Thursday, November 23, 2017

სპეცოპერაცია მცხეთაში - დაკავებულია ოთხი პირი

👉  კვალიფიციური მომზადება - ყველა საგანი ერთ სივრცეში
შსს-ს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს დამნაშავეთა სამყაროს წინააღმდეგ ბრძოლის სამმართველოს და შიდა ქართლის პოლიციის დეპარტამენტის თანამშრომლებმა მთავარ პროკურატურასთან თანამშრომლობით, ერთობლივად ჩატარებული ოპერატიულ-საგამოძიებო ღონისძიებების შედეგად წარსულში სხვადასხვა დანაშაულისთვის ნასამართლევი ოთხი პირი: 1991 წელს დაბადებული ბ.ბ., 1993 წელს დაბადებული ზ.მ., 1985 წელს დაბადებული თ.შ. და 1989 წელს დაბადებული თ.რ., მძევლად ხელში ჩაგდების ბრალდებით, მცხეთაში დააკავეს.

იხილეთ დაკავების ამსახველი კადრები

შინაგან საქმეთა სამინისტროს მიერ გავრცელებული ინფორმაციის თანახმად, გამოძიებით დადგინდა, რომ ბრალდებულებმა მიმდინარე წლის 22 ნოემბერს, თბილისში, მეტროსადგურ "ახმეტელის თეატრის" მიმდებარე ტერიტორიაზე, 1984 წელს დაბადებულ 
ვ.მ.-ს თავისუფლება უკანონოდ აღუკვეთეს, ხელ-ფეხ შეკრული ავტომანქანის საბარგულში მოათავსეს და განთავისუფლების სანაცვლოდ მისი ოჯახის წევრებს 7 000 ლარი მოსთხოვეს.

შსს-ს ცნობით, სამართალდამცველებმა ოთხივე ბრალდებული ცხელ კვალზე მცხეთის შესასვლელში დააკავეს. პოლიციამ, ვ. მ. უვნებლად გაათავისუფლეს.

გამოძიება მძევლად ხელში ჩაგდების ფაქტზე (საქართველოს სსკ-ს 144-ე მუხლის მე-2 ნაწილის "ა" ქვეპუნქტით) მიმდინარეობს.
ambebi.ge
👉  კვალიფიციური მომზადება - ყველა საგანი ერთ სივრცეში

No comments:

Post a Comment