ცნობილმა ფრანგულმა სატირულმა ჟურნალმა „შარლი ებდომ“ გაზეთის რედაქციაში დატრიალებული ტრაგედიის მესამე წლისთავისადმი მიძღვნილი ნომერი გამოუშვა.
გაზეთის სატიტულო გვერდზე განთავსებულია კარიკატურა სათაურით – „სამი
წელი კონსერვის ქილაში“. ამასთანავე, „შარლი ებდოს“ მთავარი რედაქტორი,
ცნობილი ფრანგი კარიკატურისტი რისი (ლორან სურისო)
სარედაქციო სტატიაში წერს, რომ 2015 წლის ტერაქტის შემდეგ გაზეთის
რედაქცია ნამდვილ ბუნკერს დაემსგავსა და კოლოსალურ ფინანსურ ხარჯებს წევს,
რათა დაიცვას რედაქციისა და „შარლი ებდოს“ ჟურნალისტების უსაფრთხოება.
როგორც სტატიაშია აღნიშნული, გაზეთის რედაქციას შენობის დაცვა და
ჟურნალისტების ყოველდღიური უსაფრთხო გადაადგილება 1,5 მილიონი ევრო უჯდება,
რაც დაახლოებით 800 000 გაყიდული ნომრიდან შემოსული მოგების ტოლფასია,
რომელიც ძალიან მძიმე დანაკარგად აწვება „შარლი ებდოს“ ფინანსურ
მდგომარეობას. როგორც გაზეთის მთავარი რედაქტორი წერს, სამი წლის
წინანდელმა ტერაქტმა მათი შემოსავალი 60 მილიონი ევროდან 19 მილიონ ევრომდე
ჩამოიყვანა.
„არ შეიძლება, დემოკრატიულ ქვეყანაში რომელიმე გამომცემლობა საკუთარი
შემოსავლების მესამედს საკუთარი რედაქციის შენობის და იქ მომუშავე
ჟურნალისტების უსაფრთხოების უზრუნველყოფაზე ხარჯავდეს“, – აღნიშნავს
სარედაქციო წერილში „შარლი ებდოს“ მთავარი რედაქტორი რისი (ლორან სურისო).
შეგახსენებთ, რომ 2015 წლის 7 იანვარს „შარლი ებდოს“ რედაქციაში ორი
ტერორისტი, ძმები – შარიფ და საიდ კუაშები შეიჭრნენ, რომლებმაც რედაქციის
ცხრა თანამშრომელი და დაცვის ორი თანამშრომელი მოკლეს. ამასთან, „შარლი
ებდოს“ ტრაგედიამ საფრანგეთში დასაბამი მისცა ტერორისტული აქტების სერიას,
რომელსაც 2015-2016 წლებში 241 ადამიანის სიცოცხლე შეეწირა.
1tv.ge
მეცნიერების სამყარო არაპროგნოზირებადი და მუდამ ცვალებადია, თუმცა ჩვენ, ჟურნალისტებს, ვინც ყოველდღიურა ვწერთ მეცნიერების შესახებ, შეგვიძლია ადვილად შევნიშნოთ კვლევებში მიმდინარე გარკვეული ტენდენციები.
შესაბამისად, შევეცდებით გავაკეთოთ 2018 წლის რამდენიმე დიდი სამეცნიერო სიახლის პროგნოზი. იმედი გვაქვს, ყველა მათგანი გამართლდება და რა თქმა უნდა, თუ ეს ასე მოხდა, 1tv.ge აუცილებლად გიამბობთ.
პრონოზთა უმეტესი ნაწილი ეფუძნება კარგად ჩამოყალიბებულ მეცნიერებას, რამდენიმე მათგანი დიდწილად სპეკულაციურია, ზოგიერთი კი აშკარად ვულგარული. დაველოდოთ…
1. წარმოუდგენლად გაიზრდება კეპლერის კოსმოსური ტელესკოპის მიერ აღმოჩენილ ეგზოპლანეტათა რიცხვი, რადგან ამ საქმეში უკვე ჩაერთო Google-ის ხელოვნური ინტელექტი
ამჟამად, კეპლერის მიერ აღმოჩენილია 2 341 ეგზოპლანეტა; ჩენი პროგნოზით, ამ რიცხვმა 2018 წლის ბოლოსთვის 4000-ს უნდა მიაღწიოს. გზა უკვე გახსნილია, რადგან რამდენიმე კვირის წინ, კეპლერის მონაცემების დამუშავებისას, Google-ის ხელოვნურმა ინტელექტმა დედამიწიდან 2545 სინათლის წლის მანძილზე,მზის მსგავს ვარსკვლავთან 8 პლანეტა აღმოაჩინა.
