Friday, December 5, 2014

სტუ-ში ტარდება პროგრამირებაში მსოფლიო ჩემპიონატის ნახევარფინალისა და სამხრეთ კავკასიის ღია ჩემპიონატისადმი მიძღვნილი ბრიფინგი

5 დეკემბერს, 12:00 საათზე, საქართველოს ტექნიკური უნივერსიტეტის ადმინისტრაციულ კორპუსში, გ. ნიკოლაძის სახელობის დარბაზში, პროგრამირებაში უმაღლეს სასწავლებელთა შორის მსოფლიო ჩემპიონატის ნახევარფინალისა და სამხრეთ კავკასიის ღია ჩემპიონატისადმი მიძღვნილი ბრიფინგი ჩატარდება.   ბრიფინგში მონაწილეობას მიიღებენ საორგანიზაციო კომიტეტის თავმჯდომარე, აკად. არჩილ ფრანგიშვილი, საორგანიზაციო კომიტეტის თავმჯდომარის მოადგილე, პროფ. ზურაბ გასიტაშვილი, ჟიურის თავმჯდომარე, პროფ. ჰამლეტ მელაძე, ტექნიკური კომიტეტის თავმჯდომარე, პროფ. ზურაბ წვერაიძე, ღონისძიების დირექტორი, თეოდორე ზარქუა, აგრეთვე, სანკტ-პეტერბურგიდან საგანგებოდ მოვლენილი სპეციალისტები: ეგორ კულიკოვი (მსოფლიოში მე-3 რეიტინგის მფლობელი, ილია ვეკუას თასზე საერთაშორისო ოლიმპიადების არაერთგზის გამარჯვებული) და მიხეილ დვორკინი (მსოფლიო რეიტინგლისტის ერთ-ერთი ლიდერი და მრავალი საერთშორისო ოლიმპიადის გამარჯვებული და პრიზიორი).

7 დეკემბერს, პარალელურად სანკტ-პეტერბურგში, ბარნაულში, ტაშკენტსა და თბილისში, ტარდება 2014-2015 წლების სეზონის მსოფლიო ჩემპიონატის ნახევარფინალი უმაღლეს სასწავლებელთა შორის ე.წ. ჩრდილო-აღმოსავლეთ ევროპის ზონისთვის. ეს ზონა თითქმის მთლიანად ფარავს პოსტსაბჭოთა სივრცეს (უკრაინისა და მოლდავეთის გამოკლებით) და ნამდვილად უძლიერესია მსოფლიოს ნახევარფინალურ ზონებს შორის. საკმარისია ითქვას, რომ უკვე 10 წელიწადზე მეტია, რაც მედალოსნების ნახევარი ამ ზონას წარმოადგენს.

თბილისში თავს მოიყრიან სამხრეთ კავკასიის საუკეთესო სტუდენტი-პროგრამისტები. ნახევარფინალის ყველა მონაწილე ავტომატურად მონაწილეობს სამხრეთ კავკასიის ღია გუნდურ ჩემპიონატში. ამ ჩემპიონატში წელს მონაწილეობის მისაღებად მოწვეულია რამდენიმე უძლიერესი გუნდი უკრაინიდან. მონაწილეებს შორის იქნება საუკეთესო ქართველი მოსწავლეებისგან დაკომპლექტებული გუნდი.

სამხრეთ კავკასიის პირადი პირველობა ჩატარდება 8 დეკემბერს.

მსოფლიო ჩემპიონატი პროგრამირებაში უმაღლეს სასწავლებლებს შორის სამართლიანად მიიჩნევა ყველაზე პრესტიჟულ ინტელექტუალურ შეჯიბრებად მსოფლიოში. იგი ტარდება საინფორმაციო ტექნოლოგიებისა და ტელეკომუნიკაციების სფეროში მოღვაწე ერთ-ერთი ყველაზე ავტორიტეტული ორგანიზაციის, ასოციაცია ACM (Association for Computing Machinery)-ის მიერ და ცნობილია დასახელებით ACM ICPC (International Collegiate Programming Contest).

