სკოლის მოსწავლემ თანაკლასელი კალმით მოკლა

ასტანაში სკოლის მოსწავლემ თანაკლასელი კალმით მოკლა.

როგორც ასტანის ადგილობრივი მედიის მიერ გავრცელებულ ინფორმაციაშია აღნიშნული, N76-ე საშუალო სკოლაში მე-8 კლასის მოსწავლეებს შორის შეკამათება მოხდა, რა დროსაც ერთ-ერთმა მოზარდმა მეორეს გულ-მკერდის არეში კალამი დაარტყა.

მიყენებული გამჭოლი ჭრილობების შედეგად მოზარდი ადგილზე გარდაიცვალა.

rgumenti.ge

დირექტორთა შესარჩევ კონკურსში მონაწილეთა (დირექტორობის უფლების მქონე პირთა) საყურადღებოდ

წარმოგიდგენთ დირექტორთა შესარჩევი კონკურსის მეორე ეტაპის (საჯარო სკოლის სამეურვეო საბჭოსათვის დირექტორობის კანდიდატების ასარჩევად წარდგენა) გასაუბრების გრაფიკს, რომელიც გაიმართება 2014  წლის 22 სექტემბერს.  გთხოვთ იხილოთ მიბმული ფაილი.

ქალაქ სენაკისა და სენაკის მუნიციპალიტეტის, ქალაქ აბაშისა და აბაშის მუნიციპალიტეტის საჯარო სკოლებში დირექტორობის მსურველთა გასაუბრება ჩატარდება შემდეგ მისამართზე: ქ.სენაკი, დადიანის N7 (ქალაქ სენაკის საგანმანათლებლო რესურსცენტრის შენობა);

ქალაქ მცხეთისა და მცხეთის მუნიციპალიტეტის საჯარო სკოლებში დირექტორობის მსურველთა გასაუბრება ჩატარდება შემდეგ მისამართზე: ქ. თბილისი, უზნაძის N52 (საქართველოს განათლებისა და მეცნიერების სამინისტროს შენობა).

დარჩენილი კონკურსანტების გასაუბრების განრიგი გამოქვეყნდება ეტაპობრივად.

mes.gov.ge

სტუ-ში გაიხსნა კონფერენცია “წიაღისეულის ათვისების, რესურაღდგენითი, მცირედნარჩენიანი და გარემოსდაცვითი ტექნოლოგიები“

                                                                 საქართველოს ტექნიკურ უნივერსიტეტში გაიხსნა გეოლოგიისა და სამთო საქმის მე-13 საერთაშორისო კონფერენცია “წიაღისეულის ათვისების, რესურაღდგენითი,  მცირედნარჩენიანი და გარემოსდაცვითი ტექნოლოგიები“. როგორც ღონისძიების ორგანიზატორები აცხადებენ, მსგავსი მასშტაბის ღონისძიება პირველად ტარდება საქართველოში. გასულ წლებში კონფერენციას მასპინძლობდნენ ალჟირი, არაბეთის გაერთიანებული სამეფოები, ყაზახეთი, სომხეთი, რუსეთი და სხვა.

“დღეს, როდესაც საქართველოს ექსპორტის მნიშვნელოვანი წილი სწორედ სასარგებლო წიაღისეულზე მოდის, სამთო საქმისა და გეოლოგიის სისტემატური სრულყოფა, წიაღისეულით სარგებლობის სახელმწიფო პოლიტიკის შემუშავება, საერთაშორისო კონტაქტების გარეშე შეუძლებელია. კონფერენცია სწორედ თანამედროვე მეთოდებისა და ინოვაციების გაცნობა-დანერგვას, ქართველ მეცნიერთა უნივერსიტეტებთან, კვლევით დაწესებულებებთან და უცხოელ კოლეგებთან საერთაშორისო კონტაქტების აღდგენა-დამყარებას ემსახურება”, – აცხადებენ ისინი.

