Sunday, March 5, 2017

საგამოცდო ტექნიკა: როგორ მივაღწიოთ მაღალ შედეგებს

საგამოცდო სეზონი მოახლოვდა: გთავაზობთ მეთოდებს, რომლებიც დაგეხმარებათ მაქსიმალურად გამხნევდეთ საგამოცდო დარბაზში ყოფნისას.
მომზადება
საგამოცდო თემის რამოდენიმე, ძირითადი საკითხი ჩაიწერეთ შენიშვნის სახით. დილით, გამოცდის დაწყებამდე გადაავლეთ თვალი ჩანაწერს, ეს დაგეხმარებათ მნიშვნელოვანი საკითხების კიდევ ერთხელ გახსენებასა და დამახსოვრებაში.
გამოცდის კანდიდატი სხვადასხვა სტრესულ გარემოებებისა და სიძნელეების წინაშე იმყოფება. ამიტომ, გამოცდის წინ სრულფასოვნად მიიღეთ საკვები და დალიეთ ბევრი წყალი. ასეთ სიტუაციაში ძალიან კარგია ბანანის და წყლის მიღებაც – ეს ხელს უწყობს გამძლეობის შენარჩუნებას და გონების ნორმალურ ფუნქციონირებას.
გამოცდამდე ცოტაოდენი დრო შეეცადეთ მშვიდად ყოფნასა და მოდუნებას დაუთმოთ. ეცადეთ არ იღელვოთ და არ დაიძაბოთ. არ გირჩევთ გამოცდაზე გასვლის წინ მოერიდეთ გადაიტვირთვასა და სტრესს: რაც გულისხმობს მოერიდოთ ინტერნეტს, ტელევიზორის ყურებით, ტელეფონზე საუბარს, ხმამაღალი მუსიკის მოსმენას და მეგობრებსაც კი. ამის მაგიერ აჯობებს მშვიდ გარემოში გაისერინოთ და ყურსასმენის საშუალებით წყნარ მუსიკას მოუსმინოთ. შეასრულეთ ნელი, რითმული სუნთქვის ვარჯიშები და დაასვენეთ თვალები.
გამოცდაზე
უპირველეს ყოვლისა … ნუ დაიწყებთ საგამოცდო ტესტის ერთდროულად გადაფურცვლას. პირველი 10 საკითხი ყოველთვის ექვივალენტურია ტესტის ბოლოს მოცემული 10 საკითხის. კანდიდატების მიერ რთული შეკითხვების გამორჩევა პასუხის გასაცემად, რაც ხშირ შემთხვევაში ხდება ხოლმე, გამოცდაზე დაშვებული ყველაზე დიდი შეცდომაა. დაიწყეთ პირველი გვერდიდან და მიყევით, რათა სწორად შეაფასოთ რა გაქვთ გასაკეთებელი. ეს დროსაც დაგიზოგავთ. ამასთან, ყველა მოცემულ კითხვაზე სწორი პასუხი განსაზღვრავს თქვენს მაღალ შეფასებას.
გამოიყენეთ მონიშვნის სქემა, თქვენი პასუხებისთვის. მაგალითად, მათემატიკაში დასმულ კითხვაზე, მიუხედავად იმისა, რომ რამოდენიმე შეფასების ქულა არსებობს, აირჩიეთ რა ქულა გინდათ შეფასებისას და მუშაობის პროცესში ყველა სხვა დანარჩენი შეფასების ნიშნები დაივიწყეთ. დავალებას მიაწერეთ ტექსტის სახით, როგორ მიხვედით შეკითხვიდან სწორ პასუხამდე. შეეცადეთ გამოიყენოთ სიტყვები, რომლებიც გასაგებს გახდის თქვენს მიერ დავალების ამოხსნის პრინციპს. თავი აარიდეთ გრძელ წინადადებებს. ასეთი წინადადებების დაწერა რთულიცაა და კითხვისას დიდი დრო მიაქვს. გამომცდელები უამრავ საგამოცდო ნაშრომს ამოწმებენ, დიდი ტექსტებით ნუ გააღიზიანებთ მათ. შეეცადეთ მოკლედ და გასაგებად დაწერილი დავალებით გაუადვილოთ მათ ეს საქმე.
მეცნიერების სფეროზე დასმულ შეკითხვებზე, რომლებიც 2-დან 4 ქულამდე ფასდება, მოიქეცით შემდეგნაირად: დაწერეთ ერთი ან ორი წინადადება, რომლებიც გადმოცემს ფაქტებს და ბოლოს მესამე წინადადება, რომელიც ამ ფაქტებს აერთიანებს დასმულ კითხვასთან.
არასოდეს დაიწყოთ პასუხის წერა სიტყვით ”იმიტომ რომ” ან ”თუნდაც”, მაშინაც კი, თუ შეკითხვა იწყება სიტყვით ”რატომ” და ”იმ შემთხვევაში თუ”, რადგან ჩამოთვლილი სიტყვების გამოყენების გარეშე, პასუხი არის უფრო დამაჯერებლი და ცოდნის დონეს გაცილებით უკეთ გამოხატავს.
გამოცდის შემდეგ
გადით გარეთ. დალიეთ წყალი, საკვებიც მიიღეთ და ცოტა დაისვენეთ. ნუ დაიწყებთ გამოცდის განხილვას მეგობრებთან – ეს დაძაბულობას იწვევს და არანაირი მნიშვნელობა არ აქვს გამოცდის არც ერთი მონაწილისათვის. გაითვალისწინეთ, რომ ამ გამოცდის შემდეგ, ისევ გამოცდა გელით, ამიტომ დაუბრუნდით ზედა პუნქტებს – იყავით სიმყუდროვეში, მოდუნდით, აღიდგინეთ ენერგია. თუ თქვენ გაქვთ რამოდენიმე დღე შემდეგ გამოცდამდე, დაისვენეთ სათანადოდ – წადით კინოში, საცურაო აუზზე ან წაიკითხეთ წიგნი და რაც მთავარია, ეცადეთ ღამე კარგად გამოიძინოთ. ამის შემდეგ თქვენ სრულიად მზად იქნებით მომდევნო გამოცდისთვის.
წყარო: http://www.telegraph.co.uk