სამხრეთ კავკასიის წარმომადგენელი მსოფლიო ჩემპიონატის ფინალში პირველად 2008-2009 წლების სეზონში გავიდა. სასიხარულოა, რომ ეს იყო საქართველოს წარმომადგენელი და ორმაგად სასიხარულოა, რომ იგი პრიზიორთა შორის აღმოჩნდა. ეს იყო თსუ- გუნდი (ნიკა ჯიმშელეიშვილი, ელდარ ბოგდანოვი, გიორგი ლეკვეიშვილი, მწვრთნელი თეოდორე ზარქუა), რომელმაც ბრინჯაოს მედლები მოიპოვა. ცხადია, ასეთი ძლიერი ზონიდან ფინალში გასვლა უაღრესად რთულია. ჯერჯერობით სამხრეთ კავკასიის წარმომადგენელი მსოფლიო ჩემპიონატების ფინალში მეორედ არც გასულა.

პირველი ნახევარფინალი სამხრეთ კავკასიის გუნდებისთვის  2000 წელს საქართველოს ტექნიკური უნივერსიტეტის ბაზაზე ჩატარდა. ღონისძიების პირველი დირექტორი იყო სტუ- თანამშრომელი ზურაბ გოგიშვილი. სტუ- უმასპინძლა ამ ღონისძიებას 2001 და 2002 წლებშიც. 2003, 2004 და 2006  წლებში სამხრეთ კავკასიის გუნდებმა თავი მოიყარეს ერევანში, სადაც შეჯიბრებას უმასპინძლა ერევნის სახელმწიფო უნივერსიტეტმა. ამ წლებში ღონისძიების დირექტორი იყო ერევნის სახელმწიფო უნივერსიტეტის პროფესორი, ვაგრამ დუმანიანი. 2005, 2007 და 2008 წლებში მსოფლიო ჩემპიონატის ნახევარფინალი სამხრეთ კავკასიის გუნდებისთვის ჩატარდა ბათუმის შოთა რუსთაველის სახელობის სახელმწიფო უნივერსიტეტის ბაზაზე. 2009 წელს ღონისძიებას უმასპინძლა საქართველოს საპატრიარქოს წმიდა ანდრია პირველწოდებულის სახელობის ქართულმა უნივერსიტეტმა.
2010 წელს, 8-წლიანი პაუზის შემდეგ, შეჯიბრების მასპინძელი კვლავ საქართველოს სახელმწიფო ტექნიკური უნივერსიტეტი გახდა. ამ წლიდან მოყოლებული, შეჯიბრებას მხოლოდ სტუ მასპინძლობს. ღონისძიების საორგანიზაციო კომიტეტს ხელმძღვანელობს სტუ-ის რექტორი, აკადემიკოსი არჩილ ფრანგიშვილი, ჟიურის თავმჯდომარეა პროფ. ჰამლეტ მელაძე, ტექნიკური კომპიტეტის თავმჯდომარეა პროფ. ზურაბ წვერაიძე, ხოლო  შეჯიბრების დირექტორია პროფ. თეოდორე ზარქუა.

თეოდორე ზარქუას განცხადებით, ძალთა რეალური შეფასება იძლევა იმის საფუძველს, რომ ვივარაუდოთ მძაფრი ბრძოლა სამხრეთ კავკასიის საუკეთესო გუნდის სახელის მოსახვეჭად სულ ცოტა 6 უმაღლესი სასწავლებლის წარმომადგენლებს შორის. ესენია ერევნის რუსულ-სომხური სახელმწიფო უნივერსიტეტი, .ჯავახიშვილის სახელობის თბილისის სახელმწიფო უნივერსიტეტი, ერევნის სახელმწიფო უნივერსიტეტი, თავისუფალი უნივერსიტეტი, საქართველოს ტექნიკური უნივერსიტეტი  და ბაქოს უნივერსიტეტიქავგაზი”.

