავშვებიც იყვნენ ამ ცენტრის ბენეფიციარები და გავიგე, რომ იქ ასწავლიან მოხალისე პედაგოგები, ზოგი ინგლისურს, ზოგი მუსიკას, ცეკვას და ა.შ. მივმართე დირექტორს, გავესაუბრე, ვუთხარი, რომ თუ ნებას მომცემდნენ, სიამოვნებით ვასწავლიდი ბავშვებს ხელსაქმეს. დამთანხმდნენ და კვირაში სამი დღე ვამეცადინებდი. სამწუხაროდ, ახლა მასალა აღარ მაქვს, დამიმათავრდა და ვერ ვამეცადინებ. ეს მასალა „დემოკრატიის ინსტიტუტისა“ და „დანაშაულის პრევენციის ცენტრის“ დაფინანსებით მქონდა ნაყიდი. ბისერებით ვაკეთებდით ხეებს, ყვავილებს, ბიჟუტერიას, ვქარგავდით მძივებით. ერთ წელზე მეტ ხანს ვმუშობდი მოხალისედ, გამოფენები გვქონდა ბულვარში, ღონისძიებებზე სულ გვეპატიჟებოდნენ. მერე კრიზისი დაიწყო და გაყიდვებმა იკლო.
ვერ ვიტან უსამართლობას. გაჭირვება ჩემთვის ძალიან მტივნეული თემაა და ყოველთვის მიწევს ამაზე ჩხუბი და კამათი. იმედგაცრუებული ვარ ხალხის დამოკიდებულებით, მეც არ მაქვს გავლილი კარგი ცხოვრება, მაგრამ არ გავბოროტებულვარ. ყოველთვის ეჩეხები უსამართლობას, გაჭირვებულ ადამიანს, რომელსაც უჭირს და შია, ლუკმას წაართმევენ. აქ, ღამის თავშესაფარში არ ეძლეოდათ ბენეფიციარებს ის, რაც მათ ეკუთვნოდათ, იმაზე ნაკლებ საკვებს აძლევდნენ, რაც განსაზღვრული იყო.
ქველმოქმედებით მოჰქონდათ ბევრი რამე, მაგრამ იმის მეოთხედი არ ხვდებოდათ, ამაზე მქონდა სულ კონფლიქტი. მეუბნებოდნენ, შენ ვინ გეკითხებაო. მეკითხება იმიტომ, რომ ყოველდღე ვხედავდი ამ სიტუაციას და გაჭირვებას, თუ რამე ადამიანური გაგაჩნია, არა მგონია, შეძლო და ამაზე თვალი დახუჭო. ბენეფიციარები გაჩუმებული იყვნენ და მე ვერ ვამტყუნებ, მაგათ ხელში იყვნენ. რა უნდა ვქნათ, გაგვაგდებენ და სად წავიდეთო. იმის შიშით, რომ ქუჩაში არ დარჩენილიყვნენ, ხალხი ხმას ვერ იღებდა. ძლივს გვეღირსა, რომ ნორმალური და ღვთისნიერი დირექტორი მოსულიყო, რომელიც ნამდვილად ყველაფერს აკეთებს და სიტუაცია ბევრად უკეთესია ახლა.“
ავტორი: ნინო გამისონია
ფოტო: ნინო ბაიდაური
intermedia.ge