თავდასხმა ექიმებზე თბილისში - გავრცელებული ინფორმაციით, ერთ-ერთი მათგანი მოკლულია

სროლა იყო თბილისში, ბერი გაბრიელის გამზირზე. გავრცელებული ინფორმაციით, თავდასხმა ექიმებზე მოხდა და ერთ-ერთი მათგანი მოკლულია. სავარაუდოდ დაჭრილია კიდევ ერთი ექიმი. 
ადგილობრივების თქმით, შემთხვევა გამთენიისას მოხდა. არსებული ინფორმაციით, დაახლოებით 50 წლის მამაკაცს ფსიქიკური პრობლემა ჰქონდა. მისი ოჯახის წევრმა კი ექიმებს მიმართა მისი კლინიკაში გადაყვანის თაობაზე. მისამართზე მისული ექიმებიდან ერთ-ერთს მამაკაცმა ესროლა, რომელიც ადგილზე გარდაიცვალა, კიდევ ერთი ექიმი დაიჭრა.
ინციდენტის შემდეგ მამაკაცი ჩაიკეტა ბინაში, რის გამოც სამართალდამცველები გამოიძახეს. გავრცელებული ინფორმაციით, სპეცოპერაციის შედეგად, რომელიც დაახლოებით ნახევარ საათს მიმდინარეობდა, თავდამსხმელიც დაიჭრა.  
ამ დროისთვის ადგილზე ექსპერტ-კრიმინალისტები მუშაობენ.

Saturday, March 4, 2017

რა შემთხვევაში არ მიენიჭება მასწავლებელს კრედიტქულა დამატებითი/სავალდებულო აქტივობისას

