საქართველოში წვიმა და შტორმია მოსალოდნელი

გარემოს ეროვნული სააგენტოს ცნობით, 30 აგვისტოს დღის ბოლოდან 31 აგვისტოს დღის ბოლომდე საქართველოში მოსალოდნელია გრილი და ნოტიო ჰაერის მასების გავრცელება, წვიმა ელჭექით, ზოგან ძლიერი, შესაძლებელია სეტყვა, ქარის გაძლიერება, ზღვაზე 4-5 ბალიანი შტორმული ღელვა.
მოსალოდნელმა ძლიერმა ნალექებმა შესაძლებელია საქართველოს პატარა მდინარეებზე წყალმოვარდნები, ხოლო ქვეყნის მთიან ზონებში მეწყრულ – ღვარცოფული პროცესების ჩასახვა – გააქტიურება გამოიწვიოს.
akhalitaoba.ge

წელს სტუდენტი 28 740 აბიტურიენტი გახდა

2019 წლის ერთიანი ეროვნული გამოცდების საბოლოო შედეგები ცნობილია. ამის შესახებ შეფასებისა და გამოცდების ეროვნული ცენტრის ხელმძღვანელმა სოფიო გორგოძემ განაცხადა. 👉 კვალიფიციური მომზადება - ყველა საგანი ერთ სივრცეში როგორც მან აღნიშნა, 2019 წლის ერთიანი ეროვნული გამოცდების შედეგად ჩარიცხვებისა და სახელმწიფო სასწავლო გრანტის მოპოვების შესახებ ინფორმაციის ნახვა აბიტურიენტებს შეფასებისა და გამოცდების ეროვნული ცენტრის ვებ-გვერდზე online.naec.ge დღეიდან შეუძლიათ. "2019 წელს უმაღლეს საგანმანათლებლო დაწესებულებებში სწავლის გაგრძელების უფლება 28 740-მა აბიტურიენტმა მოიპოვა. მე ვულოცავ თითოეულს და წარმატებებს ვუსურვებ ცხოვრების ამ მნიშვნელოვან ეტაპზე. რაც შეეხება პროცენტულ მაჩვენებლებს, რეგისტრირებულ აბიტურიენტთაგან 71%-ია ჩარიცხული, სახელმწიფოს მიერ დაფინანსებულ საგანმანათლებლო პროგრამებზე კი 4777 სტუდენტი ჩაირიცხა, 6546-მა აბიტურიენტმა კი მოიპოვა სასწავლო გრანტი. მათგან 100%-იანი დაფინანსება მოიპოვა 1011-მა, 70%-იანი - 1452-მა, ხოლო 50%-იანი დაფინანსება მიიღო 4083-მა აბიტურიენტმა. ასევე, არის აბიტურიენტების დაახლოებით 2%, ვინც გადალახა მინიმალური კომპეტენციის ზღვარი ყველა სავალდებულო საგანში, თუმცა ვერ ჩაირიცხა, რადგან არ ჰქონდა შესაბამისი არჩევანი გაკეთებული. ეს მოხდა ძირითადად იმ შემთხვევებში, როცა პროგრამაზე მაღალი კონკურსი იყო ან მინიმალური კომპეტენციის ზღვარი გაზრდილი იყო. მიუხედავად იმისა, რომ არაერთხელ მივაწოდეთ ინფორმაცია აბიტურიენტებს, რომ შეუზღუდავად შეეძლოთ მათ პროგრამების არჩევა, როგორც