Wednesday, January 29, 2014

რას არ აკეთებენ ძლიერი ადამინები

ძლიერ ადამიანებს განსაკუთრებული ჩვევები აქვთ. ისინი ახერხებენ საკუთარი ემოციების, აზრებისა და ქცევების მართვას, რაც მათ წარმატების მიღწევაში ეხმარებათ. ვნახოთ, რას არ აკეთებენ ძლიერი ადამინები და იქნებ ჩვენც მოვახერხოთ ოდნავ უფრო ძლიერები და მიზანდასახულები გავხდეთ.

1. უაზრო წუწუნში დროს არ კარგავენ

ძლიერი ადამიანები უსაქმოდ არ სხედან, თავს არ იდანაშაულებენ და ფრჩხილებს არ იკვნეტენ იმაზე დარდით, რას იტყვიან სხვები მასზე. ამის ნაცვლად, ისინი მომავალზე პასუხისმგებლობას საკუთარ თავზე იღებენ და აღიარებენ, რომ ცხოვრება ყოველთვის არაა სამართლიანი და მარტივი.


2. საკუთარ თავზე კონტროლს არ კარგავენ

ისინი სხვებს არ აძლევენ მათზე მანიპულირების საშუალებას და არასდროს არ ექცევიან სხვისი გავლენის ქვეშ. ისინი არ იძახიან ისეთ ფრაზებს, როგორიცაა: „ჩემი უფროსი იძულებულს მხდის ცუდად ვიგრძნო თავი“, იმიტომ, რომ შეუძლიათ სიტუაციის რეგულირება და გადაწყვეტლებას თავად იღებენ.

3. ისინი არ გაურბიან ცვლილებებს

მორალურად ძლიერი ადამიანები არ ცდილობენ გაექცნენ ცვლილებებს. ნაცვლად ამისა, ისინი მიესალმებიან პოზიტიურ ცვლილებებს და მზად არიან იყვნენ მოქნილები. ისინი ხვდებიან, რომ ცვლილება გარდაუვალია და საკუთარი თავის იმედი აქვთ.

4. დროს არ კარგავენ იმაზე, რისი მართვაც არ შეუძლიათ

სულიერად ძლიერი ადამიანისგან თქვენ ვერ გაიგებთ წუწუნს ან პრეტენზიას ბარგის დაკარგვისას ან საცობში მოხვედრისას. ნაცვლად ამისა, ისინი ახდენენ კონცენტრაციას ისეთ საგნებზე ან მოვლენებზე, რომლის მართვაც შეუძლიათ. ისინი აღიარებენ, რომ ხანდახან ერთადერთი, რისი მართვაც მათ შეუძლიათ ეს არის მათი დამუკიდებულება მომხდართან.

5. არ ცდილობენ ყველასთვის თავის მოწონებას

მორალურად ძლიერი ადამიანები აღიარებენ, რომ შეუძლებელია ყველას და ყოველთვის მოსწონდე. აუცილებლობის შემთხვევაში მათ არ ეშინიათ „არას“ თქმა, არ ეშინიათ წინააღმდეგობის გაწევა. ისინი ცდილობენ იყვნენ კეთილები და სამართლიანები, მაგრამ შეუძლიათ იყვნენ შეუბრალებლები ისეთი ადამიანების მიმართ, რომლებსაც მათ უბედურებაში ხელი ურევიათ.

6. მათ არ ეშინიათ გაცნობირებულ რისკზე წასვლა

ისინი არ მიდიან გაუაზრებელ ან სულელურ რისკზე, მაგრამ არ ეშინიათ კარგად გააზრებულ რისკზე წასვლა. მორალურად ძლიერი ადამიანები მნიშვნელოვანი გადაწყვეტილებების მიღებამდე, წინასწარ ფიქრობენ შესაძლო შედეგებზე და სარგებლის მიღებაზე, ისინი მოქმედების დაწყებამდე, ყურადღებით აგროვებენ ინფორმაციას შესაძლო დანაკარგზე.