სესიაშვილი: მარნეულში არჩევნები მშვიდ გარემოში მიმდინარეობს

საქართველოს პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილმა მმართველი პარტიის ადგილობრივ შტაბში ბრიფინგი გამართა. მისი ინფორმაციით არჩევნები მარნეულში მშვიდ და თავისუფალ გარემოში მიმდინარეობს. სესიაშვილი მოუწოდებს მოსახლოებას, რომ დააფიქსირონ თავისი არჩევანი.
ირაკლი სესიაშვილმა ასევე განაცხადა, რომ მან მოისმინა „ერთიანი ნაციონალური“ მოძრაობის არადამაჯერებელი ბრიფინგი, თითქოს არჩევნები ყალბდება. სესიაშვილმა განმარტა, რომ ოპოზიციამ ამის დამადასტურებელი ვერც ერთი რეალური ფაქტი ვერ წარმოადგინა.
თავდაცვისა და უშიშროების კომიტეტის თავმჯდომარე მოუწოდებს ოპონენტებს, რომ გამოვიდნენ ვიწრო პარტიული ინტერესებიდან და პატივი სცენ მოქალაქეების თავისუფალ არჩევანს.
დღეს საქართველოში მერების რიგგარეშე და საკრებულოს შუალედური არჩევნებია. ცენტრალური საარჩევნო კომისიის მონაცემებით, 410 საარჩევნო უბანზე 402 091 ამომრჩეველია რეგისტრირებული.
19 მაისის არჩევნებზე მონაწილე საარჩევნო სუბიექტების მიერ რეგისტრირებულია დაკვირვების უფლების მქონე 6 556 წარმომადგენელი.
საკრებულოს შუალედური არჩევნები საგარეჯოს, ახმეტის, ზესტაფონში, ჭიათურის, ტყიბულის, წყალტუბოსა და ოზურგეთის მუნიციპალიტეტში იმართება, მერს კი ხუთ მუნიციპალიტეტში მარნეულში, ზესტაფონში, ჭიათურაში, ზუგდიდსა და ხულოში აირჩევენ.
imedinews.ge

👉  კვალიფიციური მომზადება - ყველა საგანი ერთ სივრცეში

ExxonMobil-მა ერაყიდან 30 ინჟინერის ევაკუაცია განახორციელა

ამერიკულმა ნავთობკომპანია ExxonMobil-მა ერაყიდან 30 უცხოელი ინჟინრის ევაკუაცია განახორციელა, წერს - CNN-ი.  
ნავთობკომპანიის განცხადებით თანამშრომლები დუბაიში გადაიყვანეს, რადგან ეს მათი უსაფრთხოებისთვის იყო საჭირო. კომპანიის  განცხადებით, ეს ფაქტი ერაყში აღმოსავლეთ კურნას ნავთობსადენზე ნედლეულის მოპოვებაზე გავლენას ვერ მოახდენს. 
ნავთობსადენზე, რომელსაც ExxonMobil-ი ამუშავებს 1700 ადამიანი მუშაობს. 
ExxonMobil-ის გადაწყვეტილებაზე გავლენა აშშ-ის სახელმწიფო დეპარტამენტის ქმედებამ გადაწყვიტა, რადგან გასულ კვირას აშშ-ირანის დაძაბულობის ფონზე ერაყიდან ხელშეკრულებით დაქირავებული სახელმწიფო მოხელეები გამოიწვია.   
16 მაისს ირანულმა ტანკერმა ჩინეთის ქალაქ ჩჯოუშანთან ნავთობი გადაზიდა, - წერს გამოცემა Reuters-ი.  ირანმა ჩინეთს ნედლეული აშშ-ის სანქციების გვერდის ავლით მიაწოდა. ტანკერ Marshal Z-ე დაახლოებით 130 ათასი ტონა ნავთობი იყო. 
გასულ კვირას აშშ-მა ირანის წინააღმდეგ ახალი სანქციები დააწესა. BBC-ის ინფორმაციით, შესაბამის ბრძანებას დონალდ ტრამპმა ხელი უკვე მოაწერა.
2018 წელს ტრამპმა ირანის წინააღმდეგ სანქციები თავიდან აამოქმედა, რომელიც 2015 წელს ირანთან ბირთვული პროგრამის შესახებ შეთანხმების საფუძველზე შეჩერებული იყო.
ირანის პრეზიდენტის, ჰასან როუჰანის განცხადებით, საერთაშორისო სანქციების გამო ქვეყანა უპრეცედენტო ზეწოლის წინაშეა. 
როუჰანის თქმით, აშშ-ის სანქციების განახლებამ ეკონომიკური მდგომარეობა გააუარესა და მსგავსი მოვლენა 1980-88 წელს ერაყთან ომის დროსაც არ დაფიქსირებულა. 
რატომ გამწვავდა კონფლიქტი აშშ-ს და ირანს შორის ვრცელი სტატია ამ ბმულზე წაიკითხეთ.
imedinews.ge