ჩანს, მათ გადაწყვიტეს, რომ მხოლოდ კონკრეტულ კურსებზე სურდათ სწავლის გაგრძელება და არა სხვა პროგრამებზე. ამის შედეგადაც მოხდა ასე, რომ ზღვარი გადალახეს, თუმცა ვერსად ჩაირიცხნენ. რაც შეეხება აპელაციებს, დაახლოებით აპლიკანტთა 2%-მა შემოიტანა აპელაციის განაცხადი და მათგან 648 აპლიკანტს შეეცვალა შეფასება", - განაცხადა შეფასებისა და გამოცდების ეროვნული ცენტრის ხელმძღვანელმა. მანვე აღნიშნა, რომ ქართულ ენაში მომზადების პროგრამაზე 2019 წელს 1335 აბიტურიენტი ჩაირიცხა. გორგოძის თქმითვე, აბიტურიენტებისთვის მნიშვნელოვანი ინფორმაციაა, რომ შედეგები ნიშნავს მხოლოდ ჩარიცხვის უფლების მოპოვებას და არა - ჩარიცხვას. "ეს ინფორმაცია, რასაც ჩვენს ვებ-გვერდზე ნახავთ, არ ნიშნავს ჩარიცხვას, არამედ ეს არის მხოლოდ ჩარიცხვის უფლების მოპოვება, ჩარიცხვის წინაპირობა. აბიტურიენტები აუცილებლად უნდა მიბრძანდნენ იმ საგანმანათლებლო დაწესებულებაში, სადაც ჩაირიცხნენ, დადგენილ ვადებში წარადგინონ შესაბამისი დოკუმენტაცია და მხოლოდ ამის შემდეგ ჩაითვლებიან ჩარიცხულად. ამას ხაზს ვუსვამთ, რადგან ყოფილა შემთხვევები, რომ ამ ინფორმაციის მიღების შემდეგ აბიტურიენტი ფიქრობს, რომ ის ავტომატურადაა ჩარიცხული სასწავლებელში, თუმცა სწავლის დაწყების დროს აღმოაჩენს, რომ ჩარიცხული არ არის", - აღნიშნა სოფიო გორგოძემ. წელს ერთიან ეროვნულ გამოცდებზე დარეგისტრირებული იყო 41 000 აპლიკანტი. პირველადი შედეგების გამოქვეყნების შემდეგ აბიტურიენტებს შესაძლებლობა ჰქონდათ, გაესაჩივრებინათ მიღებული ქულა ან კონკრეტული დავალების შეფასება. ყველაზე მეტმა აბიტურიენტმა უპირატესობა ბიზნესის ადმინისტრირების, სამართლის და დიპლომირებული მედიკოსის მიმართულებებს მიანიჭა. შეფასებისა და გამოცდების ეროვნული ცენტრის ცნობით, ამ წლის მთავარ სიახლეს წარმოადგენდა სახელმწიფო სასწავლო გრანტის მიღების შესაძლებლობა იმ შემთხვევაშიც კი, თუ აბიტურიენტმა ორი ან მეტი არჩევითი საგანი მონიშნა და ერთ-ერთ მათგანში ჩაიჭრა, ან რომელიმე მათგანზე არ გამოცხადდა. შეგახსენებთ, 2019 წლის ერთიანი ეროვნული გამოცდები 1-ელ ივლისს დაიწყო - მთელი საქართველოს მასშტაბით 11 ქალაქში 23 საგამოცდო ცენტრი გაიხსნა. interpressnews.ge