2. ბოლოსდაბოლოს გავიგებთ, საიდან მოდის ჩვენამდე იდუმალებით მოცული სწრაფი რადიოსიგნალები
სწრაფი რადიოსიგნალები(FRB) სულ რაღაცმილიწამებში გამოიმუშავებსიმდენ ენერგიას, რამდენის წარმოებასაც 500 მილიონი მზე დასჭირდებოდა! ისინი შესაძლოა, ყოველ წამში ხდება, მაგრამ ამ დრომდე ძალიან ცოტა რამ ვიცით იმის შესახებ, თუ რა განაპირობებს ან სად წარმოიქმნება სამყაროს ეს უმძლავრესი აფეთქებები.
ამ წყაროდან უკვე დაფიქსირებული გვაქვს 150-ზე მეტი სწრაფი რადიოსიგნალი, მათი დეტალური შესწავლისთვის გვაქვს ახალი ხელსაწყოებიც.
შესაბამისად, გონივრულია ვიფიქროთ, რომ 2018 წელს უკვე გვექნება საკმარისი მონაცემები იმისათვის, რათა მათ გამომწვევ მიზეზს მივაგნოთ. მიუხედავად იმისა, რომ დიდი ალბათობით ისინი არამიწეირ ცივილიზაციებს არ ეკუთვნის, ერთადერთი არ ხართ, ვინც ამას ფიქრობს.
3. 2018 ისტორიაში დაფიქსირებული ყველაზე ცხელი წელი იქნება… კვლავ
ეს შემთხვევა სულაც არ მოითხოვს დიდ წარმოსახვას. 2013-2017 წლების პერიოდი ყველაზე ცხელი ხუთწლიანი მონაკვეთი იყო, რაც კი ოდესმე დაუფიქსირებია კაცობრიობას. ყოველი ახალი წელი მცირედი სხვაობითახალ რეკორდს ამყარებდა; სულ არ იქნება გასაკვირი, თუ 2018 წელიც თავის რეკორდს შემოგვთავაზებს.
4. ჩინეთი და ინდოეთი კოსმოსში კარგად დამკვიდრებას განაგრძობენ, მაგრამ ამას ვერავინ ამჩნევს
დიახ, Blue Origin-სა და SpaceX-შორის გაცხარებული კონკურენციაა მრავალჯერადი გამოყენების რაკეტების ირგვლივ. მაგრამ ამ დროს, დედამიწის მეორე მხარეს, ინდოეთი და ჩინეთი საკუთრ თავებს ახალ კოსმოსურ ძალაუფლებებად ამზადებენ; გასათვალისწინებელია, რომ ამ მხრივ მათ დიდ წარმატებას მიაღწიეს 2017-ში და დიდი გეგმები აქვთ 2018 წლისთვის.
წელს, ინდოეთმა გაუშვა და შემდეგ უკან დაიბრუნა მინი კოსმოსური რაკეტა, რომელმაც სულ რაღაც 18 წუთში ორბიტაზე გაიყვანა რეკორდული ოდენობის, 104 თანამგზავრი. 2018 წელს, ინდოეთს განზრახული აქვს ხომალდის დასმა მთვარეზე. არ დაგავიწყდეთ, რომ მარსის ორბიტაზე უკვე მოძრაობს ინდოეთის ხომალდი, რომელიც გაცილებით ნაკლები დაჯდა (74$ მლნ), ვიდრე ფილმ „გრავიტაციის“ გადაღება.
5. ელონ მასკი რაღაც ისეთს ჩაიდენს, რომ მსოფლიოს აალაპარაკებს
ამ მილიარდერისთვის 2017 დიდებული წელი იყო; სამხრეთ ავსტრალიაში ააგო მზის გიგანტური ბატარეა, გაგვიმხილა გეგმები ახალი საბურღი კომპანიის შესახებ და განაგრძობს კვლევებსმარსზე ადამიანების გაგზავნასთან დაკავშირებით.
თუმცა მასკს დრო იმისათვისაც რჩება, რომ გულშემატკივრებს მუდმივად ამცნოს სიახლეების შესახებ Twitter-ზე, უპასუხოს ბრტყელი დედამიწის საზოგადოების წევრებსაც კი.
სულაც არ იქნება გასაკვირი, თუ 2018 წელს მასკი მართლაც ჩაიდენს რაღაც გასაოცარს.
