გურამ თავართქილაძის სახელობის თბილისის სასწავლო უნივერსიტეტში 2017 წლის კურსდამთავრებულთათვის დიპლომების გადაცემის საზეიმო ცერემონიალი გაიმართა

გუშინ გურამ თავართქილაძის სახელობის თბილისის სასწავლო უნივერსიტეტში 2017 წლის კურსდამთავრებულთათვის   დიპლომების გადაცემის საზეიმო ცერემონიალი   გაიმართა.

👉  კვალიფიციური მომზადება - ყველა საგანი ერთ სივრცეში 

კურსდამთავრებულებს მისასალმებელი სიტყვით მიმართა უნივერსიტეტის რექტორმა, პროფესორმა გიორგი მათიაშვილმა. მიულოცა მათ ეს ღირსშესანიშნავი დღე და წარმატებები უსურვა შემდგომ საქმიანობაში.

ამის შემდეგ დაიწყო კურსდამთავრებულთათვის დიპლომების გადაცემის  ცერემონიალი.

კურსდამთავრებულთათვის ოფიციალური ცერემონიალი   ქუდების ჰაერში აყრითა და საზეიმო მიღებით დასრულდა.

ღონისძიებას  მოწვეული სტუმრებიც   ესწრებოდნენ. 

საქართველოში ისრაელის ტექნოლოგიური ჰაბი იქმნება

საქართველოში ისრაელის ტექნოლოგიური ჰაბი იქმნება, რაც მიზნად ისახავს საქართველოში ​ასობით და ათასობით ბენეფიციარის დაფინანსებას, გადამზადებას და შემდეგ სამუშაო ადგილების შექმნას, – ამის შესახებ უმრავლესობის წევრმა ირაკლი მეზურნიშვილმა პარლამენტის პლენარულ სხდომაზე განხაცადა.

👉  კვალიფიციური მომზადება - ყველა საგანი ერთ სივრცეში 

​როგორც მეზურნიშვილმა აღნიშნა, თბილისში “აბრეშუმის ფორუმის” ფარგლებში განიხილება ისეთი თემები, როგორიც არის ინოვაციური ტექნოლოგიები.

“ინოვაციური ტექნოლოგიების კუთხით ჩვენ გვაქვს სიახლე, რამდენიმე დღეში ახალი პროექტის პრეზენტაცია  გაიმართება. საქართველოში იქმნება ისრაელის ტექნოლოგიური ჰაბი, რაც მიზნად ისახავს ასობით და ათასობით ბენეფიციარის დაფინანსებას, საქართველოში გადამზადებას და შემდეგ სამუშაო ადგილების შექმნას. ამ პროექტის ინიციატორი გახლავართ მე ასევე ჩემი კოლეგა ილია წულაია, საქართველოს საპატიო კონსული ისრაელში მენი ბენიში და ბიზნესისა და ტექნოლოგიების უნივერსიტეტი. ეს ყველაზე მასშტაბური პროექტია გადამზადების კუთხით. მთავარი გამოწვევა რაც ჩვენს ქვეყანაშია, არის სამუშაო ადგილების შექმნა, განსაკუთებით სამუშაო ადგილების შექმნა ახალგაზრდებს შორის. დარწმუნებული ვარ, რომ ამ პროექტის მეშვეობით და ისრაელის ტექნოლოგიური ჰაბის მეშვეობით, ჩვენ ძალიან სწრაფად დავდებთ შედეგს და ძალიან ბევრ მაღალანაზღაურებად სამუშაოს შევქმნით”, – განაცხადა ირაკლი მეზურნიშვილმა.

1tv.ge

ეროვნული ბანკი მოსახლეობას აფრთხილებს

საქართველოს ეროვნული ბანკი მოუწოდებს მოსახლეობას, განსაკუთრებული სიფრთხილითა და ყურადღებით მიუდგნენ ისეთ კომპანიებთან ურთიერთობას, რომლებიც მათ სთავაზობენ საკუთარი სახსრების დაბანდებას მაღალი რისკის შემცველ ფინანსურ ინსტრუმენტებში. ამის შესახებ სებ-ის მიერ გავრცელებულ განცხადებაშია ნათქვამი.

👉  კვალიფიციური მომზადება - ყველა საგანი ერთ სივრცეში 

ეროვნული ბანკის განცხადებით, აღნიშნული ეხება იმ კომპანიებსაც, რომლებიც მოსახლეობას სთავაზობენ ელექტრონულ სავალუტო ბაზრებზე (FOREX) საკუთარი სახსრების დაბანდებასა და უცხოური ვალუტით ვაჭრობას.

