ავარია, რომელშიც ვენუს უილიამსი მოყვა, მსხვერპლით დასრულდა

ცნობილი ამერიკელი ჩოგბურთელი, ვენუს უილიამსი ავტოსაგზაო შემთხვევის მონაწილე გახდა, რომლის შედეგადაც 78 წლის კაცი დაიღუპა. ამის შესახებ BBC წერს.

ავარია ფლორიდის შტატის ქალაქ პალმ-ბიჩში 9 ივნისს მოხდა. ამერიკული მედიის ცნობით, ავტომობილი, რომელსაც უილიამსი მართავდა, გზაჯვარედინზე სხვა ავტომობილს შეეჯახა, რომელშიც 78 წლის ჯერომ ბარსონი და მისი მეუღლე იმყოფებოდნენ.

დაშავებული საავადმყოფოში გადაიყვანეს, სადაც ის 2 კვირის შემდეგ გარდაიცვალა. სხვადასხვა სახის დაზიანება მიიღო მისმა მეუღლემაც. თუმცა ექიმების ცნობით, მის სიცოცხლეს საფრთხე არ ემუქრება.

პოლიცია მიიჩნევს, რომ ავარია 37 წლის სპორტსმენის გამო მოხდა, რომელმაც სხვა ავტომობილს გზა არ დაუთმო.

უილიამსის ადვოკატები კი თავის მხრივ აცხადებენ, რომ ეს უბედური შემთხვევა იყო.

imedienws.ge

მაღალკვალიფიციური მომზადება ხელმისაწვდომ ფასად

ექსპერტებმა სირიაში ქიმიური იარაღის გამოყენება დაადასტურეს

ქიმიური იარაღის აკრძალვის ორგანიზაციამ, გაეროს სპეციალისტებთან ერთად, სირიაში 4 აპრილს ქიმიური იარაღის გამოყენების ფაქტი დაადასტურა. ინფორმაცია ამერიკის შეერთებული შტატების სახელმწიფო დეპარტამენტის ოფიციალურ ვებ გვერდზეა გამოქვეყნებული. დოკუმენტის მიხედვით, ქიმიური იარაღის აკრძალვის ორგანიზაციის ექსპერტებმა დაასკვნეს, რომ ჰან შეიჰუნის მაცხოვრებლების უმრავლესობა გაზი ზარინის ან მისი მსგავსი შემადგენლობის ნივთერების შედეგად მოიწამლა. სპეციალისტების განმარტებით, ამგვარი დასკვნის საფუძველს მათ ის დაზიანებები აძლევთ, რომელიც დაშავებულებსა და გარდაცვლილებს აღენიშნებოდათ. კომისია ახლა იმის დადგენას ცდილობს ვინ გამოიყენა ქიმიური იარაღი მშვიდობიანი მოქალაქეების წინააღმდეგ და რა პასუხისმგებლობას ეკისრება მომხდარში ოფიციალური დამასკოს.

2016 წლის 4 აპრილს ჰან შეიჰუნში ქიმიური იარაღის გამოყენებაში სირიის სამთავრობო ძალები არიან ეჭვმიტანილები. 3 თვის წინ განვითარებული მოვლენებისას, იდლიბის პროვინციაში 87 ადამიანი დაიღუპა, მათ შორის 30 მცირეწლოვანი. ქიმიური იარაღის შედეგად დაშავებულთა რიცხვი კი 550 ადამიანს შეადგენს. 