მისი განცხადებით, მძაფრი ბრძოლა სამხრეთ კავკასიის პირველობისთვის ხელს შეუწყობს ისეთი შედეგის მიღწევას, რომელიც მსოფლიო ჩემპიონატის ფინალში გასვლისთვის იქნება აუცილებელი. ამ შეჯიბრებაზე საქართველოს წარმოადგენს თსუ, სტუ, თავისუფალი უნივერსიტეტი, საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტი, შავი ზღვის საერთაშორისო უნივერსიტეტი, კავკასიის უნივერსიტეტი, შოთა რუსთაველის სახელობის ბათუმის სახელმიფო უნივერსიტეტი, თსუ- ფრანგულ-ქართული ინფორმატიკის ინსტიტუტი და, პირველად, საქართველოს უნივერსიტეტი. თბილისში მსოფლიო ჩემპიონატის ნახევარფინალში მონაწილეობას მიიღებს სულ 61 გუნდი. აქედან 28 წარმოადგენს საქართველოს, 14 სომხეთს და 19 აზერბაიჯანს. აქამდე ამდენი გუნდი სამხრეთ კავკასიის ნახევარფინალურ ჯგუფში არ ყოფილა.

სავარაუდოდ, სამხრეთ კავკასიის ღია ჩემპიონატზე უმაღლესი ადგილებისთვის ბრძოლაში აქტიურად ჩაებმება მოსწავლეთა ნაკრები გუნდი. ამ გუნდმა (ელენე მაჩაიძე, გიორგი სხირტლაძე, ალექსანდრე ცხოვრებოვი) ერთი კვირის წინ მოიპოვა რუსეთის მოსწავლეთა ღია გუნდური ოლიმპიადის ბრინჯაოს მედლები (საქართველოს უძლიერესმა გუნდებმა იასპარეზა სტუ-იდან) და ახლო მომავალში მისგან თვალსაჩინო შედეგებს ველოდებით ჯერ მოსწავლეთა, ხოლო შემდეგ  სტუდენტთა საერთაშორისო ოლიმპიადებზე.