„ასეთი კომპანიები შეიძლება, მოქალაქეთა შეცდომაში შეყვანის მიზნით, ორგანიზაციის დასახელებაში იყენებდნენ ტერმინებს “საფინანსო”, “საბროკერო”, “საინვესტიციო” ა.შ., რაც ავტომატურად არ გულისხმობს, რომ ეს კომპანია არის საფინანსო სექტორის ლიცენზირებული წარმომადგენელი და ეროვნული ბანკის მიერ რეგულირებული. საქართველოს კანონმდებლობით, ე.წ. FOREX პლატფორმაზე მოვაჭრე შუამავლები, ამ ეტაპზე არ რეგულირდებიან ეროვნული ბანკის მიერ.

ნებისმიერი პირის უფლებაა, მიიღოს გადაწყვეტილება საკუთარი სახსრების განკარგვის შესახებ. თუმცა სამომავლოდ, დაბანდებული თანხების დაკარგვის რისკის თავიდან აცილების მიზნით, კიდევ ერთხელ მოვუწოდებთ მოსახლეობას, რომ თანხების ინვესტირებისას მიიღონ მხოლოდ გონივრული და ინფორმირებული გადაწყვეტილება“, – ნათქვამია ეროვნული ბანკის განცხადებაში.

1tv.ge

რას მოუტანს ყვითელი ძაღლის წელი ზოდიაქოს ნიშნებს პირად ცხოვრებაში - 2018 წლის სასიყვარულო ჰოროსკოპი

👉  კვალიფიციური მომზადება - ყველა საგანი ერთ სივრცეში 
 
"მართალია ყვითელი ძაღლის წელი 2018 წლის თებერვლიდან შევა ძალაში, მაგრამ მისი ტენდენიცების გათვალისწინება უკვე ამ წლის მიწურულიდანვე იქნება სასურველი. განსაკუთრებით მაშინ, თუ საქმე პირად და სასიყვარულო კავშირებს ეხება," - გვეუბნება ასტროლოგი სოფია ბზეკალავა და განმარტავს, რომ ძაღლის წელი ბევრი ადამიანის ცხოვრებაში, უმეტესად, პირად ურთიერთობებში მნიშვნელოვანი გადაწყვეტილების მიღების რეალურ შანსს იძლევა. მთავარი პირობა კი ამ მხრივ ის არის, რომ მაქსიმალურად გულწრფელი და ერთგული უნდა ვიყოთ საკუთარ გრძნობებსა და დამოკიდებულებაში საყვარელი ადამიანების მიმართ. "ძაღლი ბუნებით მართალი, პირდაპირი და ერთგულია. მთელი ძალით იცავს საკუთარ ოჯახს, ახლობლებს და ძვირფას ადამიანებს. შესაბამისად, ამ წელს თქვენც არანაკლები შემართებით უნდა შეგეძლოთ საკუთარ გრძნობებზე პასუხისმგებლობის აღება და ნაკისრი ვალდებულებების შესრულება," - ამბობს სოფია.

როგორც ჩვენი რესპონდენტი გვეუბნება, ვერძისთვის 2018 წელი სასიყვარულო სირთულეების წელია. შესაძლებელია პარტნიორი ზედმეტად ინფანტილური ან ცივი მოეჩვენოს. თუმცა აჯობებს კარგად გაარკვიოს მისი ასეთი ქცევის მოტივები. 

კუროსთვის 2018 წელი ერთ-ერთი საუკეთესო და წარმატებული წელია პარტნიორული კუთხით. ეყოლებათ ბევრი თაყვანისმცემელი და დიდი შანსი მიეცემათ დაიწყონ თავბრუდამხვევი რომანი. 

ტყუპებს 2018 წელი სიყვარულში მსუბუქ ფლირტს და სასიამოვნო ნაცნობობას ჰპირდება. გამორიცხული არ არის, მოულოდნელად აღმოაჩინოს, რომ ადამიანი, რომელსაც აქამდე ემეგობრებოდა, მის მიმართ სულ სხვანაირად იყოს განწყობილი. 

კირჩხიბებს 2018 წელს სასიყვარულო ფრონტზე დიდი ცვლილებები და ემოციები ელის. შესაძლოა ძვირფასი ადამიანის გამო, საცხოვრებელი ადგილის შეცვლაც კი დასჭირდეს.