მასწავლებლის პროფესიული განვითარების ცენტრმა მასწავლებლის შიდა შეფასების სტანდარტიზებული ინსტრუმენტები შეიმუშავა. დოკუმენტში დეტალურადაა გაწერილი ის კრიტერიუმები, რომლებიც აფასებს თუ რა დონეს უნდა აკმაყოფილებდეს მასწავლებლის საქმიანობა, რომ მან კონკრეტული აქტივობების განხორციელებისთვის კრედიტქულა მიიღოს. დოკუმენტში გაწერილია სულ 29 აქტივობა და თითოეული მათგანის შეფასებისას საჭირო კრიტერიუმები.
მასწავლებელს სავალდებულო ან/და დამატებით აქტივობაში კრედიტქულა არ მიენიჭება იმ შემთხვევებში თუ:
ა) თუ მასწავლებელი წარმოადგენს ისეთი სავალდებულო​ ან/და დამატებით აქტივობის დამადასტურებელ დოკუმენტს, რომელიც შეფასებულია სხვა აქტივობის ფარგლებში;
ბ) თუ მასწავლებელი სავალდებულო ან/და დამატებითი აქტოვობის განხორციელებისას არ დაიცავს „საავტორო და მომიჯნავე უფლებების შესახებ“ საქართველოს კანონით გათვალისწინებულ მოთხოვნებს;
გ) თუ მასწავლებელი სრულად არ წარმოადგენს სავალდებულო ან/და დამატებითი აქტივობის განხორციელების დამადასტურებელ დოკუმენტაციას;
დ) თუ მასწავლებლის შეფასების ჯგუფს აქვს საფუძვლიანი და დასაბუთებული ეჭვი, რომ რეალურად არ განხორციელებულა მასწავლებლის მიერ წარმოდგენილი სავალდებულო ან/და დამატებითი აქტივობა.
როგორც დოკუმენტშია ნათქვამი, აღნიშნულ შემთხვევებში, სკოლების მართვის საინფორმაციო სისტემაში (eSchool) მასწავლებლის შეფასების ველში მიეთითება 0 (ნული) ქულა.
liberali.ge

Friday, March 3, 2017

მსოფლიოს „ოროსანი“ გენიოსები

 ორსნობა სამარცხვინო კი არა, პირიქით ზოგჯერ საპატიოც არის. წარმოგიდგენთ 10 ოროსან გენიოსს.
არისტოკრატული ოჯახის უფროსი ვაჟი უინსტონ ჩერჩილი  ადრეული ასაკიდანვე უარს აცხადებდა სასკოლო განათლების მიღებაზე, მაგრამ  მას ყოველთვის, სადმე კუთხეში მისი ასაკისთვის შეუფერებლი წიგნით ხელში პოულობდნენ.
 საბჭოთა ლიტერატურა ვლადიმერ მაიაკოვსკის ცუდი აკადემიური მოსწრების შესახებ, პიონერებს უმალავდა.
სერგეი კოროლიოვი, რომლის  ხელმძღვანელობითაც ბალისტიკური და გეოფიზიკური რაკეტები, პირველი თანამგზავრები და კოსმოსური ხომალდები „Восток“ და „Восход“ შეიქმნა, სამოსანი იყო.
მულტიმილიონერი რიჩარდ ბენსონი, Virgin Group Corporation-ის და კერძო კოსმოსური ტურიზმის დამფუძნებელი, სკოლაში ორ სიტყვას ერთმანეთს ვერ აბამდა.
ისააკ ნიუტონი კლასში ყველაზე ცუდად სწავლობდა მანამ, სანამ მისი თანაკლასელი ფიზიკურად არ გაუსწორდა. ამის შემდეგ მან გადაწყვიტა მისთვის სწავლით მოეგო და კლასში ყველაზე კარგი მოსწავლე გახდა.
 ნაპოლეონ ბონაპარტი მათემატიკის გარდა, ყველა საგანს ცუდად სწავლობდა.
ლუდვიგ ვან ბეტჰოვენი წერდა შეცდომებით, ასევე ვერ ითვისებდა გამრავლებას და გაყოფას, ისევე, როგორც ალექსანდრე დიუმა.
 ფარდობითობის თეორიის შემოქმედი ალბერტ აინშტანი, სკოლაში საშუალოდ სწავლობდა. მის მშობლებს არანაირი ამბიცია არ ჰქონდათ მის წარმტებაზე, ისინი იმედოვებდნენ, რომ რაიმე უბრალო სამუშაოზე მაინც მოეწყობოდა.
ალექსანდრე პუშკინი აკადემიურო მოსწრება დაბალი ჰქონდა ლიცეუმში და ტიროდა არითმეტიკის გაკვეთილებზე.
ანტონ ჩეხოვს ორჯერ მოუწია გიმნაზიის ორი კურსის გავლა.
ფოტოებს factor-e ავრცელებს.

