გიორგი კვირიკაშვილი: უმაღლესი განათლების სისტემაში გერმანული მოდელის დანერგვა იგეგმება

მომზადებულია ნათია ცუხიშვილის მიერ

16 თებერვალი. 2016. 17:42

საქართველოს პრემიერ-მინისტრმა გიორგი კვირიკაშვილმა სასტუმრო „რედისონში" დაგეგმილ რეფორმებზე საუბრისას განათლების სისტემის რეფორმას გაუსვა ხაზი და განაცხადა, რომ ამ კუთხით გერმანული მოდელის დანერგვა იგეგმება, რომელიც ძალიან ეფექტურია არა მხოლოდ გერმანიაში, არამედ სხვა ქვეყნებში.

„გერმანულს იმიტომ ვამბობ, რომ ამ ქვეყანამ დაუდო სათავე განათლების სისტემას", - განაცხადა კვირიკაშვილმა.

პრემიერის თქმით, სახელმწიფო უმაღლეს განათლებაში რესურსს გაანაწილებს კონკრეტული ინდუსტრიების მოთხოვნების გათვალისწინებით და ეს არ იქნება მხოლოდ და მხოლოდ ახალგაზრდების მოთხოვნებიდან გამომდინარე, არამედ, ეს განხორციელდება იმ კონკრეტული მოთხოვნებიდან გამომდინარე, რომელიც 5-წლიან პერსპექტივაში ქვეყანაში იარსებებს.

„ეს მნიშვნელოვანია იმიტომ, რომ დღეს ჩვენ ფაქტობრივად ვაწარმოებთ პოტენციურად დაუსაქმებელ ადამიანებს. ჩვენ ყოველწლიურად ვუშვებთ ხუთჯერ, ათჯერ უფრო მეტ ბანკირს, ვიდრე ამის მოთხოვნა არის საბანკო სექტორში.

დღეს ჩვენ არ გვყავს მაგალითად, მეცხოველეობის, კვების ტექნოლოგები, ვეტერინარები, კვების მრეწველობის ტექნოლოგები. ასეთ ადამიანებს ბიზნესი აგზავნის თავისი სახსრებით ევროპაში. ხდება გადამზადება და შემდგომ ასაქმებენ თავიანთ კომპანიებში მაშინ, როდესაც სახელმწიფო საბიუჯეტო რესურსს ყოველწლიურად ხარჯავს იმ ადამიანებზე, რომლებიც ზუსტად ვიცით, რომ დაუსაქმებლები იქნებიან, ან მათაც გადაკვალიფიცირება უნდა მოახდინონ იმისთვის, რომ რეალური სამუშაო ადგილი მოძებნონ", - განაცხადა გიორგი კვირიკაშვილმა.

პრემიერის თქმით, აღნიშნულმა რეფორმამ შეიძლება ამ სექტორში ჩართული უმაღლესი სასწავლებლებისთვის რეპოზიციონირების მოთხოვნა გამოიწვიოს, თუმცა პრემიერ-მინისტრი მიიჩნევს, რომ ასე გაგრძელება არ შეიძლება და არსებული სისტემა არის შესაცვლელი.

reportiori.ge

ბაჩანა ბრეგვაძეს მთაწმინდის პანთეონში დაკრძალავენ

ცნობილ ქართველ მთარგმნელსა და მწერალს, ბაჩანა ბრეგვაძეს  მთაწმინდის პანთეონში დაკრძალავენ. ამის შესახებ გადაწყვეტილება ცოტა ხნის წინ მიიღეს.

დღეს დილით გავრცელდა ინფორმაცია, რომ ბაჩანა ბრეგვაძეს საბურთალოს პანთეონში დაკრძალავდნენ.

ამასთან, პრემიერ-მინისტრის დავალებით, საქართველოს კულტურისა და ძეგლთა დაცვის სამინისტროში ცნობილი ქართველი მეცნიერის, მთარგმნელისა და მწერლის, ბაჩანა ბრეგვაძის დაკრძალვასთან დაკავშირებით, სახელმწიფო დამკრძალავი კომისია შეიქმნა. დაკრძალვის ხარჯებს სახელმწიფო დაფარავს.