ლომებს ვარსკვლავები ურჩევენ, დიდი სირფთხილით მოეკიდონ სასიყვარულო ავანტურებს. არსებობს შანსი, რომ ახალი ნაცნობი სულაც მანიპულატორი აღმოჩნდეს, რომელიც ოსტატურად გამოიყენებს მის გულწრფელ გრძნობებს. 

ქალწულების დიდ ნაწილს მსუბუქი, სამსახურებრივი რომანების წელი ექნება. შესაძლოა ამის მიზეზი ისიც იყოს, რომ ბევრი მათგანი ჯერ კიდევ არ არის მზად სერიოზული კავშირებისთვის. 

სასწორების დიდ ნაწილს სიყვარულის ძიების სურვილი შემოუტევს. თუმცა ასტროლოგები ურჩევენ, არჩევანი გულის კი არა გონების კარნახით გააკეთონ. ნუ ეძებენ პრინცს ან პრინცესას. მათ გარშემო არაერთი, რეალური თაყვანისმცემელი იქნება, რომელიც ურთიერთობის დაწყებას დიდი სიამოვნებით მოინდომებს. 

მორიელების უმეტესობას მომავალი წელი სასიყვარულო კავშირების მხრივ მხურვალე რომანებს ჰპირდება, თუმცა პრობლემა ამ ყველაფერში მისი ზედმეტად ემოციური და ეჭვიანი ბუნება იქნება. შესაბამისად, დასახელებული თვისებების გამო, დიდი ალბათობა არსებობს, რომ თავად გააფუჭონ ურთიერთობა საყვარელ ადამიანთან. 

მშვილდოსნის ზოდიაქოს ნიშნით დაბადებულებს 2018 წელს ახალი რომანი და ნაცნობობა ელის, მაგრამ ვარსკვლავები აფრთხილებენ - ენას კბილი დროულად დააჭირონ და ახალი პარტნიორი, ძველ სასიყვარულო თავგადასავლებზე საუბრებით არ დააფრთხონ. 

თხის რქების დიდ ნაწილს გარკვეული სირთულეები ელით პირად ცხოვრებაში. ეს ის წელია, როცა უკვე არსებულ ურთიერთობებში საბოლოო გადაწყვეტილება უნდა მიიღონ. თუმცა ეს ქორწინება იქნება თუ განშორება, მთლიანად მათზე იქნება დამოკიდებული. 

მერწყულებს 2018 წელს სასიყვარულო ფრონტზე თავბრუდამხვევი რომანი და ამაღელვებელი ემოციები ელის. შესაძლებელია ამ წელს სულიერ მეორე ნახევარსაც კი შეხვდეს და რეკორდულ დროში იქორწინოს მასზე. 

თევზების ზოდიაქოს წარმომადგენელთა დიდი ნაწილისთვის 2018 წელი გადაწყვეტილების მიღების წელი იქნება. წლის პირველ ნახევარში შესაძლოა მოეჩვენოთ, რომ იდეალურ პარტნიორს შეხვდნენ, თუმცა ასტროლოგები ურჩევენ კარგად აწონ-დაწონონ საკუთარი გადაწყვეტილება და პარტნიორის თვისებები რეალურად შეაფასონ. შესაძლოა ის სულაც არ აღმოჩნდეს ისეთი იდეალური, როგორიც ერთი შეხედვით ჩანდა.

ambebi.ge

👉  კვალიფიციური მომზადება - ყველა საგანი ერთ სივრცეში 
 

შობადობიდან კიბომდე - რა ზიანს აყენებს ორგანიზმს პესტიციდებით დაბინძურებული ხილი და ბოსტნეული

👉  კვალიფიციური მომზადება - ყველა საგანი ერთ სივრცეში 
 
იმ ხილის და ბოსტნეულის მიღება, რომელშიც მაღალია პესტიციდების შემცველობა, ქალებში შესაძლოა, დაბალ შობადობას უკავშირდებოდეს, ნათქვამია სამეცნიერო ჟურნალ "ჯამაში" 30 ოქტომბერს გამოქვეყნებულ კვლევაში, რომელშიც 325 ქალი მონაწილეობდა. ცხოველებზე ჩატარებულმა ექსპერიმენტებმაც აჩვენა, რომ პესტიციდებით დაბინძურებულ გარემოსთან ადეკვატური კონცენტრაციით გაკეთებული პესტიციდების ინექციის შემთხვევაში, ცოცხალი ნაყოფით მშობიარობის შანსები მცირდებოდა. ორგანიზმზე პესტიციდების ზემოქმედებასთან დაკავშირებით ვრცელ სტატია "ამერიკის ხმა" აქვეყნებს.