6. ჯერ კიდევ არ ვიცით, რა ხდება ტაბის ვარსკვლავის თავს
კომეტათა გროვა? დაისონის სფერო? პლანეტის არამდგრადი ორბიტა? ჯერჯერობით ვერავინ ახერხებს გარკვიოს, თუ რა ხდება სინამდვილეში გალაქტიკის ამ ყველაზე უცნაური და იდუმალი ვარსკვლავის თავს.
KIC 8462852, ასევე ცნობილი, როგორც ტაბის ვარსკვლავი, აღმოჩენის დღიდან, 2015 წლიდან, მეცნიერთა განსაკუთრებულ მღელვარებას იწვევს.
წელს მკვლევრებმა გაარკვიეს, რომ ეს ვარსკვლავი, რომელსაც ისეთი უცნაური ჩაბნელებები ახასიათებს, რაც აქამდე სხვა არც ერთ ვარსკვლავში არ უნახავთ — უკვე ძალიან დიდი ხანია, ასე იქცევა, რაც მნიშვნელოვან პრობლემებს უქმნის ამჟად არსებულ ჰიპოთეზებს.
მეცნიერთა გარკვეულ ნაწილს ეჭვი აქვს, რომ ვარსკვლავის უცნაური ჩაბნელებების მიზეზი შეიძლება იყოს მოწინავე არამიწიერი ცივილიზაციის მიერ მის გარშემო აგებული მეგასტრუქტურა.
7. ძალიან ბევრი რამ დაუკავშირდება ნაწლავის ბაქტერიას
E.coli bacteria
2017 წელს კინაღამ ვიფიქრეთ, რომ სხვა არაფერი ვართ, თუ არა ნაწლავის ბაქტერია. ყველაფერი, დაწყებული დეპრესიითა და გულის შეტევებით, დამთავრებული პარკინსონის დაავადებითა თუ ემოციებით, 2017 წელს ნაწლავის ბაქტერიას დაუკავშირეს. სავარაუდოდ, ეს ტენდენცია გაგრძელდება.
როგორც ადრეული კვლევები მიუთითებს, ისეთ პრეპარატებს, როგორებიცაა კეტამინი და ასევე ე. წ. ჯადოსნური სოკოები, გასაოცარი პოტენციალი აქვთ დეპრესიისა და მღელვარების სამკურნალოდ. ერთადერთი პრობლემა ისაა, რომ ისინი დიდწილად აკრძალულია.
9. ძალიან ბევრს გაიგებთ გასაოცარი გრაფენის შესახებ. თუმცა, კომერციულად ხელმისაწვდომი ის ჯერ არაა
გრაფენს ჯერ მხოლოდ კარზე ვუკაკუნებთ. ეს გახლავთ ნახშირბადის ერთფენიანი შრე, რომელიც შედგება ექვსკუთხა ბადის ფორმით ჩამწკრივებული ატომებისაგან. ამ სუპერგამტარს აქვს თითქმის უშრეტი ენერგია. იქნებ ვინმემ შესძლოს და იპოვოს მარტივი გზა, რათა მისი წარმოება გაიაფდეს და მასობრივად ხელმისაწვდომი გახდეს?
10. შავი ხვრელები კვლავ გადაგვიყვანენ ჭკუიდან
ყველამ ვიცით, რომ შავი ხვრელები განსაცვიფრებელია, მაგრამ ჩვენი პროგნოზით, 2018 წელს ისინი გაცილებით სუნთქვისშემკვრელი გახდებიან. დიდი ალბათობით, წლის დასაწყისში ვიხილავთ შავი ხვრელისისტორიაში პირველ ფოტოს. მათგრავიტაციული ტალღებზენადირობას განაგრძობს LIGO-ც, რომელიც მრავალ სიურპრიზს გვპირდება.
11. დიდმა ადრონულმა კოლაიდერმა შეიძლება იპოვოს ნაწილაკები, რომლებიც ფიზიკის განონებს უგულებელყოფენ.
ეს იქნება რაღაც ძალიან რთული, თუმცა გასაოცარი, რევოლუციური…
2017 წლის 1-ელი ნოემბრიდან 1-ელ დეკემბრამდე ე.წ. ჭკვიანმა კამერებმა თბილისში ყველაზე მეტი - 4 958 ჯარიმა რუსთაველის გამზირზე დააფიქსირეს. ამის შესახებAllnews.ge-ს შინაგან საქმეთა სამინისტროდან აცნობეს.
