ვითარება სპეცოპერაციის შემდეგ - ახალი ვიდეოკადრები

ბერი გაბრიელ სალოსის ქუჩაზე, სპეცოპერაციის ადგილზე ამ დრომდე სამართალდამცავები და ექსპერტ-კრიმინალისტები მუშაობენ.
როგორც პირველი არხის ჟურნალისტი იუწყება, შემთხვევის ადგილზე მობილიზებულია საპატრულო პოლიცია, ასევე სპეციალური დანიშნულების რაზმის თანამშრომლები.

👉  კვალიფიციური მომზადება - ყველა საგანი ერთ სივრცეში

საპატრულო პოლიციას ტერიტორია ყვითელი ლენტით აქვს შემოსაზღვრული.
ბერი გაბრიელ სალოსის ქუჩაზე სპეცოპერაცია 22 ნოემბერს გვიან ღამიდან მიმდინარეობდა.
სპეცოპერაციის დროს სუს-ის ერთი თანამშრომელი დაიღუპა. დაჭრილია სპეცსამსახურის ორი და შსს-ს ორი თანამშრომელი, მათი ჯანმრთელობის მდგომარეობა, ამ დროისთვის, სტაბილურია.
დაკავებულია დანაშაულებრივი ჯგუფის ერთი წევრი, ხოლო სამი ლიკვიდირებულია.
სპეცოპერაციის დროს არ დაშავებულა არც ერთი მშვიდობიანი მოქალაქე.
სპეცოპერაციის შედეგად დაზარალებულებისთვის მუშაობს ცხელი ხაზი – 2 375029, 599 537040, 2 722222.
ბერი გაბრიელ სალოსის ქუჩაზე სპეცოპერაცია 22 ნოემბერს, გვიან ღამით დაიწყო. ისმოდა სროლისა და აფეთქებების ხმა.
დაახლოებით, 04:00 საათზე სამართალდამცავებმა მოქალაქეებს სთხოვეს, ის კორპუსი დაეტოვებინათ, სადაც სპეცოპერაცია მიმდინარეობდა.
სპეცოპერაციის ადგილზე პოლიციას მიმდებარე ტერიტორია ყვითელი ლენტით ჰქონდა შემოსაზღვრული და იქ შესვლის უფლებას არავის აძლევდა.
ბერი გაბრიელ სალოსის ქუჩაზე სპეცოპერაცია სახელმწიფო უსაფრთხოების სამსახურის კონტრტერორისტულმა დეპარტამენტმა ჩაატარა.
1tv.ge

👉  კვალიფიციური მომზადება - ყველა საგანი ერთ სივრცეში