👉  კვალიფიციური მომზადება - ყველა საგანი ერთ სივრცეში

სამ თვეში ნაირობიში მდინარეში 8 ჩვილის გვამი იპოვეს

კენიის დედაქალაქ ნაირობიში ორი ჩვილის გვამი იპოვეს, წერს - BBC-ი. 
კენიის ხელისუფლებაში აცხადებენ რომ გვამები მდინარის წმენდისას აღმოაჩინეს. ბოლო თვეების განმავლობაში ეს ნაირობიში მომხდარი მე-8 შემთხვევაა. სამართალდამცველები აცხადებენ, რომ ქვეყანაში აბორტების უმეტესობა უკანონოდ კეთდება და კლინიკები გვამებს ამ მეთოდით იშორებენ. 
მომხდარ ფაქტზე გამოძიება მიმდინარეობს. ბოლო თვეების განმავლობაში კენიის დედაქალაქში მდინარეში 8 ჩვილის და 4 კაცის გვამი იპოვეს. 
imedinews.ge

👉  კვალიფიციური მომზადება - ყველა საგანი ერთ სივრცეში

ევროვიზიას ჩვენი ცრემლების არ სჯერა!”- ნახეთ, რას წერს თამარ ივერი ოთო ნემსაძეზე

ქართველი სოპრანო თამარ ივერი ოთო ნემსაძის „ევროზიაზე“ გამოსვლას გამოეხმაურა. მომღერალი სოციალურ ქსელში პოსტს აქვეყნებს.