7. წარსულს არ მისტირიან

მორალურად ძლიერი ადამიანები დროს ტყუილად არ კარგავენ წარსულზე ფიქრით და კიდევ იმაზე დარდით, რომ ყველაფერი შეიძლებოდა სხვაგვარად მომხდარიყო.ისინი არ გაურბიან წარსულს და წარსულში დაშვებულ შეცდომებზე სწავლობენ. ისინი არ განიცდიან, არ ნერვიულობენ წარსულში მომხდარ, წარუმატებელ შემთხვევებზე და არც დიდების დღეებზე. ისინი ცხოვრობენ დღევანდელი დღით და აწყობენ გეგმებს მომავლისთვის.

8. ერთი და იგივე შეცდომას რამდენჯერმე არ უშვებენ

მორალურად ძლიერი ადამიანები პასუხისმგებელნი არიან თავიანთ ქცევებზე და წარსულში დაშვებულ შეცდომებზე. საბოლოო ჯამში, ისინი არ იმეორებენ თავიანთ შეცდომებს. ნაცვლად ამისა, ისინი აგრძელებენ გზას და მომავალში უკეთესს გადაწყვეტილებებს იღებენ.

9. არ შურთ სხვა ადამიანების წარმატებების

მორალურად ძლიერ ადამიანებს შეუძლიათ სხვა ადამიანების წარმატების ობიექტურად შეფასება და მათი სიხარულის გაზიარება. მათ არ შურთ და არ თვლიან თავიანთ თავს მოტყუებულად, ნაცვლას ამისა, ისინი აღიარებენ, რომ წარმატების მიღწევა არის ძალიან რთული და რომ მზად არიან ამისათვის თავდაუზოგავად იმუშაონ.

10. არ ნებდებიან პირველივე მარცხის შემდეგ

მორალურად ძლიერი ადამიანებისთვის მარცხი არ არის დანებების მიზეზი. ნაცვლად ამისა, მარცხს აღიქვამენ ზრდისა და გაუმჯობესების შესაძლებლობად. მზად არიან გააგრძელონ მცდელობა მანამ, სანამ სასურველ შედეგს არ მიაღწევენ.

11. მარტოობის არ ეშინიათ

მორალურად ძლიერი ადამიანები შეიძლება იყვნენ მარტოობაში, მათ არ ეშინიათ სიჩუმის და საკუთარ ფიქრებთან მარტო დარჩენის. ისინი სიამოვნებას იღებენ საკუთარი კომპანიით და არ არიან დამოკიდებულნი სხვა ადამიანებზე, მეგობრებზე.

12. არ მიაჩნიათ, რომ მთელი მსოფლიო მათთან ვალშია

მორალურად ძლიერი ადამიანები არ იბადებიან იმის ცოდნით ან იმედით, რომ სხვები იზრუნებენ მათზე და რომ მსოფლიოს ვალია მათი დახმარება.


13. არ ელიან მყისიერ შედეგებს

მუშაობენ საკუთარი ჯანმრთელობის მდგომარეობის გაუმჯობესებაზე ან ახალი წარმატებული ბიზნესის წამოწყებაზე, ისინი არ ელიან მყისიერ შედეგებს. ამის ნაცვლად, იყენებენ საკუთარ ცოდნას, არჩევენ საკუთარი შესაძლებლობების გამოვლენის საუკეთესო დროს და ხვდებიან, რომ რეალური ცვლილებები დიდ დროს მოითხოვს.

 life.mediamall.ge

MERABISHVILI: "I need two dead bodies''(Video)/ "ორი გვამი მჭირდება სასწრაფოდ'' - მერაბიშვილის დაკვეთა (ვიდეო)