Thursday, December 4, 2014

მოსაზრება ლარის კურსთან დაკავშირებით

პროფესორი აკაკი ცომაია ფეისბუქის საკუთარ გვერდზე აქვეყნებს მოსაზრებას ლარის კურსთან დაკავშირებით:
საზოგადოების მაღალი ინტერესის გათვალისწინებით, თავს ვალდებულად ვთვლი საჯაროდ გამოვხატო ჩემი მოსაზრება ლარის კურსთან დაკავშირებით, რადგან უამრავი ჟურნალისტი ბოლო 3 კვირაა მისვამს ამ შეკითხვას 
კითხვები ლარის კურსთან დაკავშირებით :
1. რა ნიშნულამდე დაეცემა ლარის კურსი და როგორ ფიქრობთ, რამდენ ხანს გაგრძელდება ინფლაცია, მოსალოდნელია თუ არა წელს, სხვა წლებთან შედარებით განსაკუთრებული საფრთხე?
რა ნიშნულამდე დაეცემა ლარის კურსი, ამის წინასწარმეტყველება არავის შეუძლია. ეს რომ შესაძლებელი იყოს, ბევრი ადამიანი მარტივად გამდიდრდებოდა. წელს საფრთხე შედარებით მაღალია, ვიდრე ეს შარშან იყო. შარშან, ლარის მოულოდნელი ვარდნა განაპირობა საქართველოს მთავრობის მხრიდან დიდი რაოდენობის თანხების ხარჯვამ 2013 წლის ბოლოს. ლარის დიდი მასა მიაწვა ბაზარს და შექმნა უცხოური ვალუტის დეფიციტი. მყისიერმა ცვლილებამ ბევრ ადამიანს უბიძგა, რომ ლარის დანაზოგი გადაეტანა უცხოურ ვალუტაში, რამაც კიდევ უფრო მეტად შეუწყო ხელი ლარის გაუფასურებას. ეროვნული ბანკი იძულებული გახდა, რომ განეხორციელებინა სავალუტო ინტერვენციები და შესაბამისად, მას მოუწია ნახევარი მილიარდამდე სავალუტო რეზერვის დახარჯვა. უნდა აღინიშნოს ისიც, რომ ჩემი აზრით, ეროვნული ბანკი ამ პროცესში დაგვიანებით ჩაერთო, რადგან შესაძლებელი იყო უფრო სწრაფად დროულად მოქმედება და რეზერვიც ნაკლები დაიხარჯებოდა.
მიუხედავად იმისა, რომ წლევანდელი სიტუაცია წააგავს შარშანდელს, იგი მაინც მნიშვნელოვნად განსხვავდება შარშანდელისგან. წელს:
ა. შემცირებულია წმინდა ექსპორტი, ანუ იმპორტი უფრო მეტად გაიზარდა, ვიდრე ექსპორტი - ეს ჩანს 2014 იანვრის ოქტომბრის მონაცემებითაც და დეკემბრის ბოლოსთვის, განსხვავება კიდევ უფრო მეტად მკვეთრი გახდება
ბ. შემცირდა უცხოური პირდაპირი ინვესტიციები შარშანდელთან შედარებით
გ. მცირდება რუსეთიდან და სხვა ქვეყნებიდანაც ფულადი გზავნილების რაოდენობაც
ფაქტიურად, საგრძნობლად შემცირდა თითქმის ყველაფერი, რაც უზრუნველყოფს უცხოური ვალუტის მიწოდებას ქვეყანაში. შედეგად, შემცირდა მიწოდებული უცხოური ვალუტის რაოდენობა და ამანაც განაპირობა ლარის გაუფასურება. დღეს, ლარის გაუფასურება გიჩვენებთ ეკონომიკის ფაქტიურ მდგომარეობას და წარმოადგენს იმ მაკროეკონომიკური პოლიტიკის შედეგს, რომელიც ხორციელდება ბოლო ორი წელიწადია. მისი ხელოვნური გამყარება შეიძლება, მაგრამ ეს არ იქნება სწორი ნაბიჯი. ჩემი აზრით, ეროვნულმა ბანკმა არ უნდა დაიწყოს მოქმედებები ლარის გასამყარებლად. ამ სიტუაციას ამძიმებს ის გარემოებაც, რომ წლის ბოლოს არის იმის საშიშროებაც, რომ საქართველოს მთავრობა შარშანდელივით დახარჯავს ბევრს ერთბაშად სხვადასხვა პროექტების დასაფინანსებლად, რაც ლარს აუცილებლად გააუფასურებს კიდევ უფრო მეტად. თუმცა, შემოსავლების შესრულების ნაწილში ბიუჯეტი ვერ სრულდება (მოსალოდნელია, რომ დიდი ალბათობით ნახევარი მილიარდი ლარით გაირღვევა) და ეს არის ის შემთხვევა, როდესაც იმედი მაქვს, რომ ვერ შესრულდება. სხვა სიტყვებით რომ ვთქვათ, საქართველოს მთავრობა დგას შედარებით მძიმე არჩევანის წინაშე:
ა) შეასრულოს ნაკისრი ვალდებულებები და დააფინანსოს სხვადასხვა პროექტები, რომელიც ძირითადად სოციალურ ხასიათს ატარებს და ეკონომიკის ზრდაზე არ არის ორიენტირებული და ეს გააკეთოს ლარის კიდევ უფრო გაუფასურების ხარჯზე, თუ
ბ) უარი თქვას ნაკისრი ვალდებულებების შესრულებაზე (ანუ ჩააგდოს ბიუჯეტი), მაგრამ აღარ შეუწყოს ხელი ლარის კურსის კიდევ უფრო მეტად გაუფასურებას
ამ შემთხვევაში, ბ ვარიანტი სჯობს ა-ს, რადგან ცხადია, რომ ლარის გაუფასურებით შემცირებული ეკონომიკური კეთილდღეობა აღემატება საბიუჯეტო ხარჯებით შექმნილ სარგებელს
2. რამდენად იგრძნობს ლარის კურსის ვარდნას მომხარებელი, რა კონკრეტულ რეკომენდაციებს მისცემთ ხელისუფლებას და როგორ ფიქრობთ, რამდენად მზადაა იგი ინფლაციასთან საბრძოლველად?
მომხმარებელმა ეს უკვე იგრძნო და ტენდენცია უარესობისკენ იცვლება. ამას ეკონომიკური ზრდის კვარტალური მაჩვენებლებიც ადასტურებს:
ა) იმპორტიორი კიდევ უფრო მეტად შეეცდება პროდუქტის გაძვირებას, ვიდრე შარშან, რადგან მისი მოლოდინი შეიცვალა და ეს ტენდენცია უკვე სახეზეა
ბ) ყველას, ვისაც სესხი უცხოურ ვალუტაში აქვს, მათი ეკონომიკური მდგომარეობა მოულოდნელად გაუარესდა
გ) უცხოელმა ინვესტორებმა მიიღეს მკაფიო გზავნილი, რომ საქართველოს ეკონომიკა სახიფათოა და არ ღირს იქ ინვესტიციების განთავსება
დ) ბიზნეს-გარიგებების რაოდენობა შემცირდება, რაც მომავალ ეკონომიკურ ზრდაზე კიდევ უფრო მძიმედ აისახება
გარდა ამისა, ბოლო ორ წელიწადში, საქართველოს სახელმწიფო ვალი 1.7 მილიარდი ლარით გაიზარდა (როდესაც ვალს იღებ, სულ მცირე, ბიუჯეტის დეფიციტის პრობლემის წინაშე მაინც არ უნდა დადგეს ქვეყანა). იხარჯება წინა მთვრობის მიერ დაგროვილი რეზერვები. თუ არ ვცდები, რეზერვებიც 400 მლნ ლარით შემცირდა. სავალუტო რეზერვები კი თითქმის 300 მლნ აშშ დოლარით შემცირდა, რომელიც ასევე წინა მთავრობის პერიოდში დაგროვდა და ამასთან, ლარი მაინც უფასურდება. კომერციულმა ბანკებმა დაიწყეს დიდი რაოდენობით საზოგადოებრივი პროექტების დაფინანსება (მთავრობამ ისესხა). მათ შორის არის ყოვლად უსარგებლო აგრარული სექტორის სუბსიდირება, რომლის მონაწილეობა მთლიან შიდა პროდუქტის სტრუქტურაში უმნიშვნელოა (9%) იმის გთვალისწინებით, რომ ამ სექტორში დასაქმებული მოსახლეობა საქართველოს მოსახლეობის 48%–ია. ეს ხომ ის პოტენციური ინვესტიციებია, რომელიც „უხილავი ხელის“ ძალით გადანაწილების შემთხვევაში, ეკონომიკის ზრდას მოხმარდებოდა. იზრდება დასაქმების მაჩვენებლები სახელმწიფო სექტორში. იქმნება ყოვლად უსარგებლო სააგენტოების რაოდენობა, ხოლო საბოლოო ჯამში, საზოგადოების უმუშევართა რაოდენობა იზრდება.
მთავრობის წევრები, და ე.წ. „გამპრავებელი ექსპერტები“ ამტკიცებენ, რომ ყველაფერი კარგად არის და არც არაფერი ხდება. უფრო მეტიც, ზოგიერთის მსჯელობა უკვე თავხედობაშიც გადადის და უტიფრათ ცდილობენ იმის წარმოჩენას, რომ უფრო უკეთესი ეკონომიკური მდგომარეობა გვაქვს, ვიდრე გვქონდა თუნდაც 2 წლის წინ.
არ დიჯეროთ, თუ ასე გაგრძელდა ეკონომიკური კრიზისი გარდაუვალი იქნება!