👉  კვალიფიციური მომზადება - ყველა საგანი ერთ სივრცეში


“ძალიან გული დამწყდა ოთოს კონკურსიდან გამოთიშვის ამბავზე.
 ის ბუნებით ლიდერი, იშვიათი მდიდარი ტემბრის და ექსპრესიის მომღერალია. შეიძლება ყველაზე უკეთესიც ვინც მანდ დგას მაგრამ... 
💢 კავკასიის საერთაშორისო უნივერსიტეტი
არსებობს ერთი მაგრამ, ჯერ ერთი უნდა ვაღიაროთ რომ სიმღერა იყო მუსიკალურად შეუკვრელი, სუსტი, მოსასმენად რთული და მძიმე და მეორეც, ეს ჩვენ ვართ ქართველები და გვსიამოვნებს ეს პატრიოტული სიმღერები… წინ იარე! ვარადა! თუ შავლეგო! ის პუბლიკა იქ ჩასულია უშუალოდ ტვინის საღიტინოდ და გასართობად.ჟიურიც, ხალხიც მომართულია რომ ნახოს რაღაც ბრჭყვიალა, ახალი, საძიგძიგო სტილი და მათ ასი წელი არ სჭირდებათ ვინმე ერის მიერ გამოტანილი მათი ტრაგიკული თუ პატრიოტული სიმღერა, რაც უშუალოდ მხოლოდ ამ ერის ხალხს ფხანს გულს. მით უმეტეს, ქართულ ენაზე შესრულებული.არ ჭირდებათ ეს შენი მუშტები, ეროვნული ელემენტები, რაღაცის მტკიცება, ვიღაც თუ რაღაც ძალისადმი “დედის ტირება”, დრამატიზმი.
აბა გადახედეთ, რამდენჯერ გაუმარჯვია ევროვიზიაზე დრამატულ, ეროვნულ და ღრმა სიმღერას? ალბათ თითქმის არც ერთხელ. მით უმეტეს ყოველგვარ პატრიოტულს და ქართულ ენაზე ნამღერს. პოლიტიკურ განცხადებაში გითვლიან და რომ გაგამარჯვებინონ. შიშობენ რომ ამ გამარჯვებას მისი ქვეყნისგან სხვა სარჩული დაედება. რატომ ვერ ვისწავლეთ აქამდე ჭკუა ვერ ვხვდები. ადრეც წავიდნენ ბიჭთა კვარტეტი, მარიკო ებრალიძე. ეროვნული ელემენტებიანი სიმღერებით და ისინიც კულტურულად გამოუშვეს. მოდით რა, დავიჯეროთ რომ ეს ის ზედაპირული, ბრჭყვიალა, უაზრო კონკურსია, სადაც არავის არ სჭირდება შენი პატრიოტული სიმღერებით დაგრუზვა და შენი “Страсти -Мордасти”... მოდიან უშუალოდ გასართობად, ლაითი, საცეკვაო, სახტუნაო ან რაიმე სასიამოვნო რომანტიკული სიმღერების მოსასმენად და მჯერა რომ ასეთივე სიმღერაც გაიმარჯვებს.
კონკურსი გვერდით იყოს, თავად მე რომ ვიწყებ უცხოელ მეგობრებთან ან კოლეგებთან საქართველოზე, მის ტერიტორიებზე და პრობლემებზე საუბარს, სად გადაჯდნენ არ იციან... ხელად ზოგს საპირფარეშოში უნდება, ზოგს ეჩქარება და ზოგიც ბუფეტში გარბის. არავის არ სურს შენი ეროვნული თუ პოლიტიკური პრობლემებით თავის დაგრუზვა. არავის სურს რომ შენი ნაამბობით ჩააფიქრო, ჩაახვედრო, დასკვნები აკეთებინო. რაც უფრო გააცინებს და გაუმსუბუქებს ცხოვრებას ის თემა აინტერესებს.
აბა წარმოიდგინეთ, ვიღაც პალესტინელი ან ავღანელი დაგიჯდეს და მის პოლიტიკურ პრობლემებზე დაგიწყოს საუბარი. იგივე ეფექტი გვაქვს ჩვენც მათთან. მით უმეტეს თუ ასეთი იმპულსები ევროვიზიის სცენიდან მოდის. ასე რომ, იმედია სამომავლოდ მაინც გაითვალისწინებთ რომ იმ კონკურსზე უფრო “ზოგი ასე უბერავს” სტილის სიმღერა წაიღოთ და ისიც ინგლისურ ენაზე! არანაირი ცეცხლები, შავი ფერები და დრამატიზმი მეგობრებო! ევროვიზიას ჩვენი ცრემლების არ სჯერა!” – წერს თამარ ივერი.

ევროვიზიაზე საქართველოს წარმომადგენელი ოთო ნემსაძე გუშინ კონკურსს გამოეთიშა. მან პირველ ნახევარფინალზე იმღერა, თუმცა ფინალში გადასულ ათ კონკურსანტს შორის ვერ მოხვდა.
ნემსაძემ სოციალურ ქსელში მიმართვა გაავრცელა, რომელშიც მან თავის მხარდაჭერებს ბოდიში მოუხადა და მადლობა გადაუხადა.
შერჩეული ჟიური კონკურსანტებს ოთხი ძირითადი ასპექტით შეაფასებს: ვოკალი, პერფორმანსი, სიმღერა და ნომრის საერთო შთაბეჭდილება
intermedia.ge

ცესკო ამორჩეველთა აქტივობის შესახებ 10:00 საათისთვის არსებულ მონაცემებს აქვეყნებს