"ჭკვიანი კამერების" მიერ დაფიქსირებული დარღვევებით თბილისის ქუჩებს შორის მეორე ადგილზე შარტავა - ბულაჩაურია, სადაც 2 238 საჯარიმო ქვითარი გამოიწერა, შემდეგ მოდის ბელიაშვილის ქუჩა 1 750 ჯარიმით, მეოთხე ადგილზეა მარშალ გელოვანის გამზირი - 1 579 დარღვევით, ხოლო მეხუთე პოზიციას სააკაძე-კოსტავა - 1518 ჯარიმით იკავებს.
შეგახსენებთ, რომ 2017 წლის 1-ელი ნოემბრიდან საქართველოს მასშტაბით 3 000-მდე ე.წ. ჭკვიანი კამერა დამონტაჟდა. აღნიშნული რეგულაციის თანახმად, სამართალდამრღვევს, ჯარიმის დაფიქსირებისთანავე, დარღვევის შესახებ მოკლე ტექსტური შეტყობინების სახით ან აპლიკაციის საშუალებით მისდის ინფორმაცია.
ასევე, კანონის თანახმად, თუ პირი დაკისრებულ ჯარიმას შესაბამისი სმს-შეტყობინების მიღებიდან 10 კალენდარული დღის განმავლობაში გადაიხდის, მისი ოდენობა 20% შეუმცირდება. ipn.ge
საქართველოს ეკონომიკისა და მდგრადი განვითარების სამინისტროს ინიციატივით, 2018 წლის 3 იანვრიდან ცხელი ხაზი - 1484 ამოქმედდა, რომელიც ავტოსატრანსპორტო საშუალებების პერიოდული ტექნიკური ინსპექტირების ეტაპობრივად ამოქმედების პროცესისა და პირობებით დაინტერესებულ ადამიანებს მოემსახურება.
როგორც ”ინტერპრესნიუსს” ეკონომიკისა და მდგრადი განვითარების სამინისტროდან აცნობეს, ცხელ ხაზზე 14 84 დარეკვა შესაძლებელია საერთო სარგებლობის ფიქსირებული და მობილური ქსელებიდან, მხოლოდ ცხელი ხაზის ნომრის - 14 84 აკრეფით.
როგორც უწყებაში განმარტავენ, კონსულტაციის გაცემის გარდა, ცხელი ხაზის ოპერატორები მოქალაქეებს ავტოსატრანსპორტო საშუალებების ტესტირების ცენტრებში ვიზიტის ონლაინ დაჯავშნაში დაეხმარებიან.
აღსანიშნავია, რომ ცხელ ხაზზე დარეკვა დამატებითი გადასახადის გადახდას არ ითვალისწინებს.
შეგახსენებთ, რომ 2018 წლის 1 იანვრიდან სავალდებულო ტექნიკურ ინსპექტირებას გაივლიან სამგზავრო (8 ადგილის ზემოთ) და სატვირთო (3,5 ტ. ზემოთ) ავტომობილები, შემდეგ ეტაპზე - სახელმწიფო უწყებებისა და იურიდიული პირების კუთვნილი ავტოსატრანსპორტო საშუალებები, ასევე დიდი მოცულობის (3.0 და ზემოთ) ძრავების მქონე ავტომობილები და ა.შ. 2019 წლის ბოლომდე ინსპექტირებას გაივლის საქართველოში რეგისტრირებული მთლიანი ავტოპარკი. გრაფიკი გაწერილი იქნება ავტომანქანების რეგისტრაციის თარიღის (თვისა და რიცხვის) მიხედვით, რაც, პირველ რიგში, შესაბამისი ავტოსატრანსპორტო საშუალების მფლობელებს მისცემს საკმარის ვადას, მოემზადონ პერიოდული ტექნიკური ინსპექტირებისთვის და ასევე თავიდან აგვაცილებს რიგების წარმოქმნის რისკებს. ipn.ge
სინოპტიკოსები დღეს არამდგრად, ხვალიდან კი უმეტესად უნალექო ამინდს პროგნოზირებენ. როგორც “ინტერპრესნიუსს“ საქართველოს გარემოს ეროვნული სააგენტოს ჰიდრომეტეოროლოგიური პროგნოზების ცენტრის ხელმძღვანელმა სვეტლანა ნიორაძემ განუცხადა, დღეს როგორც აღმოსავლეთ, ისე დასავლეთ საქართველოს უმეტეს რაიონში იწვიმებს, მაღალმთაში კი მოთოვს. დასავლეთ საქართველოს დაბლობში ჰაერის ტემპერატურა +6 +11 გრადუსის ფარგლებში იქნება, აღმოსავლეთ საქართველოს ბარში კი - +7 +12 გრადუსის ფარგლებში.