წელს სტუდენტი 28 740 აბიტურიენტი გახდა

2019 წლის ერთიანი ეროვნული გამოცდების საბოლოო შედეგები ცნობილია. ამის შესახებ შეფასებისა და გამოცდების ეროვნული ცენტრის ხელმძღვანელმა სოფიო გორგოძემ განაცხადა.

👉  კვალიფიციური მომზადება - ყველა საგანი ერთ სივრცეში

როგორც მან აღნიშნა, 2019 წლის ერთიანი ეროვნული გამოცდების შედეგად ჩარიცხვებისა და სახელმწიფო სასწავლო გრანტის მოპოვების შესახებ ინფორმაციის ნახვა აბიტურიენტებს შეფასებისა და გამოცდების ეროვნული ცენტრის ვებ-გვერდზე online.naec.ge დღეიდან შეუძლიათ.

"2019 წელს უმაღლეს საგანმანათლებლო დაწესებულებებში სწავლის გაგრძელების უფლება 28 740-მა აბიტურიენტმა მოიპოვა. მე ვულოცავ თითოეულს და წარმატებებს ვუსურვებ ცხოვრების ამ მნიშვნელოვან ეტაპზე. რაც შეეხება პროცენტულ მაჩვენებლებს, რეგისტრირებულ აბიტურიენტთაგან 71%-ია ჩარიცხული, სახელმწიფოს მიერ დაფინანსებულ საგანმანათლებლო პროგრამებზე კი 4777 სტუდენტი ჩაირიცხა, 6546-მა აბიტურიენტმა კი მოიპოვა სასწავლო გრანტი. მათგან 100%-იანი დაფინანსება მოიპოვა 1011-მა, 70%-იანი - 1452-მა, ხოლო 50%-იანი დაფინანსება მიიღო 4083-მა აბიტურიენტმა. ასევე, არის აბიტურიენტების დაახლოებით 2%, ვინც გადალახა მინიმალური კომპეტენციის ზღვარი ყველა სავალდებულო საგანში, თუმცა ვერ ჩაირიცხა, რადგან არ ჰქონდა შესაბამისი არჩევანი გაკეთებული. ეს მოხდა ძირითადად იმ შემთხვევებში, როცა პროგრამაზე მაღალი კონკურსი იყო ან მინიმალური კომპეტენციის ზღვარი გაზრდილი იყო. მიუხედავად იმისა, რომ არაერთხელ მივაწოდეთ ინფორმაცია აბიტურიენტებს, რომ შეუზღუდავად შეეძლოთ მათ პროგრამების არჩევა, როგორც ჩანს, მათ გადაწყვიტეს, რომ მხოლოდ კონკრეტულ კურსებზე სურდათ სწავლის გაგრძელება და არა სხვა პროგრამებზე. ამის შედეგადაც მოხდა ასე, რომ ზღვარი გადალახეს, თუმცა ვერსად ჩაირიცხნენ. რაც შეეხება აპელაციებს, დაახლოებით აპლიკანტთა 2%-მა შემოიტანა აპელაციის განაცხადი და მათგან 648 აპლიკანტს შეეცვალა შეფასება", - განაცხადა შეფასებისა და გამოცდების ეროვნული ცენტრის ხელმძღვანელმა.

მანვე აღნიშნა, რომ ქართულ ენაში მომზადების პროგრამაზე 2019 წელს 1335 აბიტურიენტი ჩაირიცხა.

გორგოძის თქმითვე, აბიტურიენტებისთვის მნიშვნელოვანი ინფორმაციაა, რომ შედეგები ნიშნავს მხოლოდ ჩარიცხვის უფლების მოპოვებას და არა - ჩარიცხვას.

"ეს ინფორმაცია, რასაც ჩვენს ვებ-გვერდზე ნახავთ, არ ნიშნავს ჩარიცხვას, არამედ ეს არის მხოლოდ ჩარიცხვის უფლების მოპოვება, ჩარიცხვის წინაპირობა. აბიტურიენტები აუცილებლად უნდა მიბრძანდნენ იმ საგანმანათლებლო დაწესებულებაში, სადაც ჩაირიცხნენ, დადგენილ ვადებში წარადგინონ შესაბამისი დოკუმენტაცია და მხოლოდ ამის შემდეგ ჩაითვლებიან ჩარიცხულად. ამას ხაზს ვუსვამთ, რადგან ყოფილა შემთხვევები, რომ ამ ინფორმაციის მიღების შემდეგ აბიტურიენტი ფიქრობს, რომ ის ავტომატურადაა ჩარიცხული სასწავლებელში, თუმცა სწავლის დაწყების დროს აღმოაჩენს, რომ ჩარიცხული არ არის", - აღნიშნა სოფიო გორგოძემ.

წელს ერთიან ეროვნულ გამოცდებზე დარეგისტრირებული იყო 41 000 აპლიკანტი. პირველადი შედეგების გამოქვეყნების შემდეგ აბიტურიენტებს შესაძლებლობა ჰქონდათ, გაესაჩივრებინათ მიღებული ქულა ან კონკრეტული დავალების შეფასება.

ყველაზე მეტმა აბიტურიენტმა უპირატესობა ბიზნესის ადმინისტრირების, სამართლის და დიპლომირებული მედიკოსის მიმართულებებს მიანიჭა.

შეფასებისა და გამოცდების ეროვნული ცენტრის ცნობით, ამ წლის მთავარ სიახლეს წარმოადგენდა სახელმწიფო სასწავლო გრანტის მიღების შესაძლებლობა იმ შემთხვევაშიც კი, თუ აბიტურიენტმა ორი ან მეტი არჩევითი საგანი მონიშნა და ერთ-ერთ მათგანში ჩაიჭრა, ან რომელიმე მათგანზე არ გამოცხადდა.