4 აპრილს , იდლიბის პროვინციაში განვითარებულ მოვლენებს , ამერიკის შეერთებული შტატების მხრიდან მწვავე რეაქცია მოჰყვა.

imedinews.ge

მაღალკვალიფიციური მომზადება ხელმისაწვდომ ფასად

პეკინის ქუჩის ნაწილს წყალმომარაგება უახლოეს 12 საათში აღუდგება

თბილისის ვიცემერმა ლაშა აბაშიძემ პეკინის ქუჩაზე სამუშაოების წარმოებისას წყალსადენის  მაგისტრალური ქსელის  დაზიანების ადგილი საბურთალოს რაიონის გამგებელთან, ბექა მიქაუტაძესთან  ერთად დაათვალიერა და შესაბამისი სამსახურის წარმომადგენლებს ქსელის აღდგენასთან დაკავშირებით ოპერატიული  დავალებები მისცა. მისი თქმით, პრობლემების აღმოსაფხვრელად აღდგენითი სამუშაოები ინტესიურად მიმდინარეობს და პეკინის ქუჩის აღნიშნულ მონაკვეთს წყალმომარაგება უახლოეს 12 საათში აღუდგება.

„პეკინის ქუჩაზე მიმდინარე საგზაო  სარეაბილიტაციო სამუშაოების ფარგლებში  დაზიანდა წყალმომარაგების მილი. მილის დაბზარვამ და გასკდომამ გამოიწვია წყლის გამოსვლა, რომლის შემდეგად დაიტბორა მიმდებარედ არსებული 3 მაღაზიის სარდაფი. დაზიანებული მილი  და პეკინის ქუჩის წყალმომარაგება არაუმეტეს 12 საათში აღდგება. ამჟამად ადგილზე მობილიზებულია კომპანიის ტექნიკური ჯგუფი. რაც შეეხება დაზიანებულ მაღაზიებს, ჩვენ სრულად უზრუნველვყოფთ იმას, რომ მიყენებული ზიანი მაღაზიების მეპატრონეებს სრულად აუნაზღურდეთ,“ - განაცხადა ლაშა აბაშიძემ.

პეკინის ქუჩაზე სანიაღვრე მილების გაწმენდისას, საბურთალოს ქუჩის კუთხეში, ერთ-ერთი მილი გასკდა, რის შედეგადაც წყალი პეკინის ქუჩაზე მიედინება.

კომპანია GWP-ს ცნობით, დაზიანებულ მონაკვეთზე აღდგენითი სამუშაოები უკვე დაწყებულია. "საბურთალოს ქუჩის და პეკინის გამზირის კვეთაზე, პეკინის გამზირის რეაბილიტაციის ფარგლებში, სანიაღვრე სისტემაზე სამუშაოების წარმოებისას, წყალსადენის 400 მმ-იანი მაგისტრალური ქსელი დაზიანდა. დაიკეტა ჩამკეტ-მარეგულირებელი ურდულები და ქსელის დაზიანებულ მონაკვეთზე აღდგენითი სამუშაოები უკვე დაწყებულია. პეკინის გამზირზე მიმდინარე სარეაბილიტაციო სამუშაოები ჩვეულ რეჟიმში გრძელდება", - ნათქვამია კომპანიის განცხადებაში.

პეკინის გამზირზე მიმდინარე სარეაბილიტაციო სამუშაოები ჩვეულ რეჟიმში გრძელდება.

პეკინის გამზირის რეაბილიტაციის პროექტის ფარგლებში, უნდა შეიცვალოს 355 და 160 მილიმეტრიანი 3 კმ სიგრძის გამანაწილებელი ქსელები. რეაბილიტაცია ჩაუტარდება წყალარინების გვირაბის 400 მეტრიან მონაკვეთს. 
წყალმომარაგების სისტემის სარეაბილიტაციო სამუშაოების დასრულება პეკინის გამზირზე აგვისტოს ბოლოს იგეგმება. 

 სარეაბილიტაციო სამუშაოების გამო, პეკინის ქუჩა ცალმხრივად გადაიკეტა არქივიდან სასტუმრო holiday inn-ის ჩათვლით. სამუშაოები 24-საათიან რეჟიმში ჩატარდება და სავარაუდოდ, 10 სექტემბრამდე დასრულდება.

imedinews.ge

მაღალკვალიფიციური მომზადება ხელმისაწვდომ ფასად

ტრამპის საიმიგრაციო განკარგულება ძალაში შევიდა

დღეიდან ძალაში შევიდა დონალდ ტრამპის ბრძანება, რომელიც 6 მუსლიმური ქვეყნის - ირანის, ლიბიის, სირიის, სომალის, სუდანის, იემენის - მოქალაქეებს და დევნილებს ამერიკის შეერთებულ შტატებში შესვლას უკრძალავს.