"სამოქალაქო პრესა" გთავაზობთ სკანდალურ  ვიდეომასალას, რომელშიც ვანო მერაბიშვილი, დათა ახალაია, ირაკლი კოდუა,შსს-ს ყოფილი მაღალი თანამდებობის პირები და მათი დაჯგუფების წევრები სპეცოპერაციას გეგმავენ. ვანო მერაბიშვილი დათა ახალაიას და ირაკლი კოდუას მიმართავს: "ორი გვამი მჭირდება სასწრაფოდ... პრემია დიდია" კადრებში ასევე ჩანს საქართველოს ყოფილიპრეზიდენტი მიხეილ სააკაშვილი, ყოფილი იუსტიციის მინისტრი ზურაბ ადეიშვილი,უფლებაშეჩერებული მერი გიგი უგულავა. სავარაუდოდ, კადრები მუხროვანის საქმეს უკავშირდება, თუმცა უცნობია, აღნიშნულ ვიდეოში, რატომ ითხოვს შსს-ს ყოფილი მინისტრი ორი ადამიანის გვამს."სამოქალაქო პრესამ" აღნიშნული კადრების გამოძიება უკვე დაიწყო. 
ვიდეო სოციალურ ქსელ Youtube-ზე რამდენიმე წუთის წინ აპოლონ ოსმანის სახელით აიტვირთა, თუმცა კადრების ავთენტურობა დადგენილი არ არის. 
cp.ge

Tuesday, January 28, 2014

10 რჩევა შაოლინის ბერისგან – როგორ უნდა შეინარჩუნოთ ახალგაზრდობა

რას ვუსურვებთ საყვარელ ადამიანებს პირველ ყოვლისა? რა მიგვაჩნია ყველაზე მნიშვნელოვნად? ალბათ უკვე მიხვდით ამ კითხვებზე პასუხს – ეს ჯანმრთელობაა.
მაგრამ რამდენად ბევრი ადამიანები აკეთებს, სულ მცირედს მაინც საკუთარი ჯანმრთელობისთვის? თუ გადაწყვიტეთ, რომ საკუთარ ჯანმრთელობას მიხედოთ, ახლა ყველაზე შესაფერისი დროა მოქმედებისთვის.
გთავაზობთ საბრძოლო ხელოვნების ოსტატის და შაოლინის ბერის, შიფუ იან ლეის 10 რჩევას. რჩევები გამოადგებათ ადამიანებს, რომლებსაც სურთ, რომ იყვნენ ჯანმრთელნი და რაც შეიძლება დიდხანს შეინარჩუნონ ახალგაზრდობა.
1. არ იფიქროთ ზედმეტად დიდხანს – ფიქრი ენერგიას გართმევთ და გაბერებთ.
2. არ ილაპარაკოთ ზედმეტად ბევრი – ადამიანები ან აკეთებენ, ან ლაპარაკობენ. სჯობს იყოთ ერთ-ერთი იმათგანი, ვინც მოქმედებს.
3. გაყავით სამუშაო 40 წუთიან ინტერვალებად და მათ შორის ყოველი 10 წუთის განმავლობაში დაისვენეთ - ერთსა და იმავეზე გრძელვადიანი კონცენტრაცია, ვნებს თქვენს თავლებსა და შინაგან ორგანოებს.
4. როდესაც ბედნიერი ხართ, აუცილებლად აკონტროლეთ თქვენი გრძნობები – საკუთარ გრძნობებზე კონტროლის დაკარგვა, ვნებს თქვენს ლუნგის ენერგიას (პრანა – იგივე ლუნგი. ითარგმნება, როგორც ქარი. ტიბეტში ქარის ენერგიას, ან სიცოცხლის ქარს ნიშნავს)
5. არ განიცადოთ და არ გაბრაზდეთ ზედმეტად ხშირად – ეს ვნებს თქვენს ღვიძლს და ნაწლავებს.
6. არ ჭამოთ ზედმეტად ბევრი – ყოველთვის გქონდეთ შიმშილის ოდნავი შეგრძნება. ნაყროვანება თქვენს ელენთას და სხვა ორგანოებს ვნებს
7. არ იჩქაროთ არცერთ საკითხში – გახსოვდეთ გამონათქვამი: „ჩუმად მიდიხარ – შორს წახვალ“
8. თუ მხოლოდ ფიზიკურად იტვირთებით და არ უთმობთ დროს მოდუნებას და გაჭიმვებს, გამაღიზიანებელი გახდებით და ბევრ ენერგიას დაკარგავთ – დაკარგავთ ინის ენერგიას და დაარღვევთ  ინის და იანის ბალანსს.
9. ამასთან ნუ დაკავდებით მხოლოდ მოდუნებით – დაკავდით სპორტიტაც – თუ ყურადღებას მხოლოდ მედიტაციას დაუთმობთ, დაკარგავთ იანის ენერგიას.
10. კუნგ-ფუ ენერგიის ყველა სახეობით აგავსებთ – ვარჯიშის მიზანი უნდა იყოს თქვენს ინსა და იანს შორის ბალანსის მოძებნა. რამდენ საათს მოანდომებთ ამას, წინასწარ ვერ განისაზღვრება. მთავარია იპოვოთ ის, რაც თქვენს სხეულს სჭრდება.
ამ რჩევათაგან ზოგიერთის ყოველდღიურ ცხოვრებაში დამკვიდრება რთულია. ყოველ შემთხვევაში ჩვენს ქვეყანაში. ჩვენთან კუნგ-ფუ მხოლოდ საბრძოლო ხელოვნებად ითვლება და ლუნგის ენერგიაზე 1000-დან მხოლოდ ერთს თუ სმენია.
მიუხედავად ამისა, შაოლინის ბერის რჩევები აქტუალურია და თუ გსურთ, რომ იყოთ ჯანმრთელნი და ენერგიით აღსავსე, არ დაიზაროთ მათი შესრულება.
  lollipop.ge