შეგახსენებთ, 2019 წლის ერთიანი ეროვნული გამოცდები 1-ელ ივლისს დაიწყო - მთელი საქართველოს მასშტაბით 11 ქალაქში 23 საგამოცდო ცენტრი გაიხსნა.

interpressnews.ge

პარიზი გერმანელი ნაცისტებისგან განთავისუფლების 75 წლისთავს ზეიმობს

საფრანგეთის დედაქალაქი პარიზი გერმანელი ნაცისტებისგან გათავისუფლების 75 წლისთავს აღნიშნავს, ამის შესახებ france24-ი წერს. 

.

👉  კვალიფიციური მომზადება - ყველა საგანი ერთ სივრცეში

ქალაქი 1944 წლის 25 აგვისტოს ფრანგების აჯანყების შედეგად გათავისუფლდა და 1500 დღიანი პაუზის შემდეგ ეიფელის კოშკზე ნაცისტური სვასტიკის ნაცვლად საფრანგეთის დროშა აფრიალდა. 

1944 წლის 18 აგვისტოს საფრანგეთის კომუნისტური ძალების (FFI) ხელმძღვანელმა ანრი როლ-ტანგმა აჯანყების ბრძანება გასცა. მეორე დღეს შარლ დე გოლის ფრაქციამ ანალოგიური ბრძანება გასცა. 19 აგვისტოს მეტრო და რკინიგზა გაიფიცა. აჯანყებულებს შეუერთდა საფრანგეთის პოლიციაც. ხალხის მცირე ჯგუფები თავს ესხმოდნენ ნაცისტებს. ქუჩაში სისხლისმღვრელი დაპირისპირებები გახშირდა. 

პარიზში 1944 წლის აგვისტოში 16 000 გერმანელი ჯარისკაცი იმყოფებოდა და 80 ტანკი. 8 დღიანი დაპირისპირების შემდეგ გერმანელები დანებდნენ. პარიზის გათავისუფლებისათვის ბრძოლებში 3 200 გერმანელი ჯარისკაცი დაიღუპა. საფრანგეთის მხარეს კი 156 და 600 მშვიდობიანი მოქალაქე. 

შარლ დე გოლი 25 აგვისტოს პარიზის მერიაში მივიდა და თავისი ცნობილი სიტყვა წარმოთქვა.

imedinews.ge

ფინეთში შექმნეს სუნამო, რომელსაც ადამიანის ოფლის არომატი აქვს

ფინეთში შექმნეს ახალი სუნამო, რომელსაც ადამიანის ოფლის სუნის არომატი აქვს, ამის შესახებ Flash Nord-ი წერს.

გამოცემის ცნობით ეს არმატი სააგენტო Mirum Helsinki-მ წარადგინა. ტრადიციული ელემენტების გარდა სუნამოს შემადგენლობაში ორგანიზაციის ყველა თანამშრომლის ოფლის წვეთი შევიდა. სპეციალისტები აცხადებენ, რომ სუნამოს შექმნაზე შემოქმედებითმა ჯგუფმა ენთუზიაზმით იმუშავა. 

გამოცემის ცნობით, ეს სუნამო მათთვისაა განკუთვნილი, ვინც წარმატებით გაიარა გასაუბრება და სამსახურში მიიღეს.

imedinews.ge

👉  კვალიფიციური მომზადება - ყველა საგანი ერთ სივრცეში

რას დაკარგავს მსოფლიო ამაზონის ხანძრების შედეგად? - გარემოსდამცველები კატასტროფის მძიმე შედეგებზე

ამა­ზო­ნის ტყე­ებ­ში უკა­ნას­კნე­ლი ათწლე­უ­ლის გან­მავ­ლო­ბა­ში ყვე­ლა­ზე ძლი­ე­რი ხან­ძა­რი მძვინ­ვა­რებს. იწ­ვის ის, რაც პლა­ნე­ტის ფილ­ტვე­ბის სა­ხე­ლით არის ცნო­ბი­ლი და ცე­ცხლი ყო­ველ­დღი­უ­რად ამ­ცი­რებს იმ ჟანგბა­დის რა­ო­დე­ნო­ბას, რო­მე­ლიც ასე სა­ჭი­როა ყვე­ლა ცო­ცხა­ლი ორ­გა­ნიზ­მის­თვის.