ცენტრალური საარჩევნო კომისია ამორჩეველთა აქტივობის შესახებ 10:00 საათისთვის არსებულ მონაცემებს აქვეყნებს.
10:00 საათისთვის ყველაზე მაღალი აქტივობა 15.4% საგარეჯოშია, ყველაზე დაბალი კი მთაწმინდის მაჟორიტარულ ოლქში- 4%. რაც შეეხება ზუგდიდს, იქ აქტივობა 8,1%-ია.
დღეს საქართველოში მერების რიგგარეშე და საკრებულოს შუალედური არჩევნებია. ცენტრალური საარჩევნო კომისიის მონაცემებით, 410 საარჩევნო უბანზე 402 091 ამომრჩეველია რეგისტრირებული.
19 მაისის არჩევნებზე მონაწილე საარჩევნო სუბიექტების მიერ რეგისტრირებულია დაკვირვების უფლების მქონე 6 556 წარმომადგენელი.
საკრებულოს შუალედური არჩევნები საგარეჯოს, ახმეტის, ზესტაფონში, ჭიათურის, ტყიბულის, წყალტუბოსა და ოზურგეთის მუნიციპალიტეტში იმართება, მერს კი ხუთ მუნიციპალიტეტში მარნეულში, ზესტაფონში, ჭიათურაში, ზუგდიდსა და ხულოში აირჩევე
imedinews.ge

👉  კვალიფიციური მომზადება - ყველა საგანი ერთ სივრცეში

„მანჩესტერ სიტიმ“ ინგლისის თასი მოიგო

საფეხბურთო კლუბმა „მანჩესტერ სიტიმ“  18 მაისს, ინგლისის თასის ფინალი მოიგო.„მანჩესტერ სიტიმ“ „უოტფორდი" (6:0) დაამარცხა. საფეხბურთო მატჩში ანგარიში დავიდ სილვამ გახსნა, 12 წუთში კი სტერლინგმა ანგარიში ორამდე გაზარდა. კიდევ ოთხი გოლი მანჩესტერელებმა მეორე ტაიმში გაიტანეს: 61-ე და 68-ე წუთებზე კევინ დე ბრუინმა და გაბრიელ ჟეზუსმა
მატჩის ბოლო 10 წუთში სტერლინგმა კიდევ ორი გოლი გაუტანა მეტოქეს.
პრემიერლიგისა და ინგლისის ლიგის თასის მოგებას „მანჩესტერ სიტიმ“ ასოციაციის თასიც დაუმატა და სეზონი სამმაგი გამარჯვებით დაასრულა.
საგულისხმოა, რომ პეპ გვარდიოლა პირველი მწვრთნელია, რომელმაც ინგლისში სეზონში 4 ტურნირი მოიგო: პრემიერლიგა, თასი, ლიგის თასი და სუპერთასი
imedinews.ge

👉  კვალიფიციური მომზადება - ყველა საგანი ერთ სივრცეში

კალაძე კოორდინატორებს: ნუ შეუშინდებით კონკრეტული ტელევიზიების ჟურნალისტებს

პოლიტიკური გაერთიანება "ქართული ოცნება - დემოკრატიული საქართველოს" გენერალურმა მდივანმა კახა კალაძემ ბრიფინგის შემდეგ ჟურნალისტებს შეკითხვებს უპასუხა. კალაძე კოორდინატორებს, რომლებიც საარჩევნო უბნებთან სიებით დგაგან, მოუწოდებს, ჟურნალისტებს არ შეუშინდნენ და საქმიანობა განაგრძონ.
„ნუ შეუშინდებით მეგობრებო, კონკრეტული ტელევიზიების ჟურნალისტებს. თქვენ ამის უფლება გაქვთ და შეგიძლიათ გააგრძელოთ თქვენი საქმიანობა. თუ თქვენს საქმიანობაში ხელს შეგიშლიან, აუცილებლად მიმართეთ შესაბამის სამსახურს“, – განაცხადა კახა კალაძემ.
გაერთიანებული ოპოზიციის „ძალა ერთობაშიას“ ოფისში გამართულ ბრიფინგზე ლევან ბეჟაშვილმა განაცხადა, რომ „ქართული ოცნების“ კოორდინატორებს ამომრჩეველთა სამაგიდო სიები აქვთ. ბეჟაშვილის ინფორმაციითვე, დარღვევები დაფიქსირდა საარჩევნო აკრედიტაციებსა და ამომრჩევლის მოსყიდვასთან დაკავშირებით.
დღეს საქართველოში მერების რიგგარეშე და საკრებულოს შუალედური არჩევნებია. ცენტრალური საარჩევნო კომისიის მონაცემებით, 410 საარჩევნო უბანზე 402 091 ამომრჩეველია რეგისტრირებული.
19 მაისის არჩევნებზე მონაწილე საარჩევნო სუბიექტების მიერ რეგისტრირებულია დაკვირვების უფლების მქონე 6 556 წარმომადგენელი.
imedinews.ge