კონფერენციაში მონაწილეობენ გეოლოგიისა და სამთო დარგში მოღვაწე ქართველი მეცნიერები და მკვლევრები, დარგის სპეციალისტები ინგლისიდან, გერმანიიდან, იტალიიდან, ირანიდან, ასევე პოსტსაბჭოთა ქვეყნების წარმომადგენლები.

საქართველოს ტექნიკური უნივერსიტეტისა და რუსეთის ხალხთა მეგობრობის უნივერსიტეტის თაოსნობით ორგნიზებული საერთაშორისო კონფერენცია, დარგში, საბჭოთა კავშირის დაშლის შემდეგ პირველია. კონფერენციაზე წარმოდგენილია მრავალფეროვანი და საინტერესო საკითხები, მათ შორის საქართველოში არსებული მინერალური რესურსების მონაცემთა თანამდროვე ბაზრის განსაზღვრის, განმტკიცების, მათი მარკეტინგის, კაპიტალიზაციის სტრატეგიისა და საინვესტიციო პოლიტიკის შემუშავების საქმეში.

უცხოელების გამოცდილების და მიღწევების გაზიარება ხელს შეუწყობს გეოლოგიურად საშიში გეოდინამიკური მოვლენების თანამედროვე მონიტორინგის და ამ მოვლენებთან ბრძოლის სტრატეგიის შემუშავებას, გეოლოგიურ-საძიებო სამუშაოების, სასარგებლო წიაღისეულის გადამუშავების, საძიებო გამონამუშევრების გაყვანის თანამედროვე ტექნოლოგიების გაცნობას და დანერგვას. საქართველოში მოქმედი მინერალური რესურსების მომპოვებელი, შემსწავლელი, გადამამუშავებელი დარგების ეფექტური განვითარება ასეთი კონტაქტების, თანამდროვე მიღწევების და გამოცდილების გაზიარების გარეშე შეუძლებელია. კონფერენციის შედეგები შეიძლება ისტორულიც კი გახდეს ქართველი და უცხოელი კოლეგების სისტემატური კონტაქტების აღდგენის თვალსაზრისითაც, სწორედ ასეთი კონტაქტები იყო სამთო საქმისა და გეოლოგიის დარგების სიძლიერის და წარმატების საწინდარი საქართველოში.

კონფერენცია 19 სექტემბრის ჩათვლით გასტანს. საკონფერენციო პროგრამა მრავალფეროვანი და საინტერესოა. მონაწილეებს, გარდა დატვითული სამუშაო დღეებისა, ელით ექსკურსიები, როგორც თბილისში, ასევე ბოდბეში, სიღნაღში, გურჯაანში და მცხეთაში.

სპორტული ჟურნალისტიკის კურსს გაუძღვება დიმიტრი ობოლაძე

განათლების სახლი აცხადებს მიღებას 2014–2015 სასწავლო წლისათვის ერთიანი

ეროვნული გამოცდების გარეშე პროექტის „განათლება დასაქმებისთვის“ ფარგლებში  ჟურნალისტიკის (მულტი მედია) სპეციალობაზე  

მიღება: 15 სექტემბერი–30 სექტემბერი
გასაუბრება: 1 ოქტომბერი
სწავლის პერიოდი: 2014 წლის 5 ოქტომბერი – 2015 წლის 30 მაისი

პირობები:  ჟურნალისტიკა საინტერესო პროფესია, მას შიძლება დაეუფლოთ თქვენი ცხოვრების ნებისმიერ ეტაპზე
ჩვენთან სწავლება და პრაქტიკა ერთად მიმდინარეობს შემდეგი მიმართულებებით: რადიო, ტელევიზია, გაზეთი, ინტერნეტჟურნალისტიკა - სწორედ ამას გულისხმობს მულტი მედია!