სკოლებში ზამთრის არდადეგები 30 დეკემბერს დაიწყება

სკოლებში ზამთრის არდადეგები 30 დეკემბერს დაიწყებასკოლებში ზამთრის არდადეგები 30 დეკემბერს დაიწყება. როგორც "ინტერპრესნიუსს" საქართველოს განათლებისა და მეცნიერების სამინისტროში განუცხადეს, პირველი სემესტრის სასწავლო პროცესი 29 დეკემბრის ჩათვლით გაგრძელდება, არდადეგები კი 30 დეკემბერს დაიწყება. არდადეგები 14 იანვრის ჩათვლით გაგრძელდება. სასწავლო პროცესი 15 იანვრიდან აღდგება. 
როგორც განათლებისა და მეცნიერების სამინისტროში აცხადებენ, არდადეგები საქართველოს მასშტაბით ყველა სკოლაში ერთდროულად გამოცხადდება და ყველა კლასს მოიცავს.
ipn.ge

Monday, December 1, 2014

ტექნიკური უნივერსიტეტის თანამშრომლები ვარძიის კომპლექსის კვლევით სამუშაოებში მონაწილეობენ

საქართველოს ტექნიკური უნივერსიტეტის გამოყენებითი გეოლოგიის დეპარტამენტის თანამშრომლები ვარძიის სამონასტრო კომპლექსის კვლევით სამუშაოებში მონაწილეობენ .