👉  კვალიფიციური მომზადება - ყველა საგანი ერთ სივრცეში

Saturday, May 18, 2019

კისრის მალების ოსტეოქონდროზი, უყურადღებობის შემთხვევაში ამან შესაძლოა სამუდამოდ დაგაინვალიდოთ

კისრის მალების ოსტეოქონდროზი
ხერხემლის ოსტეოქონდრი დღეს მწვავედ გავრცელებული დაავადებაა. ოსტეოქონდროზი ეს არის დისტროფიული დაავადება. ყველაზე ადრე მალათა შუა დისკები ზიანდება. დეფორმირდება და აშრევდება. განსაკუთრებით სათუთია ხერხემლის კისრის ნაწილი. სწორედ აქ მდებარეობს საძილე და ხერხემლის არტერიები. რომლებიც თავის ტვინს სისხლით ამარაგებს. აქვეა ფარისებრი ჯირკვალი. სასულე.

👉  კვალიფიციური მომზადება - ყველა საგანი ერთ სივრცეში

ხერხემლის კისრის ნაწილის ოსტეოქონდროზი სიმპტომების მრავალფეროვნებით გამოირჩევა. რაც ხერხემლის ამ მონაკვეთის თავისებური ანატომიური აგებულების ბრალია. ჯერ ერთი, კისრის არეში გადის უამრავი სისხლძარღვი და ნერვი

მეორე მნიშვნელოვანი ფაქტი ის არის რომ კისრის არეში მალები მჭიდროდ ეკვრის ერთმანეთს, ამიტომ ხერხემლის ნებისმიერი თუნდაც მცირე პათოლოგიური ცვლილება ან მომატებული დატვირთვა მთელი ნაწილის ფუნქციის მოშლას იწვევს.
კისრის ოსტეოქონდროზის დროს თავს იჩენს უსიამოვნო შეგრძნება ხელის არეში.რომელიც მხარს, წინამხარსა და თითებს გადაეცემა. ამ მიდამოში ჩნდება ჩხვლეტის შეგრძნება. ზოგჯერ იმატებს ან მცირდება მგრძნობელობა. რის გამოც ადამიანს ღამით გაღვიძება და ხელის კუნთების დაზელა უხდება.
💢 კავკასიის საერთაშორისო უნივერსიტეტი

ზოგჯერ ტკივილი მწვავეა და თან სდევს დენის დარტყმის შეგრძნება. ზოგიერთს პალტოს ჩაცმაც კი არ შეუძლია. რადგან ის უსაშველოდ მძიმე ეჩვენება.
ტკივილი ძლიერდება ხველებისას, ცემინებისას და ყველაზე მეტად ჯანსაღ მხარეს გადახრისას. მოსალოდნელია მოძრაობის დარღვევა. ზოგჯერ ყოველივე ამას ერთვის ენის, ხელების ან ფეხების დაბუჟება. ქავილი, ჩხვლეტა, ქვედა ან ზედა კიდურთა მოძრაობის შეზღუდვა. მგრძნობელობის დარღვევა.
კისრის შაკიკის განვითარება ხერხემლის არტერიის დაზიანებაზე მიუთითებს. ირღვევა თავის ტვინის ნათხემის, ღეროსა და კეფის ნაწილების სისხლის მიმოქცევა.
მუდმივი სიმპტომებია თავის ტკივილი. ტკივილი მუდმივია. ძლიერდება კისრის მოძრაობისას, უმეტესად დილაობით, ან ერთსადაიმავე მდგომარეობაში დიდხანს ყოფნის შემდეგ, მაგარ და მაღალ სასთუმალზე ძილის შემდეგ.
ხანში შესული ადამიანები ხშირად კარგავენ გონებას თავის მკვეთრი შემობრუნებისას. რასაც წინ უძღვის თავბრუსხვევა. ყურების შუილი, მხედველობისა და სმენის სიმახვილის დაქვეითება.
კისრის ოსტეოქონდროზის გართულებაა, მხრის, იდაყვის, ლავიწის სახსრების ართროზი. რომელსაც თან სდევს მოძრაობის შეზღუდვა და ხელისა და მხრის ტკივილი მოძრაობისას. განსაკუთრებით ხანში შესულ ადამიანებში აღინიშნება რბილი ქსოვილების გამკვრივება. გამკვრივებული ადგილები შეიმჩნევა კისრის კუნთებში. ასაკთან ერთად ჩნდება ხელისგულების შემსხვილებები, რომლებსაც მყესების სტრუქტურის ცვლილება იწვევს.
intermedia.ge