ჰარვარდის უნივერსიტეტის საზოგადოებრივი ჯანდაცვის სკოლის მეცნიერებმა ის ფაქტორები შეისწავლეს, რომელიც რეპროდუქციულ ჯანმრთელობაზე მოქმედებს. მათვე აღმოაჩინეს, რომ სუპერმარკეტში გაყიდულ ზოგიერთ პროდუქტში პესტიციდების რაოდენობა განსაკუთრებით მაღალია, 

-0:04

მაგალითად მარწყვში, ისპანახში და წიწაკაში. შედარებით დაბალი ბრიტანულ სუპერმარკეტში გაყიდულ პროდუქტებში ქიმიკატების რაოდენობა ბოლო 40 წელიწადში 17-ჯერ გაიზარდა. ეს მონაცემები 20 ნოემბერს გახდა ცნობილი, მედიცინის სამეფო საზოგადოების კონფერენციაზე, სადაც მოხსენებით გამოვიდა ორგანიზაცია "ნიადაგის ასოციაცია". ეს ის ორგანიზაციაა, რომელიც გაერთიანებულ სამეფოში ორგანულად მოყვანილ პროდუქტებზე სერტიფიკატს გასცემს. პესტიციდებით განსაკუთრებით დაბინძურებულ სხვა პროდუქტებთან ერთად, დასახელებული იყო ხორბალი, ხახვი, ჭარხალი და კარტოფილი, რომელშიც 1960 წლიდან მოყოლებული, პესტიციდების რაოდენობა პროგრესულად იზრდება. ინფორმაციას კონფერენციის შესახებ ბრიტანული გაზეთი "დეილი ტელეგრაფი" აქვეყნებსმეცნიერები გვაფრთხილებენ, რომ ტოქსიკური პესტიციდების რეგულარულად მიღება ჯანმრთელობისთვის საზიანოა. ცალკეული ქიმიკატი შესაძლოა მცირე დოზით ტოქსიკური არ იყოს, მაგრამ სხვა ნივთიერებებთან კომბინაციაში, ე.წ. "ტოქსიკური კოქტეილები" წარმოიქმნება, რომელიც უკავშირდება ისეთ დაავადებებს, როგორიცაა კიბო, ინსულტი და ინფარქტი.

ადრეულმა კვლევებმა აჩვენა, რომ პესტიციდების შემცველი საკვების მიღება ასევე შეიძლება უკავშირდებოდეს აუტიზმს. 2017 წლის დასაწყისში, გაეროს ადამიანის უფლებების საბჭოსთვის წარდგენილ ანგარიშში ნათქვამია, რომ პესტიციდებს გარემოზე და ადამიანის ჯანმრთელობაზე კატასტროფული შედეგი აქვს. "პესტიციდებთან ქრონიკული შეხება უკავშირდება კიბოს, ალცჰაიმერს, პარკინსონს, ჰორმონალურ დარღვევებს, გონებრივი განვითარების პრობლემებს და სტერილობას" - ნათქვამია ანგარიშში.

შეერთებული შტატების ჯანდაცვის ეროვნული ინსტიტუტი პესტიციდებით ორგანიზმისთვის მიყენებული მრავალი ტიპის ზიანს შორის ასახელებს დაავადებათა ფართო სპექტრს, მათ შორის: კანცეროგენულს, ნევროლოგიურს, რეპროდუქტიულს, დერმატოლოგიურს, გასტროენტეროლოგიურს. მაღალი დოზით მიღება შესაძლოა ჰოსპიტალიზაციით და დაღუპვითაც დასრულდეს. ჯანდაცვის მსოფლიო ორგანიზაციის კლასიფიკაციით, პესტიციდები კანცეროგენულია (შესაძლოა გამოიწვიოს კიბო), ნეიროტოქსიკურია (შეუძლია თავის ტვინის დაზიანება) და ტერატოგენური (ორსულის ნაყოფის დაზიანება შეუძლია).