👉  კვალიფიციური მომზადება - ყველა საგანი ერთ სივრცეში

ტყეს­თან ერ­თად ნად­გურ­დე­ბა ბი­ომ­რა­ვალ­ფე­როვ­ნე­ბაც, იწ­ვი­ან ცხო­ვე­ლე­ბი და ფრინ­ვე­ლე­ბი. თუმ­ცა აქვე აუ­ცი­ლებ­ლად უნდა აღი­ნიშ­ნოს, რომ სო­ცი­ა­ლურ ქსელ­ში გავ­რცე­ლე­ბუ­ლი გუ­ლი­სა­მა­ჩუ­ყე­ბე­ლი ფო­ტო­სუ­რა­თე­ბის უმე­ტე­სო­ბა, რომ­ლე­ბიც ცე­ცხლში გახ­ვე­ულ ცხო­ვე­ლებ­სა და მათ ტან­ჯვას ასა­ხავს, და რომ­ლებ­საც ხშირ შემ­თხვე­ვა­ში, დარ­თუ­ლი აქვს ჰეშ­თე­გი #PrayforAmazonas, რამ­დე­ნი­მე წლის წინ, სხვა ხან­ძრე­ბის დროს არის გა­და­ღე­ბუ­ლი და მათ­ზე ასა­ხუ­ლი ად­გი­ლე­ბი ბრა­ზი­ლი­ა­ში სუ­ლაც არ არის

🙏 საქართველოს საპატრიარქო

მიმ­დი­ნა­რე წელს ამა­ზო­ნის ტყე­ში ხან­ძრე­ბის რა­ო­დე­ნო­ბამ რე­კორ­დულ მაჩ­ვე­ნე­ბელს მი­აღ­წია. კოს­მო­სის კვლე­ვის ეროვ­ნუ­ლი ინ­სტი­ტუ­ტის გან­მარ­ტე­ბით, თა­ნამ­გზავ­რი­დან მი­ღე­ბუ­ლი მო­ნა­ცე­მე­ბის თა­ნახ­მად, მიმ­დი­ნა­რე წელს ხან­ძრის რა­ო­დე­ნო­ბამ 2018 წელ­თან შე­და­რე­ბით 85%-ით მო­ი­მა­ტა.

💢 კავკასიის საერთაშორისო უნივერსიტეტი

ოფი­ცი­ა­ლუ­რი რი­ცხვე­ბის თა­ნახ­მად, 2019 წლის პირ­ვე­ლი 8 თვის გან­მავ­ლო­ბა­ში ბრა­ზი­ლი­ა­ში 75 ათას­ზე მეტი ტყის ხან­ძა­რი და­ფიქ­სირ­და, რაც რე­კორ­დუ­ლი მაჩ­ვე­ნე­ბე­ლია 2013 წლის შემ­დეგ და ნამ­დვი­ლად აღე­მა­ტე­ბა გა­სუ­ლი წლის იმა­ვე პე­რი­ო­დის მაჩ­ვე­ნებ­ლებს, რო­დე­საც ხან­ძრე­ბის რა­ო­დე­ნო­ბა 40 ათა­სი იყო.

ამა­ზო­ნის ტყე­ში ხან­ძა­რი გავ­რცე­ლე­ბუ­ლი მოვ­ლე­ნაა და ივ­ლი­სი­დან ოქ­ტომ­ბრის ჩათ­ვლით ხში­რად ჩნდე­ბა კი­დეც, თუმ­ცა გა­რე­მოს დაც­ვის სპე­ცი­ა­ლის­ტი კახა ბახ­ტა­ძე არ გა­მო­რი­ცხავს, რომ ხან­ძრე­ბი ადა­მი­ა­ნის მიერ გან­გებ იყოს გა­ჩე­ნი­ლი:

"ადა­მი­ა­ნი ძა­ლი­ან და­ინ­ტე­რეს­ბუ­ლია ამ ტყე­ე­ბით და და­ინ­ტე­რე­სე­ბუ­ლია, რო­გორც მერ­ქნით, რომ­ლის მო­პო­ვე­ბაც იქ შე­იძ­ლე­ბა, ასე­ვე იმ ფარ­თო­ბით, რო­მე­ლიც ამ ტყეს უჭი­რავს.

არ ვიცი, ალ­ბათ, არ არის გა­მო­რი­ცხუ­ლი, რომ გან­ზრახ მო­წყო­ბი­ლი მცი­რე ხან­ძრე­ბიც იყოს, რა­მაც სა­ბო­ლო­ოდ, ამ მას­შტა­ბურ ხან­ძრამ­დე მი­იყ­ვა­ნა ტე­რი­ტო­რია, იმი­ტომ რომ ძა­ლი­ან აქ­ტი­უ­რი ათ­ვი­სე­ბა ხდე­ბა ამ ად­გი­ლე­ბის სა­მე­ურ­ნეო მიზ­ნე­ბის­თვის, ძა­ლი­ან დიდი რე­სურ­სე­ბია ამ ნი­ა­და­გებ­ში და ინ­ტე­რე­სიც საკ­მა­ოდ დი­დია.