2014 - გამოსაშვები გამოცდების პროგრამის პროექტი


გამოსაშვები გამოცდების პროგრამის პროექტი

გთავაზობთ 2013-2014 სასწავლო წლის გამოსაშვები გამოცდების პროგრამის პროექტს, რომელიც წარდგენილია განათლებისა და მეცნიერების სამინისტროში დასამტკიცებლად.


ქართული ენა და ლიტერატურა (პროექტი)

ქართული ენა და ლიტერატურა (არაქართულენოვანი სკოლებისათვის) (პროექტი)

მათემატიკა (პროექტი)

უცხოური ენები (პროექტი)

ისტორია (პროექტი)

გეოგრაფია (პროექტი)

გეოგრაფია (არაქართულენოვანი სკოლებისათვის) (პროექტი)

ქიმია (პროექტი)

ფიზიკა (პროექტი)

ბიოლოგია (არაქართულენოვანი სკოლებისათვის) (პროექტი)

ბიოლოგია (პროექტი)

დიდი ინტერესის გამო, გამოსაშვები გამოცდების პროგრამების ხელმისწვდომობა პრობლემურია.გთავაზობთ ალტერნატიულ რესურსს, დააჭირეთ ამ ტექსტს!

Saturday, January 25, 2014

გთავაზობთ ელექტრონული ჟურნალის ,,გამოსაშვები გამოცდების” 1,2,3,4 ნომერს

ჟურნალი "გამოსაშვები გამოცდები" განკუთვნილია მე-11 და მე-12 კლასელებისათვის, მათი მშბოლებისა და პედაგოგებისთვის:

გთავაზობთ უ ფ ა ს ო კონსულტაციებს

გ ა ნ ა თ ლ ე ბ ი ს სახლი ახორციელებს პროექტს "ჩემი სწორი არჩევანი" – 27 იანვრიდან 27 თებერვლამდე, ყოველი კვირის სამშაბათს, 18:00 საათიდან 20:00 საათამდე გთავაზობთ უ ფ ა ს ო კონსულტაციებს საატესტატო, ერთიან ეროვნულ და საერთო სამაგისტრო გამოცდებთან, ქართულ და უცხოურ ზოგადსაგანმანათლებლო, პროფესიულ და საუნივერსიტეტო განათლებასთან, ასევე - პროფესიის/სპეციალობის შერჩევასთან დაკავშირებით.