გარდა ამისა, კომისიის გადაწყვეტილებით, თბილისის ერთ-ერთ ქუჩას ბაჩანა ბრეგვაძის სახელი მიენიჭება. 

ბაჩანა ბრეგვაძეს ხუთშაბათს, 18 თებერვალს დაკრძალავენ.

2030.news

ცნობარი აბიტურიენტებისათვის - 2016

ცნობარი აბიტურიენტებისათვის - 2016

http://www.naec.ge/images/doc/EXAMS/cnobari-2016-web.pdf

განათლების სახლი - დ ე ლ ი ს ზ ე და დიდ დ ი ღ ო მ შ ი! 2 14 80 24
მაღალკვალიფიციური მომზადება ხელმისაწვდომ ფასად:
✔ სასურველ საგნებში,
✔ ს ა ა ტ ე ს ტ ა ტ ო,
✔ ერთიანი ე რ ო ვ ნ უ ლ ი,
✔ გ რ ა ნ ტ ი ს გაუმჯობესების/მოპოვების,
✔ ს ა მ ა გ ი ს ტ რ ო
✔ რ ე ზ ი დ ე ნ ტ უ რ ი ს გამოცდებისთვის!
✔ სკოლაში შემსვლელი ბ ა ვ შ ვ ე ბ ი ს პროგრამა!
1-2-3-4 კაციანი ჯგუფები!
საუკეთესო პროფესორ–მასწავლებლები!
ყველა ჩვენი კურსდამთავრებული წ ა რ მ ა ტ ე ბ უ ლ ი ა!
დარეკეთ და გახდით წარმატებული:

განათლების სახლი - დ ე ლ ი ს ზ ე
T.: 2 14 80 24, 599 201096
მის.: ვაჟა-ფშაველას 43, კაბინეტი #215
მეტრო დელისთან (პროფ.კულტურის ცენტრი)

განათლების სახლი - დიდ დ ი ღ ო მ შ ი
T.: 2 14 80 24, 593 997917
მის.: იოანე პეტრიწის #3

სამთვიანი სასერტიფიკატო პროგრამა - "მე ვქმნი ჩემს წარმატებულ ბიზნესს”

მ ა ლ ე განათლების სახლი განახორციელებს სამთვიან სასერტიფიკატო პროგრამას 

- "მე ვქმნი ჩემს წარმატებულ ბიზნესს”

კურსი განკუთვნილია მოქმედი და დამწყები ბიზნესმენისთვის, ნებისმიერი დაინტერესებული პირისთვის, რომელსაც სურს, რომ იცოდეს:

• ხელმძღვანელობის სტილი და ლიდერობის ფორმები
• პროექტების მართვის მიმართულებით ბიზნესიდეის ბიზნესპროდუქტად გარდაქმნის ტექნოლოგიები
• ფინანსური აღრიცხვის ძირითადი პრინციპები
• მენეჯერული აღრიცხვისა და ბიუჯეტირების ძირითადი პრინციპები
• ბიზნესში ფასწარმოქმნის მექანიზმი
• გაცნობიერებული კორპორაციული კულტურის მნიშვნელობა საწარმოთა მართვის პროცესში
• გაცნობიერებული გარემო ფაქტორების მნიშვნელობა საწარმოთა მართვის პროცესში
• გაცნობიერებული მოტივაციის მნიშვნელობა საწარმოთა მართვის პროცესში
• გაცნობიერებული მენეჯერული როლებისა და მენეჯმენტის ფუნქციების მნიშვნელობა საწარმოთა მართვის პროცესში
• ორგანიზაციული კონტროლის ინოვაციური მეთოდები (JIT; TQM)

კურსის დასრულების შემდეგ მსმენელი შეძლებს:

• ბიზნესის ეკონომიკური მაჩვენებლების ფორმულირებას
• კონკურენტული ძალების დახასიათებას
• ბიზნესის ცვლილების გამომწვევი ფაქტორების გამოვლენას
• SWOT-ის განხორციელებას
• სტრატეგიული გეგმის, სტრატეგიის, ტაქტიკის, სამოქმედო გეგმის ჩამოყალიბებას
• სტრატეგიული ალტერნატივისა და სტრატეგიის შერჩევას
• ორგანიზაციული სტრუქტურის დიზაინის შექმნას
• ბიზნესგეგმის შედგენას
• ბაზრის პროგნოზირებას
• ბაზრის სეგმენტაციას, მიზნობრივი მომხმარებლის შერჩევასა და ბაზარზე პოზიციონირებას
• დასაქმებულ ადამიანთა მოტივაციასა და საერთო მიზნების მისაღწევად მათ ორგანიზებას
• ეფექტიანი გუნდის ჩამოყალიბებასა და გუნდურ მართვას
• მცირე ორგანიზაციის ბიუჯეტირებას
• მცირე ორგანიზაციის ბუღალტრულ აღრიცხვას, ფინანსური ანგარიშგების უწყისების მომზადებას, ფინანსური კოეფიციენტების გაანგარიშებას, ეკონომიკური დანახარჯების დადგენასა და მაქსიმალური მოგების დაგეგმვას
• მცირე ორიგანიზაციის კონტროლს: სამიზნე მაჩვენებლების ჩამოყალიბებას; ფაქტობრივი მდგომარეობის სამიზნე მაჩვენებლებთან შედარებას; შესაბამისი ცდომილების დადგენასა და რეაგირებას
• ტოტალური ხარისხის მართვის პრინციპების დანერგვას ორგანიზაციაში
• სწორი საკადრო პოლიტიკის შემუშავებას
• ორგანიზაციის შიდა და გარე გარემოში არსებული ფაქტორების გავლენის შეფასებას ორგანიზაციის შედეგებზე
• მმართველობითი ინსტრუმენტების შერჩევისა და მენეჯერული ანალიზის საფუძველზე მართებული გადაწყვეტილების მიღებას
• სხვადასხვა წყაროდან ინფორმაციის მოპოვებას, ანალიზსა და სინთეზს
• ჩატარებული კვლევის შედეგად მიღებული მონაცემების სწორ ანალიზს, შედეგების ფორმულირებასა და რელევანტური დასკვნების გამოტანას
• ორგანიზაციული მართვის პროცესში საბუღალტრო ინფორმაციის შედარებას საბიუჯეტო პარამეტრებთან და სტანდარტულ საფინანსო კოეფიციენტებთან და შესაბამისი დასკვნების გაკეთებას

ამ და სხვა ძალიან საინტერსო საკითხებზე მოუსმინეთ ლექტორს და გახდით წარმატებული ბიზნესის შემქმნელი!

რეგისტრაცია გაგრძელდება 31 მარტამდე (რაოდენობა შეზღუდულია - იჩქარეთ)

ლექციები ჩატარდება აპრილის, მაისისა და ივნისის განმავლობაში, ხუთშაბათობით, 12:30 სთ-იდან14:30 სთ-მდე, განათლების სახლში, აუდიტიორია #215

სასწავლო მასალა უ ფ ა ს ო ა

სწავლის ღირებულებაა 300 ლარი (შესაძლებელია ყოველთვიური გადახდა 100 ლარის ოდენობით)

გაიცემა ორენოვანი ს ე რ ტ ი ფ ი კ ა ტ ი

სწრაფი რეგისტრაციისთვის შეგიძლიათ "ინბოქსში" მოგვწეროთ

ან

აქ დაწეროთ თქვენი ტელეფონის ნომერი და პირადი ნომერი - ჩვენი მენეჯერი დაგიკავშირდებათ და დაგარეგისტრირებთ

ან

ამ ბმულზე გაიაროთ მარტივი რეგისტრაცია

ან 

დარეკეთ და გახდით წარმატებული:

T.: 2 14 80 24, 599 201096

ელ-ფოსტა: hedu.ge@gmail.com

მის.: ვაჟა-ფშაველას 43, აუდიტორია #215 (პროფკავშირების კულტურის ცენტრი)

30 საიტი, რომელიც თვითგანათლებაში დაგეხმარებათ

წარმოგიდგენთ 30 საიტს, რომელიც თქვენი გეგმების განხორციელებაში დაგეხმარებათ.

1. BBC  Future - სტატიებისა და ვიდეოების აგრეგატორი თანამედროვე სამყაროში.

2.99U -YouTube-ის არხი პროდუქტიურობაზე, ორგანიზებულობასა და ლიდერობაზე.

3.YouTube EDU - YouTube-ის ნაწილი, რომელიც მიძღვნილია საგანმანათლებო ვიდეობს.