სინოპტიკოსის პროგნოზით, ხვალიდან მთელი საქართველოს მასშტაბით უმეტესად უნალექო ამინდი იქნება. დასავლეთ საქართველოში ჰაერის ტემპერატური მოიმატებს და +12 +17 გრადუსის ფარგლებში იქნება, აღმოსავლეთ საქართველოში კი კვლავ +7 +12 გრადუსის ფარგლებშია მოსალოდნელი. უნალექო ამინდი შენარჩუნდება 4 იანვარსაც. დასავლეთ საქართველოში ტემპერატურა მცირედით ისევ მოიმატებს და +18 გრადუსამდე დათბება. აღმოსავლეთ საქართველოში +7 +13 გრადუსის ფარგლებში იქნება, ხოლო ღამის საათებში შესაძლებელია მცირე ნალექი, მაღალმთაში თოვლის სახით.
სინოპტიკოსები 5 იანვარს დილიდან უნალექო ამინდის პროგნოზირებენ, ხოლო დღის მეორე ნახევრიდან საქართველოს ზოგ რაიონში გაწვიმდება, მაღალმთაში კი, სავარაუდოდ, მოთოვს. ამასთან, 5 იანვარს დასავლეთ საქართველოში ტემპერატურა დაიკლებს.
რაც შეეხება თბილისს, დედაქალაქში უმეტესად უნალექო ამინდია მოსალოდნელი, ღამის საათებში კი იქნება მცირე ნალექი წვიმის სახით. ipn.ge
პიროტექნიკის გამოყენებისას მიღებული დაზიანებების გამო 44 ადამიანი საავადმყოფოში მოხვდა. როგორც „ინტერპრესნიუსს“ სასწრაფო-სამედიცინო დახმარების სამსახურში განუცხადეს, 44 ჰოსპიტალიზებულიდან 21 ბავშვია. 👉 კვალიფიციური მომზადება - ყველა საგანი ერთ სივრცეში „გუშინ დილის მონაცემებით, 40 ჰოსპიტალიზებული იყო, რომელთაგან 18 ბავშვია. წუხელ დაემატა 4 ადამიანი, აქედან - 3 ბავშვი“, - აღნიშნეს სასწრაფო-სამედიცინო დახმარების სამსახურში.
მათივე ინფორმაციით, ჰოსპიტალიზებულებს ტრავმები და დამწვრობები ძირითადად ხელებისა და სახის არეში აქვთ მიღებული. ეს მონაცემები მხოლოდ თბილისის ფარგლებშია დაფიქსირებული. ipn.ge
2006 წლის 1-ელ აპრილამდე გაცემულ მართვის მოწმობებს 2018 წლის პირველი იანვრიდან იურიდიული ძალა კვლავ უნარჩუნდებათ, - ამის შესახებ „ინტერპრესნიუსს“ შინაგან საქმეთა სამინისტროდან აცნობეს. 👉 კვალიფიციური მომზადება - ყველა საგანი ერთ სივრცეში მათივე ინფორმაციით, შინაგან საქმეთა მინისტრის ინიციატივით, მოქალაქეებს მომსახურების სააგენტოს სტრუქტურულ ერთეულებში აღნიშნული მართვის მოწმობების შეცვლა 2018 წლის 1-ელ აპრილამდე შეეძლებათ.
„საქართველოს პარლამენტის გადაწყვეტილებით, აღნიშნული ცვლილება „საგზაო მოძრაობის შესახებ კანონში“ დღეიდან ამოქმედდა.
იმ შემთხვევაში, თუ მოქალაქემ 2018 წლის 1-ელ აპრილამდე არ შეცვალა მართვის მოწმობა, დოკუმენტი ავტომატურად ჩაითვლება ძალადაკარგულად და მოქალაქე ავტომობილის მართვას შეძლებს მხოლოდ მას შემდეგ, რაც მართვის მოწმობას შეცვლის. მართვის მოწმობის შეცვლის მსურველები არც 2018 წლის 1 აპრილის შემდეგ ჩააბარებენ თეორიულ და პრაქტიკულ გამოცდას.
დამატებით განვმარტავთ, რომ აღნიშნული ცვლილება არ ეხება თანამედროვე პლასტიკური ბარათების მართვის მოწმობებს“, - აღნიშნულია შსს-ს მიერ გავრცელებულ ინფორმაციაში. ipn.ge