კონსულტაციისათვის სავალდებულოა რეგისტრაცია/ჩაწერა:
ტელ.: 214 8024, 599 201096;
ელ–ფოსტა: hedu.ge@gmail.com

Friday, January 24, 2014

გიორგი გურეშიძე: იეილის უნივერსიტეტის სტუდენტი

გიორგი გურეშიძეგიორგი გურეშიძე
ტექსტის ზომა 
უცხოეთში საქართველოდან სასწავლებლად და სამეცნიერო ხარისხის მისაღებად წასული ახალგაზრდები განსხვავებული ცხოვრებით ცხოვრობენ იმის მიხედვით, სად არიან, რას სწავლობენ, როგორი ხასიათი აქვთ და რა გარემოში მოხვდებიან. ამ მრავალფეროვანი გამოცდილებისა და ცხოვრების ჩვენება გადავწყვიტეთ „უხილავ ფარდაში“. დღეს შევხვდებით აშშ-ის იეილის უნივერსიტეტის სტუდენტს, 20 წლის გიორგი გურეშიძეს. იეილის უნივერსიტეტი მსოფლიოში სახელგანთქმული უმაღლესი სასწავლებელია, ის სიძველით მესამეა შტატებში, მისი დიპლომი აქვს ან იქ უმუშავია 49 ნობელიანტს და აშშ-ის 5 პრეზიდენტს. იეილის უნივერსიტეტში სწავლობენ საქართველოდან წასული სტუდენტებიც. გიორგი გურეშიძე ერთ-ერთია, მას ტელეფონით ვესაუბრეთ სემინარის წინ, რომელზეც ის ამ ინტერვიუს დასაწყისშივე გვიამბობს.



საუბარი გიორგი გურეშიძესთან


    radiotavisupleba.ge

„ განათლების მსოფლიო ფორუმი 2014“

20 იანვრიდან ლონდონშიგანათლების მსოფლიო ფორუმი 2014“ მიმდინარეობს. ფორუმს 133 ქვეყნის დელეგაცია, მათ შორის 101 ქვეყნის განათლების მინისტრი ესწრება. ფორუმზე მყოფებიან საქართველოს განათლებისა და მეცნიერების მინისტრი თამარ სანიკიძე და მინისტრის მოადგილე ლია გიგაური. საქართველოს დელეგაციის ვიზიტი ბრიტანეთის საბჭომ უზრუნველყო. ფორუმის მიზანია განისაზღვროს თანამედროვე მსოფლიოს საერთო საგანმანათლებლო პოლიტიკა. ფორუმის ფარგლებში ის საკითხები განიხილება, რომელიც საერთო გამოწვევას წარმოადგენს და ერთიანი მიდგომის ჩამოყალიბებას საჭიროებს. ფორუმზე სხვადასხვა ქვეყნებში განათლების
საკითხებზე გადაწყვეტილების მიმღები პირები ერთმანეთს ხვდებიან და საკუთარ გამოცდილებას უზიარებენ. მთელი მსოფლიოს საგანმანათლებლო საზოგადოება დიდი ყურადღებით ადევნებს თვალყურს ფორუმის მიმდინარეობას. თამარ სანიკიძის განცხადებით, მნიშვნელოვანია საქართველოს დელეგაციის მონაწილეობა მსოფლიო ფორუმში, სადაც განიხილება თემები, რომელზედაც საქართველოს განათლებისა და მეცნიერების სამინისტრო უკვე მუშაობს. განსახილველ თემებს შორისაა: მასწავლებლის პროფესიული განვითარება; თანამედროვე ტექნოლოგიების გამოყენება საგანმანათლებლო პროცესში; განათლების ლიდერთა გააქტიურება და განვითარება; სწავლა/სწავლების ხარისხის გაუმჯობესება და სხვ. ქართული დელეგაციის წარმომადგენლებს ფორუმის ფორმატი საშუალებას აძლევს სხვადასხვა ქვეყნის განათლების ექსპერტებთან ინდივიდუალური შეხვედრები გამართონ, ქართული პროექტები გააცნონ, მათი შეფასებები და რჩევები მოისმინონ.
Ministry of Education and Science of Georgia