Friday, March 2, 2018

ქედაში ტურისტების რაოდენობა 204%-ით გაიზარდა

2017 წელს, მაღალმთიან აჭარაში ვიზიტორების რაოდენობა გაიზარდა. გასულ წელს, მთიანი აჭარის პოპულარულ ტურისტულ მარშრუტებზე არსებულ საოჯახო-სასტუმრო სახლებს, ტურისტულ ობიექტებსა და მუზეუმებს 46 592 ვიზიტორი სტუმრობდა, რაც 98%-ით აღემატება 2016 წლის მონაცემებს. ინფორმაციას Ipress-ი ავრცელებს.
გასულ წელს, ვიზიტორებისთვის პოპულარული იყო მაჭახელას, ქედისა და ხულოს ტურისტული მარშრუტები თავისი ტურისტული ადგილებითა და ღირსშესანიშნაოებებით.
პროცენტული ზრდა ასეთია:
+204 %  ქედის ტურისტული მარშრუტი 
+71%  მაჭახელას ტურისტული მარშრუტი 
+78%  ხულოს ტურისტული მარშრუტი 
აქედან, ყველაზე მეტი 20 298 ვიზიტორი ქედაში არსებულ ღვინის მარნებსა და ტურისტულ ადგილებს, 18 626 ვიზიტორი ხულოს, ხოლო 7 668 მაჭახელას სტუმრობდა.
ვიზიტორების რაოდენობა 32%-ითაა გაზრდილი მაღალმთიან აჭარაში მარშრუტებზე არსებულ მუზეუმებში. წლის განმავლობაში მაჭახელას, ხულოსა და ქედის მუზეუმებს 15 286 ადამიანი სტუმრობდა. ვიზიტორების მატებაა კვების ობიექტებსა და ტურისტულ ობიექტებშიც. 
აჭარის ტურიზმის დეპარტამენტის ტურისტული პროდუქტების განვითარების სააგენტოს ვიზიტორების სტატისტიკა ტურისტულ მარშრუტებზე არსებული საოჯახო-სასტუმრო სახლების, მარნების, კვების ობიექტების, მუზეუმებისა და ფოლკლორული ანსამბლების მიერ მოწოდებულ მონაცემებს ეყრდნობა.
imedinews.ge

https://www.facebook.com/www.Hedu.Ge/

Thursday, March 1, 2018

წელს პირველ კლასში შესვლას 16 და 17 სექტემბერს დაბადებული ბავშვებიც შეძლებენ

„2018-2019 სასწავლო წელს პირველ კლასში შესვლას 16 და 17 სექტემბერს დაბადებული ბავშვებიც შეძლებენ“ – აღნიშნული ინფორმაცია EDU.ARIS.GE-ს განათლებისა და მეცნიერების სამინისტროში ექსკლუზიურად დაუდასტურეს. როგორც ჩვენმა მკითხველმა უკვე იცის, ახალი სასწავლო წელი 2018 წლის 17 სექტემბერს იწყება, რადგან მინისტრის ბრძანებით სწავლის დაწყების მუდმივ თარიღად განსაზღვრული 15 სექტემბერი დასვენების დღეს (შაბათს) ემთხვევა და სასწავლო პროცესი კანონში არსებული ჩანაწერის თანახმად, ორშაბათს, 17 სექტემბერს უნდა დაიწყოს. კანონით კი განსაზღვრულია, რომ სკოლაში შესვლის ასაკი არის 6 წელი.
აღნიშნული მოცემულობიდან გამომდინარე, EDU.ARIS.GE დაინტერესდა, თუკი კანონი ამბობს, რომ სწავლის დაწყების დღეს მოსწავლე უნდა იყოს 6 წლის, მიმდინარე კალენდარული მდგომარეობით, შეძლებენ თუ არა პირველ კლასში შესვლას ის ბავშვები, ვისაც 6 წელი 16 და 17 სექტემბერს უსრულდებათ. ჩვენი კითხვის პასუხად კი სამინისტრომ განგვიცხადა, რომ სკოლაში შევა ყველა ის ბავშვი, ვინც ექვსი წლის ხდება 15 სექტემბრის მომდევნო ორი დღის განმავლობაში – 17 სექტემბერის ჩათვლით.
ცნობისთვის, სასწავლო წლის დაწყება ბრძანებით არის განსაზღვრული და ყოველწლიურად ახალი სასწავლო წელი სკოლებში 15 სექტემბერს იწყება. თუმცა კანონით ამ შემთხვევაშიც განსაზღვრულია, რომ თუ 15 სექტემბერი ემთხვევა უქმე ან დასვენების დღეს სასწავლო წელი დაიწყება 15 სექტემბრის შემდგომ პირველ სამუშაო დღეს.