4. WikiWand - ვიკიპედიის ბევრად უფრო ფუნქციონალური ინტერფეისი.

5. The long read (The Guardian) -გამომცემლობა The Guardian -ის ნაწილი, რომელიც ეძღვნება სააზროვნო სტატიებს.

6. TED -ვიდეოები წარმატებული და ნიჭიერი ადამიანებისა, რომლებიც თავიანთ გამოცდილებას გვიზიარებენ.

7. iTunes U - iTunes -ს ნაწილი, რომელიც ეძღვნება წამყვანი უნივერსიტეტის ლექციებს.

8. https://www.reddit.com/r/InsightfulQuestions/ - Reddit - ის ნაწილი ინტელექტუალური დისკუსიებით.

9. Cerego - სასწავლო პროგრამის შედგენა თქვენი სისუსტეებისა და სიძლიერის მიხედვით.

10. University of the People - უფასო ონლაინ უნივერსიტეტი.

11. Open Sesame - ადგილი სადაც ვაჭრობენ კურსებით.

12. CreativeLive -უფასო კურსები შემოქმედების შესახებ მსოფლიო ექსპერტების მიერ.

13. Coursera - საიტი, რომნელიც შეიცავს ასობით კურსს ცნობილი უნივერსიტეტებიდან.

14. University of Reddit  -Reddit -ს ნაწილი, სადაც წევრები აზიარებენ საკუთარ ცოდნას.

15 Quora -საიტი, სადაც იპოვით პასუხს უამრავ შეკითხვასა და საკითზე.

16. Digital Photography School - ფოტოგრაფიის სასწავლო კურსები.

17. Umano - სტატიების აუდიო ჩანაწერების უდიდესი კოლექცია.

18. Peer 2 Peer University - გახსნილი სასწავლო პრიექტი.

19. MIT Open CourseWare - მასაჩუსეტის ტექნოლოგიური უნივერსიტეტის უფასო კურსები.

20. https://gibbon/ - სასწავლო პლეი ლისტების შემადგენი სერვისი.

21. http://www.investopedia.com/ - შემეცნებითი საიტი ინვესტიციების შესახებ მაგალითებზე.

22. Udacity - ტექნიკური კურსების უფასო ონლაინ კურსები.

23. Mozilla Developer Network - ვებ-დიზაინის შესასწავლი მასალები.

24. Future Learn - ცნობილი უნივერსიტეტების უფასო ონლაინ კურსები.

25. Google ScholarBrain Pump - ძებნა სამეცნიეო ლიტერატურაში.

26. Brain Pump - ადგილი, სადაც ყოველდღე სწავლობ რაღაც ახალს.

27. Mental Floss - ტესტი, რომელიც დაადგენს თქვენს ცოდნას სხვადასხვა სფეროში.

28. Learnist - სპეციალურად არჩეული მასალით სწავლა.

29. DataCamp - ონლაინ სწავლება მეცნიერების შესახებ.

30. edX - სხვადასხვა უნივერსიტეტების ონლაინ კურსები.

სტუ-ში ლოგისტიკის გერმანულ-ქართული საბაკალავრო პროგრამის ღია კარის დღე გაიმართება

16 თებერვალს, 16:00 სთ., საქართველოს ტექნიკურ უნივერსიტეტის გ. ნიკოლაძის სახელობის დარბაზში გაიმართება ღია კარის დღე ლოგისტიკაში გერმანულ-ქართულ საბაკალავრო პროგრამასთან დაკავშირებით. ღია კარის დღე განკუთვნილია გერმანული ენის მცოდნე აბიტურიენტებისათვის და მათი მშობლებისთვის.

ღია კარის დღეზე საბაკალავრო პროგრამის პროექტის მენეჯერი ინგო შმიდტ-ბრაული გამართავს პრეზენტაციას, წარმოადგენს სწავლის პირობებს. ღონისძიების მონაწილეებს  საშუალება ექნებათ, პირადად გაესაუბრონ პროგრამის ხელძღვანელს.