ბათუმში ზღვამ დელფინი გამორიყა

ბათუმში ზღვამ დელფინი გამორიყა. გარემოს ეროვნულ სააგენტოში განაცხადეს, რომ დელფინის გამორიყვის ორი შემთხვევა გუშინაც დაფიქსირდა. იავრიდან დღემდე ზღვამ სულ 50 დელფინი გამორიყა. გასულ წელს დელფინის გამორიყვის 121 შემთხვევა დაფიქსირდა, 2012 წელს კი 167.
„მიზეზი სხვადასხვაა, დინების ფაქტორიც გასათვალისწინებულია - შესაძლოა, ნაწილი სხვა ქვეყნის წყლებში იყოს დაღუპული და დინებით იყოს შემოტანილი. ასევე ნავიგაციური ტრავმა, სათევზმეურნეო ფაქტორი, ბიოლოგიური სიკვდილი ან ტოქსიკო-პათოლოგიური ფაქტორი. დელფინებზე დამწვრობისა ან აფეთქების შედეგად მიყენებული რამე სახის დაზიანება არ დაგვიფიქსირებია“, - განაცხადეს სააგენტოში.
imedinews.ge

👉  კვალიფიციური მომზადება - ყველა საგანი ერთ სივრცეში

მთიან აჭარას ახალი ტურისტული მარშრუტი შეემატა

მთიან აჭარას ახალი თაგო-სხალთის საფეხმავლო ტურისტული მარშრუტი შეემატა. ხულოს ახალ ტურისტულ მიმართულებას პირველად რეგიონში მოქმედი გიდები და ტურისტული სააგენტოების წარმომადგენლები გაეცნენ.