საქართველოს ტექნიკური უნივერსიტეტი ჩართულია ვარძის ამგები ქანების ფიზიკურ-მექანიკური თვისებების და გეოქიმიური მახასიათებლების შესწავლის საქმეში.

ვარძიაში სარესტავრაციო, კონსერვაცისა და გადაუდებელი დაცვითი სამუშაოები მიმდინარე წელს მთავრობის დადგენილების შესაბამისად დაიწყო. ვარძიის გადარჩენის სახელმწიფო პროგრამით დაწყებული სამუშაოების მიმდინარეობა საქართველოს პრემიერ-მინისტრმა, ირაკლი ღარიბაშვილმა, კულტურისა და ძეგლთა დაცვის მინისტრმა, მიხეილ გიორგაძემ და ახალციხის, ტაო-კლარჯეთისა და ლაზეთის ეპარქის მიტროპოლიტმა თეოდორემ შეაფასეს. ვარძიის ქვაბულში განთავსებულ საველე შტაბში ისინი უშუალოდ გაეცნენ პროექტის სამუშაო ჯგუფის წარმომადგენლებს და მოისმინეს ინფორმაცია მათ მიერ დაწყებული კვლევების შესახებ.

შტაბის სხდომაში მონაწილეობდნენ: კლაუდიო მარგოტინი – ჯგუფის ხელმძღვანელი, დანიელ სპიციკინი – ინჟინერი, პაოლო ფრატანი – გეოლოგი, ჯედეონ ტოლიონი – ინჟინერი, ლუკა ბენიტი – ინჟინერი, ლაზერული სკანირების ტექნოლოგი, მიხეილ ელაშვილი – ილიას სახელმწიფო უნივერსიტეტი, მერაბ გაფრინდაშვილი – გარემოს დაცვის ეროვნული საგენტო, ბეჟან თუთბერიძე – თბილისის სახელმწიფო უნივერსიტეტი, ნოდარ ფოფორაძე – საქართველოს ტექნიკური უნივერსიტეტი და ნანა კუპრაშვილი – ვარძის კედლის მხატვრობის სამუშაო ჯგუფის ხელმძღვანელი – თბილისის სამხატვრო აკადემია.


"იყავი წ ა რ მ ა ტ ე ბ უ ლ ი!"

განათლების სახლი და პროფ. ზაზა ცოტნიაშვილი გთავაზობთ ერთთვიან სასერტიფიკატო კურსს 

"იყავი წ ა რ მ ა ტ ე ბ უ ლ ი!" 

✓ https://www.youtube.com/watch?v=0u-bRR-MB3A&feature=youtu.be

✓ https://www.youtube.com/watch?v=2HOrZrbp-Mw

✓ კურსი განკუთვნილია მისთვის, ვინც დროის გარკვეულ ნაწილს უთმობს ცხოვრებაში წარმატების მოპოვებას;

✓ წარმატებას მიაღწევთ გაცილებით ადვილად: 
თუ ისწავლით საკუთარ თავში მიმზიდველი პიროვნების კულტივირებას; 
თუ გაითავისებთ სხვებთან ერთად გარკვეული ამოცანის გადაჭრის ფაქიზ ხელოვნებას შეხლა-შემოხლისა და შურის გარეშე;

ამ და სხვა ძალიან საინტერსო საკითხებზე მოუსმინეთ ლექტორს და გახდით წარმატებული!

რეგისტრაცია იწარმოებს 8 დეკემბრამდე (რაოდენობა შეზღუდულია - კურსზე მიიღება პირველი 12 მსურველი)

ლექციები ჩატარდება სამშაბათობით, 18:00 საათზე, განათლების სახლში, აუდიტიორია #215

სიმბოლური გადასახადი: 40 ლარი
იძულებით გადაადგილებული და სოციალურად დაუცველი პირებისთვის, ვეტერანების ან/და მათი შვილებისთვის, სამშობლოს ერთიანობისათვის დაღუპულთა ოჯახის წევრებისთვის - 20 ლარი (-50%)

გაიცემა ორენოვანი ს ე რ ტ ი ფ ი კ ა ტ ი!