2015 წლის ოქტომბრიდან სამი გერმანული უნივერსიტეტის კონსორციუმმა (ვილდაუს, ფლენსბურგისა და ბრანდერბურგის გამოყენებით მეცნიერებათა უნივერსიტეტები) და სტუ-ს ლოგისტიკის დეპარტამენტმა დაიწყეს ლოგისტიკაში ორდიპლომიანი გერმანულენოვანი საბაკალავრო პროგრამის განხორციელება.

პრაქტიკაზე ორიენტირებული სასწავლო პროგრამა პასუხობს ადგილობრივი და საერთაშორისო ლოგისტიკური ბაზრების მოთხოვნებს  და მის განუყოფელ ნაწილს წარმოადგენს ერთწლიანი სწავლება გერმანიაში. მეშვიდე სემესტრიდან სტუდენტები სწავლას გააგრძელებენ პარტნიორ გერმანულ უნივერსიტეტებში და გაივლიან პრაქტიკას გერმანულ კომპანიებში. პრაქტიკის ფარგლებში ისინი გაეცნობიან გერმანული კომპანიების ლოგისტიკურ ინფრასტრუქტურას, მათ სისტემურ გადაწყვეტილებებს, უახლეს ტექნოლოგიებს და ეფექტურ სამუშაო პროცესებს. სტუდენტები, რომლებიც წარმატებით დაძლევენ სწავლებას გერმანიაში, მიიღებენ ვილდაუს უნივერსიტეტის დიპლომებს, სპეციალობით ინჟინერიის ბაკალავრი ლოგისტიკაში (Bachelor of Engineering in Logistics).

მასწავლებელთა და დირექტორთა პროფესიული განვითარებისთვის 14 მილიონი გრანტი გამოიყო

მასწავლებელთა პროფესიული განვითარების ეროვნული ცენტრი, „ათასწლეულის განვითარების ფონდი - საქართველოს“ ფინანსური და ტექნიკური მხარდაჭერით, ქვეყნის მასშტაბით მასწავლებელთა და სკოლის დირექტორთა პროფესიული განვითარების პროექტის განახორციელებას იწყებს. პროექტის პრეზენტაცია სასტუმრო „თბილისი მარიოტში” გაიმართა, სადაც მხარეებმა ურთიერთთანამშრომლობის მემორანდუმიც გააფორმეს. 

14 მილიონი აშშ დოლარის ღირებულების პროექტი ათასწლეულის გამოწვევის კორპორაციის მეორე კომპაქტის ერთ-ერთ კომპონენტს წარმოადგენს და მიზნად ისახავს საბუნებისმეტყველო, მათემატიკის, საინფორმაციო ტექნოლოგიების, გეოგრაფიისა და ინგლისური ენის 7-12 კლასის მასწავლებელთა, ასევე სკოლის დირექტორთა პროფესიული განვითარების გზით სწავლა-სწავლების ხარისხის გაუმჯობესებას და სკოლის მართვის ხარისხის დახვეწას.

დასახული მიზნების მისაღწევად, ზემოაღნიშნულ საგნებში გადამზადდება 20,000-მდე მასწავლებელი და ყველა საჯარო სკოლის დირექტორი, გარდა ამისა, მომზადდება სკოლის ბაზაზე პროფესიული განვითარების 2000-ზე მეტი ფასილიტატორი. აღნიშნული ღონისძიებები ხელს შეუწყობს ზოგადსაგანმანათლებლო სკოლებში უწყვეტი პროფესიული განვითარების ეფექტიანი სისტემის დანერგვას, ასევე მასწავლებელთა პროფესიული განვითარების ეროვნული ცენტრის შესაძლებლობების გაზრდას, სატრენინგო მასალებისა და საჭირო რესურსის შექმნას. პროექტი დაიწყო 2016 წლის იანვარში და დასრულდება 2019 წლის ზაფხულში.

პროექტის ამოქმედებისადმი მიძღვნილი ღონისძიება „თბილისი მარიოტში“ საქართველოს განათლებისა და მეცნიერების მინისტრმა თამარ სანიკიძემ, ათასწლეულის გამოწვევის ფონდის აღმასრულებელმა დირექტორმა მაგდა მაღრაძემ, ათასწლეულის გამოწვევის კორპორაციის ვიცე პრეზიდენტის მოადგილემ ფატემა სუმარიმ და მასწავლებელთა პროფესიული განვითარების ცენტრის დირექტორი, გიორგი მაჩაბელმა გახსნეს.