Sunday, March 6, 2016

ყურადღება! შეიძლება 200 ლარით დაგაჯარიმონ, რა უნდა იცოდეთ მძღოლებმა!

გამკაცრდა “გაჩერება აკრძალულია” ნიშნის მოქმედების ქვეშ პარკირება.
მძღოლები, რომელებიც არასწორად გააჩერებენ ავტომობილს გზის სავალ ნაწილზე, სადაც აკრძალულია გაჩერება (თუნდაც მეორე ზოლში) რის გამოც შეფერხდება საგზაო მოძრაობა დაჯარიმდებიან არა 10 და 40 ლარით, არამედ 200 ლარით!

იმ შემთხვევაში თუ ავტომობილი გაჩერებულია ნიშნის მოქმედების ზონაში და წესების დარღვევის გარდა აფერხებს მოძრაობას და ქმნის საცობს მძღოლი დაჯარიმდება 200 ლარით.

ეს ადმინისტრაციული ჯარიმის ოდენობა მეტწილად გამომდინარეობს მოძრაობის შეფერხებიდან და არა პარკირების წესების დარღვევისგან. ანუ 200 ლარით დაჯარიმდებით იმ შემთხვევაშიც თუ კი თქვენი მანევრირება, დგომა-გაჩერება და სხვა ნებისმიერი მოქმედება გამოიწვევს ქალაქში მოძრაობის შეფერხებას.
თუ თქვენ არასწორად გაქვთ ავტომობილი გაჩერებული ხოლო ეს მოქმედება არ აფერხებს მოძრაობას თქვენ ამ შემთხვევაში არ უნდა დაჯარიმდეთ 200 ლარით, ამ შემთხვევაში თქვენ გეკუთვნით 10ლარიანი ჯარიმა და შეგიძლიათ გააპროტესტოთ გენინსპექციაში და გაასაჩივროთ საპატრულო პოლიციის ადმინისტრაციაში.
გაითვალისწინეთ! არ “ჭრის”:
– ბავშვი დავტოვე ბაღში და 2 წუთში მოვბრუნდი.
– საწვავი გამითავდა და დავტოვე.
– შაურმის რიგში ვიდექი და არ გამიგია… რა დრო გასულა.
– შენი ჭირიმე ამ ერთხელ მაპატიე.
– მე იცით ვინ ვარ?!
– ქართველები არა ვართ?!
– თბილისი ურთიერთობაა.
და ა.შ.
ღმერთი არ გაგიწყრეთ და არ გააჩეროთ უადგილოდ! 
წყარო: Explorer

No comments:

Post a Comment