სწრაფი რეგისტრაციისათვის შეგიძლიათ "ინბოქსში" მოგვწეროთ
ან
აქ დაწეროთ თქვენი ტელეფონის ნომერი და პირადი ნომერი - ჩვენი მენეჯერი დაგიკავშირდებათ და დაგარეგისტრირებთ
ან
ამ ბმულზე გაიაროთ მარტივი რეგისტრაცია
https://docs.google.com/forms/d/1inQzeZ5MuZNLq1_b-PR0Yzpw4ySsOC1zzbgFqSL-j_g/viewform

ან დარეკეთ და გახდით წარმატებული:
T.: 2 14 80 24, 599 201096, 570 502915
ელ-ფოსტა: hedu.ge@gmail.com
მის.: ვაჟა-ფშაველას 43, აუდიტორია #215

Deutsche Welle Akademie იწვევს ჟურნალისტებს ტრენინგებში მონაწილეობის მისაღებად

1. ტრენინგი: რეპორტაჟი სამართლებრივ საკითხებზე , 13-15 დეკემბერი
 
ქართული მედიაში იშვიათად ხდება შრომით პირობებთან - ტარიფებთან და მინიმალურ  ჯამაგირთან, დასაქმებულთა გაერთიანებებთან, გაფიცვის კანონთან - დაკავშირებული თემების გაშუქება. შრომითი კანონმდებლობის თემაზე Deutsche Welle Akademie  13-15 დეკემბერს ჩაატარებს სამ-დღიან ტრენინგს, რომლის ფარგლებშიც ჟურნალისტებს შესაძლებლობა მიეცემათ, გაეცნონ მსგავსი თემების გაშუქების პეციფიკას, რომელიც მათ მოსახლეობისათვის ინფორმაციის მიწოდებაში დაეხმარება. შრომითი კანონმდებლობის საკითხები თავად მედიის წარმომადგენლებისთვისაც მნიშვნელოვანი თემაა.
ტრენინგს გაუძღვებიან გერმანელი ექსპერტი ოლივერ დერკორნი და ეკატერინე ციმაკურიძე (ახალგაზრდა იურისტთა ასოციაცია), რომლებიც საქართველოში ჟურნალისტების სამუშაო პირობების შესახებ საკუთარ ცოდნასა და გამოცდილებას სიხარულით გაუზიარებენ ტრენინგის მონაწილეებს.
 
 
2. ტრენინგი: ინტერვიუ სამართლებრივ საკითხებზე 19-22 დეკემბერი
 
საქართველოს იუსტიციის სამინისტროს ინიციატივითა და გერმანიის საგარეო საქმეთა სამინისტროს მხარდაჭერით 19-22 დეკემბერს Deutsche Welle Akademie თბილისში სამართლებრივი ჟურნალისტიკის სფეროში კიდევ ერთ ტრენინგს ჩაატარებს. ტრენინგს დოიჩე ველეს ტრენერი დოქტორი პანდელი პანი გაუძღვება, გარდა ამისა, სხვადასხვა თემებზე მრგვალი მაგიდების ფორმატში ტრენინგში მონაწილეობას მიიღებენ საქართველოს იუსტიციის სამინისტროს წარმომადგენლები. დოქ. პანდელი პანისთან ერთად ტრენინგის მონაწილე ჟურნალისტებს შესაძლებლობა მიეცემათ, ჩაწერონ ინტერვიუები იუსტიციის სამინისტროს წარმომადგენლებთან და ამით გაიღრმავონ არა მხოლოდ აქტუალური სამართლებრივი საკითხების ცოდნა, არამედ ჟურნალისტური კითხვის დასმისა და ინტერვიუს ტექნიკის უნარები. 
 
ტრენინგები ჩატარდება გერმანულ ენაზე ქართული თარგმანით მისამართზე: ევროპის სახლი, თავისუფლების მოედანი 1. 
 