 *მცირერიცხოვანი ჯგუფები
*პროფესიონალი პედაგოგები (სპორტული ჟურნალისტიკის კურსს გაუძღვება დიმიტრი ობოლაძე)
*აკადემიური თავისუფლება პიროვნულ განვითარებაზეა ორიენტირებული
*სტაჟირებას ჩვენს ინტერნეტსივრცეში გაივლით (ვებგვერდი, ბლოგი, ფეისბუქი)
* გახდით პოპულარული ჟურნალისტი უკვე სწავლის პერიოდში
*წარმატებული კურსდამთავრებულებისგან შექმნილი გუნდი, ჩვენი მხარდაჭერით, გახსნის საინფორმაციო სააგენტოს
*ფასი: თვეში 145 ლარი
*ჩვენი სტუდენტი შეიძლება გახდეს 14 წლის ასაკიდან სრული და არასრული საშუალო განათლების მქონე პირი.
დახარჯეთ დრო და ფული ეფექტიანად და დასაქმდით სწრაფად!
განათლება დასაქმებისთვის – თქვენი წარმატება განათლების სახლის მიზანია!
გაიცემა ორენოვანი სერტიფიკატი!
ყველა ჩვენი კურსდამთავრებული წარმატებულია!
დაგვიკავშირდით და გახდი წარმატებული:
ტელ.:599 201096, 570 502915, 214 8024;
ელ-ფოსტა: hedu.ge@gmail.com
მის.: ვაჟა-ფშაველას გამზ. # 43 (პროფკავშირების კულტურის ცენტრი მეტრო „დელისთან“), ოთახი #215.
დაგვიმეგობრდით: www.FACEBOOK.com/www.Hedu.Ge
ვებგვერდი:www.Hedu.Ge
ბლოგი: www.iHEDUge.blogspot.com

პრემიერ-მინისტრი საქართველოს ტექნიკურ უნივერსიტეტში

საქართველოს პრემიერ–მინისტრი საქართველოს განათლებისა და მეცნიერების მინისტრთან ერთად ტექნიკურ უნივერსიტეტს ესტუმრა, სადაც ინოვაციური ტექნოლოგიების გამოფენა დაათვალიერა და შეხვედრა გამართა სტუდენტებთან და პროფესორ–მასწავლებლებთან. მან განათლების სისტემაში მიმდინარე სიახლეები ახალგაზრდებს პირადად გააცნო და მათი მოსაზრებები მოისმინა.

mes.gov.ge

თბილისის ყველაზე ძვირადღირებული სკოლების ათეული

საქართველოში კარგი სკოლის არჩევა საკმაოდ რთულია. არჩევანის გაკეთება მშობელს საჯაროსა და კერძო სკოლას შორის უწევს, თუმცა თუ არჩევანს კერძო სკოლის სასარგებლოდ გააკეთებთ, მომდევნო ნაბიჯი უკვე თქვენს ფინანსურ შესაძლებლობაზე იქნება დამოკიდებული.

სკოლის არჩევა კი დღეს საკმოდ რთულია, როგორც "კომერსანტმა" გაარკვია, არ არსებობს ერთიანი ბაზა, რომელიც მშობელს გადაწყვეტილების მიღებაში მიეხმარება.

თბილისში 200 სკოლაზე მეტი კერძო სასწავლებელია, სადაც სწავლის ღირებულება 17 ათას ლარამდე ადის.

წარმოგიდგენთ "კომერსანტის" მიერ მოძიებულ თბილისის ძვირადღირებული სკოლების ათეულს.

http://commersant.ge

პატრიარქი ხვალ სიონში მოსწავლეებსა და სტუდენტებს დალოცავს

ახალი სასწავლო წლის დაწყებასთან დაკავშირებით სრულიად საქართველოს კათოლიკოს-პატრიარქი ილია მეორე ხვალ, 09:00 საათზე სიონის ტაძარში პარაკლისს აღავლენს. 
როგორც "ინტერპრესნიუსს" საპატრიარქოში განუცხადეს, უწმინდესი დალოცავს სკოლის მოსწავლეებს, სასულიერო სემინარიისა და უნივერსიტეტების სტუდენტებს. პარაკლისს სტუდენტები და მოსწავლეებიც დაესწრებიან. 
საქართველოს საჯარო სკოლებსა და უმაღლეს სასწავლებლებში ხვალ ახალი სასწავლო წელი იწყება. 
ipn.ge