ამა­ზო­ნის ტყე­ე­ბი არის ბი­ომ­რა­ვალ­ფე­როვ­ნე­ბის თავ­შე­სა­ფა­რი, სა­დაც მსოფ­ლიო ბი­ომ­რა­ვალ­ფე­როვ­ნე­ბის და­ახ­ლო­ე­ბით 10%-ია თავ­მოყ­რი­ლი. კლი­მა­ტის ცვლი­ლე­ბის გა­მოწ­ვე­ვე­ბის ფონ­ზე, ეს არის ძა­ლი­ან დიდი ტე­რი­ტო­რია, სა­დაც ტყე­ე­ბი შთან­თქა­ვენ ნახ­ში­რო­ჟანგს და გა­მო­ყო­ფენ ჟანგბადს. ამა­ზო­ნის ტყე თა­ვის თავ­ში იტევს ძა­ლი­ან დიდი რა­ო­დე­ნო­ბით ნახ­ში­რო­ჟანგს და ხან­ძრე­ბის შე­დე­გად, ასე­თი დიდი ღი­რე­ბუ­ლე­ბა იკარ­გე­ბა მსოფ­ლი­ოს­თვის" - ამ­ბობს კახა ბახ­ტა­ძე AMBEBI.GE-სთან სა­უ­ბარ­ში.

ვი­კი­პე­დი­ას მი­ხედ­ვით, ამა­ზო­ნის ტყე ჟანგბა­დის მთე­ლი რა­ო­დე­ნო­ბის 20%-ს გა­მო­ყოფს, შე­სა­ბა­მი­სად ის ზა­რა­ლი, რო­მე­ლიც პლა­ნე­ტას მი­ად­გე­ბა, უკვე ცხა­დია, თუმ­ცა ამის გარ­და კახა ბახ­ტა­ძის თქმით, ყვე­ლა­ზე ცუდი სცე­ნა­რი არის ის, რომ პლა­ნე­ტა ბი­ომ­რა­ვალ­ფე­როვ­ნე­ბას კარ­გავს:

"გვაქვს სა­ხეც­ვლი­ლი ეკო­სის­ტე­მე­ბი, ამ ეკო­სის­ტე­მებ­ში ცხოვ­რე­ბა ძა­ლი­ან რთუ­ლია. სა­ხეც­ვლილ ეკო­სის­ტე­მებს თან ერ­თვის სხვა ცვლი­ლე­ბე­ბი გა­რე­მო­ში - ეს შე­იძ­ლე­ბა იყოს გა­აქ­ტი­უ­რე­ბუ­ლი ბუ­ნებ­რი­ვი კა­ტას­ტრო­ფე­ბი, წყლი­სა და ნი­ა­და­გის რე­სურ­სე­ბის კარ­გვა. ძა­ლი­ან ბევ­რი ცვლი­ლე­ბა შე­იძ­ლე­ბა მოხ­დეს. ბი­ომ­რა­ვალ­ფე­როვ­ნე­ბა იკარ­გე­ბა და ამას ძა­ლი­ან მძი­მე შე­დე­გი ექ­ნე­ბა ადა­მი­ა­ნის­თვის" - გან­მარ­ტავს ეკო­ლო­გი.

ამა­ზო­ნის ტყის ეკო­ლო­გი­ურ მნიშ­ვნე­ლო­ბა­ზე სა­უბ­რი­სას "სა­ქარ­თვე­ლოს მწვა­ნე­თა მოძ­რა­ო­ბა/დე­და­მი­წის მე­გობ­რე­ბის" თავ­მჯდო­მა­რემ ნინო ჩხო­ბა­ძემ აღ­ნიშ­ნა, რომ ტყე­ე­ბი და ტყის მა­სი­ვე­ბი ერ­თა­დერ­თი სა­შუ­ა­ლე­ბაა, რა­საც შე­უძ­ლია, კლი­მა­ტის ზე­მოქ­მე­დე­ბა შე­ამ­ცი­როს. მისი თქმით, უმ­ნიშ­ვნე­ლო­ვა­ნე­სია, რომ ტყე­ე­ბის მა­სი­ვე­ბი გა­შენ­დეს, რათა მო­ხერ­ხდეს სით­ბუ­რი ეფექ­ტის ზე­მოქ­მე­დე­ბის შემ­ცი­რე­ბა.