დაინტერესებულ ჟურნალისტებს გთხოვთ, გამოგვიგზავნოთ თქვენი რეზიუმე და მოკლე სამოტივაციო წერილი დეკემბრის ჩათვლით  პროექტის კოორდინატორის, თამუნა გურჩიანის სახელზე (tamuna_gurchiani@yahoo.com).
დამატებითი შეკითხვებისთვის დაგვიკავშირდით:  595 38 44 68
სასახლე, რომელსაც საოცარი ისტორია აქვს, მე-19 საუკუნეში, 1895 წელს, იმ დროის ერთ-ერთი ულამაზესი ქართველი ქალის გულის მოსაგებად აშენდა. ეს ქალი თავადი ტარიელ დადიანის მეუღლე გახლდათ – აგრაფინა ჯაფარიძე.

ყველაფერი კი ერთ, მდიდრებისთვის განკუთვნილ საღამოზე დაიწყო. თავადის მეუღლე ,,ვეფხისტყაოსნის” დადგმაში მონაწილეობდა, სადაც ნესტან-დარეჯანს ასახიერებდა. ამ წარმოდგენას გერმანელი პრინცი – კონსტანტინე ოლდენბურგიც ესწრებოდა, რომელიც თბილისიდან ფოთამდე რკინიგზას აშენებდა.
პრინცი ოლდენბურგი იმდენად მოიხიბლა ქალის სილამაზით, რომ მის მეუღლეს ცოლთან ერთი ღამის სანაცვლოდ მილიონი ოქრო შესთავაზა. თქვენ წარმოიდგინეთ, თავადმა დადიანმა ცდუნებას ვერ გაუძლო და დათანხმდა! თანხმობის შემდეგ აგრაფინა ჯაფარიძესთან მისული ოლდენბურგისთვის ულამაზეს და საკმაოდ ჭკვიან ქალბატონს უთქვამს: “ფული ჩემს მეუღლეს გადაუხადე და მას მიაკითხე”. მაშინ გერმანელმა პრინცმა იკითხა, თუ რა უნდა გაეკეთებინა აგრაფინას გულის მოსაგებად. მან კი სასახლის აშენება სთხოვა.

გადმოცემის თანახმად, სასახლე ექვს თვეში აუშენებიათ. მის პირველ სტუმრებს მთავარ დარბაზში შესვლისას კაბა და შარვალი აუკეცავთ, რადგან იატაკი ბროლის იყო და დარბაზის განათება წყლის ეფექტს ქმნიდა.

სასახლის არქიტექტორი პ. შტერნი იმ დროს ძალიან სახელგანთქმული ყოფილა. ნაგებობის სტილი, ერთი მხრივ, “აგურის გოთიკას” ენათესავება, ხოლო, მეორე მხრივ, ისლამური არქიტექტურისათვის დამახასიათებელ დეტალებს იმეორებს.

პრინცთან გატარებული ერთი ღამის შემდეგ აგრაფინა ჯაფარიძემ მიატოვა ქმარი, ოლდენბურგთან ერთად ამ სასახლეში დასახლდა და გრაფინია ზარნიკაუს სახელი მოიპოვა. ხალხს ამ ამბავზე პატარა ლექსიც შეუთხზავს: – გრაფინია კისკისაო, დადიანმა პრინცს მისცაო!
ამ საოცარ ისტორიას სევდიანი დასასრული აქვს: გადმოცემის თანახმად, პრინცესა აგრაფინა ბოლშევიკებმა სიყვარულის კოშკში დაახრჩვეს. იმდროინდელი თბილისის მკვიდრებს არაერთხელ მოუყოლიათ, რომ სასახლეში ქალის აჩრდილი დადიოდა.
ოლდენბურგის სასახლე თბილისურ ტრადიციულ არქიტექტურასაც მნიშვნელოვნად სცილდება: ციხე-დარბაზის ტიპის ნაგებობას აქვს ღია ტერასა, ქვის მოაჯირებიანი კიბე, შუა ბასტიონი აზიდული ციცაბო სახურავით და სამსართულიანი კოშკი საიდუმლო ოთახით; მთავარ ფასადზე თავმოყრილი შეისრული თაღები, კედელში ჩასმული ვარდულები, მოაჯირის წვრილი სვეტები გოთური სტილიზაციის უჩვეულო და საინტერესო ნიმუშს ქმნის.

დღეს სასახლე - საქართველოს თეატრის, მუსიკის, კინოსა და ქორეოგრაფიის სახელმწიფო მუზეუმია.
presa.ge