https://www.facebook.com/www.Hedu.Ge/


რაც შეეხება პირველკლასელთა რეგისტრაციის დაწყების თარიღს, როგორც EDU.ARIS.GE-ს ჟურნალისტს მინისტრის მოადგილე ლია გიგაურმა განუმარტა, რეგისტრაციის ვადები განათლებისა და მეცნიერების მინისტრის ბრძანებით რეგულირდება და ის ჯერ ცნობილი არ არის.
edu.aris.ge

რუსული მედია: წელს გროზნოდან თბილისის მიმართულებით პირდაპირი ფრენები დაიწყება


2018 წელს, ჩეჩნეთის დედაქალაქ გროზნოდან თბილისის მიმართულებით პირდაპირი ფრენები დაიწყება, - ამის შესახებ გროზნოს აეროპორტის დირექტორმა სულთან გამბულატოვმა. ინფორმაციას რუსული მედია ავრცელებს. 
„2018 წელს თბილისსა და გროზნოს შორის პირდაპირი ავიარეისები დაიწყება. საერთო ჯამში, ვგეგმავთ, რომ აპრილში გაჩნდეს ახალი მარშრუტები, მათ შორის დუბაის და ამანის მიმართულებით. ასევე, იგეგმება ახალი ავიარეისები გროზნოსა და ისეთ ქალაქებს შორის როგორიც არის სოჭი, დონის როსტოვი და სიმფეროპოლი“, - განაცხადა გროზნოს აეროპორტის დირექტორმა.
2017 წელს გროზნოდან რეგულარული ავიარეისები სტამბოლის, მიუნხენისა და პეტერბურგის მიმართულებით დაინიშნა.
imedinews.ge\

https://www.facebook.com/www.Hedu.Ge/


წნორში წარმოებული პიტნა და ფურისულა გერმანიის ბაზარზე გავიდა


სიღნაღის მუნიციპალიტეტის ქალაქ წნორი კომპანია ,,კახეთი ბიოს“ მიერ წარმოებული პიტნა და ფურისულა გერმანიის ბაზარზე გავიდა. ინფორმაციას "კახეთის ხმა" ავრცელებს.
კომპანიის დირექტორის, ლიზი ხმიადაშვილის ინფორმაციით, ფურისულას ჯიშის მცენარისგან გერმანული მედიკამენტები დამზადდება. მეწარმე ამბობს, რომ საწარმოში სხვადასხვა სახის მცენარეს ამუშავებენ.
„კახეთი ბიო“, რომელიც 2014 წელს შეიქმნა, 15 ჰექტრამდე სასოფლო–სამეურნეო მიწას ფლობს, სადაც სხვადასხვა სახის მცენარე და ხილი მოჰყავთ. 
კომპანია, ასევე, გერმანიაში ეთერზეთოვან „გალიკას“ სახეობის ვარდის გაგზავნასაც აპირებს.
imedinews.ge

https://www.facebook.com/www.Hedu.Ge/

კალაძე საკრებულოს წევრის დაკავებას ეხმაურება

"ვისაც რამე გადაცდომა ექნება, იმ ადამიანების ადგილი ჩვენთან არ არის", - ასე ეხმაურება კახა კალაძე თემურ გორგაძის დაკავებას. მისი თქმით, ხელისუფლება არავიზე აპირებს ხელის დაფარებას.
"შეფასება ძალიან მარტივია, ჩვენ არავის ხელს არ დავაფარებთ, ვინც არ უნდა იყოს, კანონის წინაშე ჩვენ ვართ ყველა თანასწორები. მე რა თქმა უნდა უდანაშაულობის პრეზუმპციას ვერ დავარღვევ, თუმცა კიდევ ერთხელ ვიმეორებ, ვისაც რაიმე გადაცდომა ექნება იმ ადამიანების ადგილი ჩვენთან არ არის", - განაცხადა მერმა.
სახელმწიფო უსაფრთხოების სამსახურის ანტიკორუფციულმა სააგენტომ ქრთამის აღების ფაქტზე თბილისის საკრებულოს წევრი, კრწანისის რაიონის მაჟორიტარი დეპუტატი თემურ გორგაძე დღეს დააკავა.
გამოძიებამ დაადგინა, რომ გორგაძემ საქართველოს მოქალაქეს, მისი ნათესავის შეწყალების კომისიის მეშვეობით პატიმრობიდან გათავისუფლების სანაცვლოდ ქრთამის სახით მოსთხოვა 7000 ამერიკული დოლარი.
imedinews.ge