გამონაკლისს დაუშვებენ მხოლოდ იმ პირებზე, რომლებსაც შტატებში ახლო ნათესავები ჰყავთ და ბიზნესკავშირები აქვთ, ასევე - სიძე-პატარძლებისთვის. დანარჩენებზე ვიზებს საერთოდ არ გასცემენ.

პრეზიდენტის ბრძანება სასამართლოებმა შეაჩერეს, მაგრამ უზენაესმა სასამართლომ ნაწილობრივ აღადგინა.

imedinews.ge

მაღალკვალიფიციური მომზადება ხელმისაწვდომ ფასად

ოჯახის შექმნის მიზნით დაგეგმილ პაემნებს მთავრობა დააფინანსებს

იაპონელი მამაკაცების 30% ქალთან ურთიერთობას,  მაღალტექნოლოგიურ თოჯინებთან  ურთიერთობას ამჯობინებს. რეალურად ოჯახების შექმნა მხოლოდ 20%- ს უნდა .  ამიტომ იაპონიის მთავრობამ გადაწყვიტა დააფინანსოს ქალისა და ვაჟის პაემნები, თუ ისინი ოჯახს შექმნიან 10 წლის განმავლობაში ათავისუფლებენ კომუნალური გადასახადებისგან. შეხვედრებისთვის  სპეციალურად მოაწყვეს რესტორნები კაფეები რომ წყვილმა  თავი მყუდროდ და ბედნიერად იგრძნოს.

„საინტერესო“, „თრიალეთი“

განათლების სახლის საჩუქარი სკოლას

მაღალკვალიფიციური მომზადება ხელმისაწვდომ ფასად

                              ყიდვა, გაყიდვა და ყველა საქმიანი განცხადება

Victoria's Secret-ის მოდელმა ტრამპს აგინა

ამერიკელმა მოდელმა, Victoria's Secret-ის სახემ, კრისტი ტეიგენმა აშშ-ს პრეზიდენტის, დონალდ ტრამპის Twitter-ში გამოქვეყნებულ პოსტზე უცენზურო პასუხი მიაწერა. ინფორმაციას US Weekly აქვეყნებს.

31 წლის მოდელმა საკმაოდ უხეში ფორმით მიუთითა ქვეყნის 71 წლის პრეზიდენტს ასაკზე მას შემდეგ, რაც ტრამპმა გამოცემა The New York Times გააკრიტიკა. ტეიგენმა თავის პასუხში ორჯერ გამოიყენა სიტყვა “fuck“.

imedinews.ge

მაღალკვალიფიციური მომზადება ხელმისაწვდომ ფასად

შტატები ტაივანს იარაღს მიჰყიდის

ამერიკის შეერთებულმა შტატებმა ტაივანთან იარაღზე შეთანხმება გააფორმა - ვაშინგტონი ტაიბეის მილიარდ ნახევარი დოლარის ღირებულების იარაღს მიჰყიდის.

პენტაგონსა და ტაივანის თავდაცვის უწყებას შორის გაფორმებულ კონტრაქტს ჩინეთის უკმაყოფილება მოჰყვა. ჩინეთის საელჩოში განაცხადეს, რომ ეს ჩინეთის და ამერიკის შეერთებული შტატების ორმხრივ ურთიერთობებზე ნეგატიურად აისახება.

ტაივანის არაღიარება პეკინთან დიპლომატიური ურთიერთობების აუცილებელი პირობაა.

imedinews.ge

მაღალკვალიფიციური მომზადება ხელმისაწვდომ ფასად