👉 კვალიფიციური მომზადება - ყველა საგანი ერთ სივრცეში
ისრაელის ენერგეტიკის მინისტრი იუვალ შტეინიცი აცხადებს, რომ ისრაელს საუდის არაბეთთან და სხვა არაბულ ქვეყნებთან საიდუმლო კონტაქტები აქვს. ამის შესახებ "რადიო თავისუფლება" წერს.
იუვალ შტეინიცი პირველი ოფიციალური პირია ისრაელის პოლიტიკოსებს შორის, ვინც ხმამაღლა განაცხადა ისრაელის არაბულ ქვეყნებთან საიდუმლო კონტაქტების შესახებ.
მან ამ თემაზე 19 ნოემბერს ისრაელის არმიის რადიოსთან ინტერვიუში ილაპარაკა, თუმცა არ დაუზუსტებია, რა სახის კონტაქტი იგულისხმება.
ისრაელის პრემიერმინისტრ ბენიამინ ნეტანიაჰუს ადმინისტრაციამ და საუდის არაბეთის მთავრობამ უარი თქვეს კომენტარზე. ორივე ქვეყანა ირანში ხედავს მთავარ საფრთხეს ახლო აღმოსავლეთისათვის, თუმცა ამავე დროს, საუდის არაბეთი და ისრაელი ერთმანეთთან დაპირისპირებულ მხარეებზე დგანან ისრაელსა და არაბებს შორის მრავალწლიან კონფლიქტში.
საუდის არაბეთი აცხადებს, რომ ისრაელთან ოფიციალური ურთიერთობა ვერ ექნება, სანამ ეს ქვეყანა არ დატოვებს არაბთა მიწებს, რომლებიც 1967 წლის ომის დროს დაიპყრო.
imedinews.ge
👉 კვალიფიციური მომზადება - ყველა საგანი ერთ სივრცეში
No comments:
Post a Comment