https://www.facebook.com/www.Hedu.Ge/


ამერიკაში ტბა ცისფერი ყინულით დაიფარა


თებერვლის ბოლოს, ამერიკაში, მიჩიგანის შტატის მცხოვრებლებმა შენიშნეს, რომ მაკინოს სრუტეში ტბა ცისფერი ყინულით დაიფარა. ინფორმაციას Foxnews-ი ავრცელებს.
სინამდვილეში, ყინულის ლოდებს ცისფრად მხოლოდ თვალი აღიქვამს.  
საქმე იმაშია, რომ უქარო ამინდში სუფთა წყალი თანაბრად იყინება, წარმოიქმნება დიდი, სწორი ფილები, რომლებიც განსხვავეულად ირეკლავენ მზის სინათლეს. ყინულის ეს ფილები შთანთქავენ სინათლის წითელ ტალღებს (ყველაზე გრძელ ტალღებს) და ირეკლავენ ლურჯს (ყველაზე მოკლე ტალღებს).  
ამის გამო, ყინული იღებს ცისფერ შეფერილობას.
imedinews.ge

https://www.facebook.com/www.Hedu.Ge/

პროკურატურა მოწმისა და დაზარალებულის კოორდინატორის ინსიტუტს ქმნის

“სისხლის სამართლის საპროცესო კოდექსში“ ცვლილება იგეგმება. კერძოდ, ხალი ინსტიტუტი - მოწმისა და დაზარალებულის კოორდინატორი შემოდის, რომლის ფუნქცია სამართალწარმოების პროცესში მოწმისა და დაზარალებულის მხარდაჭერა იქნება. ინფორმაციას სააგენტო "ინტერპრესნიუსი" ავრცელებს.
მოწმისა და დაზარალებულის კოორდინატორი სისხლის სამართლის საქმეში შესაძლებელია პროკურორის გადაწყვეტილებით ჩაერთოს. პარლამენტში ინიცირებული პროექტის მიხედვით, საქმეში მისი ჩართვის მიზანია “მოწმისა და დაზარალებულისთვის სამართალწარმოების პროცესში მონაწილეობის გამარტივება, დანაშაულის შედეგად გამოწვეული სტრესის შემცირება, ხელახალი და მეორეული ვიქტიმიზაციის თავიდან აცილება და გამოძიებისა და სასამართლო განხილვის ეტაპზე მათი ინფორმირებულობის უზრუნველყოფა“.

პროექტით, პროკურორი უფლებამოსილია მოწმისა და დაზარალებულის კოორდინატორის სისხლის სამართლის საქმეში ჩართვის მიზანშეწონილობის საკითხი საქმის სასამართლოში გადაგზავნამდე განიხილოს. ამასთან, მოწმეს/დაზარალებულს უფლება აქვს უარი განაცხადოს მოწმისა და დაზარალებულის კოორდინატორთან თანამშრომლობაზე.
“სისხლის სამართლის საპროცესო კოდექსით“ მოწმისა და დაზარალებულის კოორდინატორის უფლება-მოვალეობებიც განისაზღვრება. კერძოდ, კოორდინატორი პროკურორთან წინასწარი კონსულტაციის შემდეგ, მოწმესა და დაზარალებულს აწვდის საჭირო ინფორმაციას გამოძიებისა და სასამართლო განხილვის მიმდინარეობის შესახებ; მოწმესა და დაზარალებულს მათთვის გასაგები ენით განუმარტავს მის უფლება- მოვალეობებს და უხსნის გამოძიებისა და სასამართლო განხილვის სამართლებრივ პროცედურებს; გამოძიების მიმდინარეობისას ესწრება მოწმისა და დაზარალებულის მონაწილეობით ჩატარებულ საგამოძიებო და საპროცესო მოქმედებებს მოწმის/დაზარალებულის ემოციური მხარდაჭერის მიზნით; საქმის სასამართლო განხილვისას ესწრება მოწმისა და დაზარალებულის სასამართლოში დაკითხვისა და მათი მონაწილეობით მტკიცებულებათა გამოკვლევის პროცესს, მოწმის/დაზარალებულის ემოციური მხარდაჭერის მიზნით; მოწმესა და დაზარალებულს აწვდის ინფორმაციას იურიდიული, ფსიქოლოგიური, სამედიცინო ან/და სხვა მათთვის საჭირო სერვისების შესახებ და ეხმარება შესაბამის ორგანოსთან დაკავშირებაში, თუ მოწმე ან დაზარალებული საჭიროებს ამგვარ დახმარებას.

მოწმისა და დაზარალებულის კოორდინატორი არ არის უფლებამოსილი საგამოძიებო და საპროცესო მოქმედების მიმდინარეობისას მოწმესა და დაზარალებულს დაუსვას კითხვები ან სხვაგვარი ფორმით ჩაერიოს მტკიცებულებათა მოპოვების პროცესში.
ცვლილების ავტორი მთავარი პროკურატურა, ინიციატორი კი საქართველოს მთავრობაა.
imedinews.ge

https://www.facebook.com/www.Hedu.Ge/