გა­რე­მოს­დამ­ცვე­ლე­ბი მსოფ­ლი­ოს მას­შტა­ბით დღეს ამა­ზო­ნის ტყე­ებ­ში მიმ­დი­ნა­რე პრო­ცე­სებს ბრა­ზი­ლი­ის პრე­ზი­დენ­ტის რი­ტო­რი­კას უკავ­ში­რე­ბენ, რო­მე­ლიც მათი თქმით, ტყის ჩეხ­ვის პრო­ცე­სე­ბის გა­აქ­ტი­უ­რე­ბას უწყობს ხელს. პა­სუ­ხის გა­რე­შე აქ­ტი­ვის­ტე­ბი არც ბრა­ზი­ლი­ის პირ­ველ­მა პირ­მა და­ტო­ვა და გა­რე­მოს­დამ­ცვე­ლე­ბი ხან­ძრის გან­გებ გა­ჩე­ნა­ში და­ა­და­ნა­შა­უ­ლა, რათა ბრა­ზი­ლი­ის ხე­ლი­სუფ­ლე­ბის დის­კრე­დი­ტა­ცია მო­ეხ­დი­ნათ...

იქამ­დე სა­ნამ პა­სუ­ხის­მგე­ბე­ლი პი­რე­ბი ურ­თი­ერ­თბ­რალ­დე­ბე­ბით არი­ან და­კა­ვე­ბულ­ნი, ის გა­რე­მო იწ­ვის, რო­მე­ლიც და­ახ­ლო­ე­ბით 3 მი­ლი­ო­ნი სა­ხე­ო­ბის ცხო­ველ­სა და მცე­ნა­რეს იფა­რებს, მი­ლი­ო­ნამ­დე აბო­რი­გე­ნის სახ­ლია და რო­მე­ლიც ყო­ველ­წლი­უ­რად მი­ლი­ო­ნო­ბით ტონა ნახ­ში­რო­ჟანგს შთან­თქავს...

მთა­ვარ ფო­ტო­ზე: 13 აგ­ვის­ტოს გა­და­ღე­ბუ­ლი სა­ტე­ლი­ტის გა­მო­სა­ხუ­ლე­ბა აჩ­ვე­ნებს რამ­დე­ნი­მე ხან­ძრის კე­რას ბრა­ზი­ლი­ის ამა­ზო­ნის ტყე­ში

ambebi.ge

ინდოელი ცოლს საღეჭი რეზინის გამო გაშორდა

ინდოეთში, უტარ-პრადეშის ქალაქ ლაკნაუში კაცმა განქორწინება იმიტომ გადაწყვიტა, რომ ცოლმა საღეჭ რეზინზე უარი თქვა. ამის შესახებ Daily Mail-ი წერს. 

სეიდ რეშიდი და მისი 30 წლის ცოლი 19 აგვისტოს სასამართლო მოსმენაზე მივიდნენ. ქალმა იურისთან კონსულტაცია მას შემდეგ გაიარა, რაც ქმარმა მას საღეჭი რეზინი შესთავაზა. უარის თქმამ კაცი წყობიდან გამოიყვანა, მან 3-ჯერ წამოიძახა სიტყვა „ტალაკი“, რაც განქორწინებას ნიშნავს და ისლამური კანონების თანახმად იმას ნიშნავს, რომ ის ცოლს გაშორდა, რომელზეც 2004 წელს იქორწინა. 

რაშიდის წინააღმდეგ გამოძიება დაიწყო, მას 3 წლამდე პატიმრობა ან ჯარიმა ემუქრება.

სამმაგი ტალაკი მუსლიმებში საკმაოდ გავრცელებული პრაქტიკაა. ქმარს უფლება აქვს, რომ სიტყვა ტალაკის (განქორწინების) სამჯერ წარმოთქმის შემთხვევაში ცოლს მომენტალურად გაშორდეს.

imedinews.ge

👉  კვალიფიციური მომზადება - ყველა საგანი ერთ სივრცეში