მკვლევარები ფიქრობენ, რომ პესტიციდები განსაკუთრებით ჭარბი რაოდენობით გროვდება მცენარეების კანში. ის მცენარეები, რომელსაც სქელი კანი აქვს (მაგალითად, ავოკადო, ნესვი, გოგრა), შესაძლოა მეტად დაცული იყოს. მეცნიერები გვირჩევენ, შეძლებისდაგვარად ორგანულად მოყვანილი პროდუქტი შევიძინოთ და ასევე გვაფრთხილებენ, რომ წყლით კარგად გარეცხვა პესტიციდების პრობლემას არ ხსნის. მასაჩუსეტსის უნივერსიტეტში ჩატარებულმა ექსპერიმენტმა, რომელიც ოქტომბრის ბოლოს გამოქვეყნდა, აჩვენა, რომ მხოლოდ სოდიან წყალში 15 წუთით დალბობის და გარეცხვის შემთხვევაში, შესაძლებელია, რომ ვაშლის კანში ზოგიერთი პესტიციდის რაოდენობამ დაიკლოს.

ambebi.ge

👉  კვალიფიციური მომზადება - ყველა საგანი ერთ სივრცეში 
 

იემენში ფინანსთა სამინისტროს შენობასთან ტერაქტი მოხდა

👉  კვალიფიციური მომზადება - ყველა საგანი ერთ სივრცეში 
 

იემენში ფინანსთა სამინისტროს შენობასთან ბომბი აფეთქდა. დაიღუპა ორი ადამიანი, ხოლო სამი კრიტიკულ მდგომარეობაში საავადმყოფოში გადაიყვანეს. ინფორმაციას Reuters-ი ავრცელებს. განსხვავებულ მონაცემებს ავრცელებს Al Arabiya, რომლის მონაცემებითაც დაღუპულია 4 ადგილობრივი. აფეთქება მანქანაში დამონტაჟებულმა ბომბმა გამოიწვია.

5 ნოემბერს იემენის სამხრეთში ქალაქ ადენაში ორი ტერაქტი მოხდა. მედიის ცნობით, თვითმკვლელმა ტერორისტმა პოლიციის სამძებრო განყოფილების ადმინისტრაციულ განყოფილებაში შეაღწია და თავი აიფეთქა. შენობაში ძლიერი ხანძარი გაჩნდა. ცოტა ხნით ადრე კი ქალაქის უსაფრთხოების სამსახურშიც მოხდა ტერაქტი. იქაც თავი ტერორისტმა აიფეთქა, რა დროსაც ხუთი ადამიანი დაიღუპა და რამდენიმე დაშავდა.

იემენში სამხედრო-პოლიტიკური კონფლიქტი 2014 წლიდან გრძელდება. საერთაშორისო ორგანიზაციების მცდელობა კონფლიქტი დაარეგულირონ, ამ დრომდე უშედეგოა.

imedinews.ge

👉  კვალიფიციური მომზადება - ყველა საგანი ერთ სივრცეში 
 

თბილისის მერია 19 კომისიას აუქმებს

👉  კვალიფიციური მომზადება - ყველა საგანი ერთ სივრცეში 
 

ბიუროკრატიის შემცირების მიზნით, თბილისის მერია მთავრობის მიერ შექმნილ 19 კომისიას აუქმებს. ამის შესახებ კახა კალაძემ მთავრობის სხდომაზე განაცხადა.
"ამ მიზნით ცვლილებები შევა შესაბამს სამართლებრივ აქტებში, ხოლო გადაწყვეტილებებს კონკრეტულ საკითხებზე მერიის შესაბამისი სამსახურები და დაქვემდებარებული უწყებები გაცილებით ნაკლებ დროში და უფრო ეფექტურად მიიღებენ", - განაცხადა კახა კალაძემ.

მისივე თქმით, ე.წ. ზონალური საბჭოც უქმდება. "ამ ინიციატივით მივმართავ შესაბამის ორგანოებს. საბჭოს რეკომენდაციის საფუძველზე წლების განმავლობაში მიიღებოდა გადაწყვეტილებები კონკრეტული განაშენიანების გეგმების დამტკიცებისა და კოეფიციენტების მატებასთან დაკავშირებით. ჩვენ დაწყებული გვაქვს სტრუქტურული რეფორმა, რომელიც რასაკვირველია შეეხება ურბანული პოლიტიკის მიმართულებასაც, ზონალური საბჭოს ფუნქციებს მერიის შესაბამისი სამსახურები და სამუშაობს პირადად ჩემი კონტროლის ქვეშ განახორციელებენ", - განაცხადა კახა კალაძემ.

ამ წუთებში თბილისის მთავრობის სხდომა მიმდინარეობს.

imedinews.ge

👉  კვალიფიციური მომზადება - ყველა საგანი ერთ სივრცეში