👉  კვალიფიციური მომზადება - ყველა საგანი ერთ სივრცეში

აჭარის ტურიზმის დეპარტამენტის ტურისტული პროდუქტების განვითარების სააგენტოს ორგანიზებით ინფოტურის მონაწილეებმა ულამაზეს ხეობაში მოგზაურობა თაგოს ცნობილი საბაგიროდან დაიწყეს, რომელიც ხულოს ცენტრსა და ტრადიციულ აჭარულ სოფელს ერთმანეთთან აკავშირებს.
მარშრუტზე მოგზაურობისას საოჯახო-სასტუმრო სახლები მოინახულეს, იქ არსებულ ტურისტულ სერვისებს გაეცნენ და დალაშქრეს ულამაზესი ტყე, რომელიც სოფელ თაგოს სხალთის ხეობასთან აკავშირებს. ინფოტური გიდებმა და ტურისტული კომპანიების წარმომადგენლებმა შერიფ ხიმშვიაშვილის სახელობის მუზეუმისა და სხალთის მონასტრის მონახულებით დაასრულეს.
„თაგო-სხალთის ტურისტული მარშრუტი განსაკუთრებით საინტერესოა მათთვის, ვისაც ულამაზეს აჭარულ სოფლებში მოგზაურობა, ადგილობრივი ტრადიციებისა და კულტურის გაცნობა ხიბლავთ. აქ მოსულ ტურისტს შესაძლებლობა ექნება ულამაზეს ხეობას თაგოს საბაგიროდან გადმოხედოს.
1719 მეტრის სიგრძისა და 280 მეტრი სიმაღლის საბაგიროთი გასეირნება თავადაც საინტერესო აქტივობაა ტურისტებისთვის. ხოლო ტყის მასივი, რომელსაც ბილიკი გაივლის გამოირჩევა მცენარეულობის მრავალფეროვნებით. ბილიკზე უხვადაა ხილის ხეები, ყვავილები, რომელიც ყველა სეზონზე განსხვავებულ ხედებს ქმნის.
გარდა თაგო-სხალთის ტურისტული მარშრუტისა ხულოში ასევე, მარკირებულია ხულო-სხალთა-ხიხანის სათავგადასავლო და გოდერძი-მწვანე ტბა-ბეშუმის მარშრუტები. მიმდინარე წელს ხულოს კიდევ ერთი ახალი ტურისტული მიმართულება-ჩირუხი-ხიხანი-გოდერძის ალპური წრიული მარშრუტი შეემატება, რომელზეც მანიშნებლებისა და საინფორმაციო დაფების დამონტაჟება და მარშრუტის რუკების შექმნა ახლა მიმდინარეობს.
გოდერძი-ხიხანი-ჩირუხის ალპური მარშრუტი შექმნის მთიან აჭარაში ხანგრძლივი მოგზაურობის ( 2-5 დღე) საინტერესო მიმართულებას“, -განაცხადა აჭარის ტურიზმის დეპარტამენტის ტურისტული პროდუქტების განვითარების სააგენტოს დირექტორმა თინათინ ზოიძემ.
მთიან აჭარაში ტურისტული მარშრუტები აჭარის ტურიზმის დეპარტამენტის ტურისტული პროდუქტების განვითარების სააგენტომ განახორციელა.
სააგენტო წელს ხულოს ცენტრთან ახლომდებარე სოფლების ტურისტულ პოტენციალს გამოიკვლევს და ჩანჩქერების, ტბების, საპიკნიკე-საკარვე ადგილებსა და სხვა ტურისტულად საინტერესო ადგილების მონიშვნასა და ხულოს მუნიციპალიტეტის მოკლე მარშრუტების მარკირების პროექტების მოამზადებას უზრუნველყოფს.
imedinews.ge

ჯეფ ბეზოსი: მამაჩემი ინსპირაციის წყაროა

მსოფლიოს უმდიდრესი ადამიანი, Amazon-ის დამფუძნებელი ჯეფ ბეზოსი ამბობს, რომ მამა, რომელიც 16 წლის იყო, როცა კუბიდან ამერიკაში ჩავიდა და ცხოვრება ნულიდან დაიწყო, მისთვის ინსპირაციის წყაროა. ამის შესახებ CNBC წერს
მამა-შვილი ბეზოსები ნიუ-იორკში ერთად დაესწრნენ თავისუფლების ქანდაკების ახალი მუზეუმის გახსნის ცერემონიას. მართალია მაიკ ბეზოსი ჯეფის ბიოლოგიური მამა არ არის, თუმცა მსოფლიოს უმდიდრესი ადამიანი სწორედ მან გაზარდა.
მილიარდერი, რომლის ქონება $116 მილიარდად არის შეფასებული, დღეს ამბობს, რომ მისთვის წარმოსადგენადაც კი რთულია რის მიღწევას შეძლებდა მამასავით სრულიად უცნობ ქვეყანაში რომ მოხვედრილიყო მარტო, ოჯახის გარეშე.
თავად მაიკ ბეზოსი კი მიიჩნევს, რომ მან 30 წლის წინ ნამდვილი ამერიკული ოცნება აიხდინა, რაც დღევანდელი გადასახედიდან თითქმის წარმოუდგენელია.
imedinews.ge

👉  კვალიფიციური მომზადება - ყველა საგანი ერთ სივრცეში