Thursday, March 2, 2017

თავისუფალი გაკვეთილები

საქართველოს განათლებისა და მეცნიერების სამინისტრო იწყებს „თავისუფალი გაკვეთილების“ ახალ, მაშტაბურ პროექტს, რომელიც განათლების ხარისხის ამაღლებას, მოსწავლეთა სწავლისადმი მოტივაციის ზრდას, არაფორმალური განათლების შესაძლებლობების გაფართოებას, საინტერესო და სახალისო სასკოლო ცხოვრებას შეუწყობს ხელს.
თავისუფალი გაკვეთილები გულისხმობს - მოსწავლის ინტერესებზე მორგებულ კლასგარეშე/არაფორმალური აქტივობების ციკლს, რომლის შინაარსი და სწავლების მეთოდოლოგია განსხვავდება ტიპიური საგაკვეთილო პროცესისაგან, არ ითვალისწინებს საშინაო დავალებების მომზადებას, მოსწავლის შეფასებას და მოსწავლეებს და მასწავლებლებს შემოქმედებითი აქტივობის და იდეების რეალიზების საშუალებას აძლევს.
აქტივობებისთვის, პროგრამის ფარგლებში, განისაზღვრა შემდეგი მიმართულებები:
●     სპორტული აქტივობები
●     წიგნიერების განვითარება
●     კულტურა/ხელოვნება
●     ინტელექტუალურ-შემეცნებითი აქტივობები
 თავისუფალი გაკვეთილები დაფინანსდება სამინისტროს მიერ გაცემული გრანტის ფარგლებში, რომლის მიმღები იქნება სკოლა. ერთ სკოლაზე გაცემული გრანტის მაქსიმალური ოდენობა  არაუმეტეს 3 000 ლარს შეადგენს, რომელიც განაწილდება მასწავლებლების შრომის ანაზღაურებაზე, დირექცია/ადმინისტრაციის შრომის ანაზღაურებასა და პროექტების განსახორციელებლად საჭირო რესურსებზე.

2017 წელს “თავისუფალ გაკვეთილებში” ჩართულები იქნებიან  VII-VIII კლასის მოსწავლეები. სპორტული მიმართულების ფარგლებში წარმოდგენილ პროექტებში აქტივობები გაწერილი უნდა იყოს არაუმეტეს 40 საათზე, ხოლო დანარჩენ მიმართულებებში-არაუმეტეს 20-20 საათისა.
mes.gov.ge

კითხვარი, რომელიც მასწავლებლებს თვითშეფასებაში დაეხმარება

მასწავლებლის თვითშეფასების კითხვარი.

კითხვარის სანახავად იხილეთ ქვემოთ მოცემული ბმული.

მასწავლებლის თვითშეფასების კითხვარი

Wednesday, March 1, 2017

2017 წლის ერთიანი ეროვნული გამოცდებისათვის გათვალისწინებული უცხოური ენების ტესტების ნიმუშები

2017 წლის ერთიანი ეროვნული გამოცდების უცხოური ენების ტესტებში შეტანილია გარკვეული ცვლილებები: ტესტის მაქსიმალური ქულა 100-ის ნაცვლად 90 იქნება, თუმცა არ შეიცვლება საგამოცდო დრო და მინიმალური გამსვლელი ქულა – 20%-ს + 1 (ანუ შარშანდელი 21-ის ნაცვლად წელს 19 ქულა გახდება).
უფრო დეტალურად კი სიახლეების ჩამონათვალი ასე გამოიყურება:
მოსმენის დავალება 10 მცირე ზომის ტექსტის ნაცვლად, 5 შედარებით დიდი ზომის ტექსტისაგან იქნება შედგენილი; თითოეულ ტექსტს მოჰყვება 2 შეკითხვა და საკითხების რაოდენობა ამ დავალებისათვის კვლავინდებურად 10 დარჩება;
ტესტიდან ამოღებულია მე-2 დავალება (განცხადებები). შესაბამისად, ტესტი 10 დავალების ნაცვლად, 9 დავალებისაგან იქნება შედგენილი;
მე-8 დავალება, რომელიც გულისხმობდა ზმნების (ან რუსული ენის შემთხვევაში მეტყველების სხვა ნაწილების) ჩასმას სწორ გრამატიკულ ფორმებში, გახდება არჩევითბოლოიანი, ანუ 4 მოცემული შესაძლო პასუხიდან აბიტურიენტს ერთი სწორი პასუხის არჩევა მოუწევს; ეს დავალება, ამავე დროს, გახდება 10-საკითხიანი და 2017 წლის ტესტში მისი ნომერი იქნება 7.
აღნიშნულის გათვალისწინებით, შეფასებისა და გამოცდების ეროვნული ცენტრი უცხოური ენების ტესტების ნიმუშებს აქვეყნებს: