საქართველოს 17 წლამდე ნაკრები ისევ შეკრებაზეა და მარტში გასამართი ევროპის ჩემპიონატის ელიტ-რაუნდისთვის მზადებას აგრძელებს.
გიორგი ნემსაძის გუნდმა თბილისის ზღვასთან მდებარე "ზესტაფონის" საწვრთნელ ბაზაზე ამხანაგური მატჩი ავსტრიის 17 წლამდე ნაკრებთან ჩაატარა. შეხვედრა ქართველთა უპირატესობით დაიწყო, რაც მე-8 წუთზე ხვიჩა კვარაცხელიამ გოლით დააგვირგვინა. მომდევნო ეტაპზე თამაში გათანაბრდა და მომენტები სტუმრებსაც შეექმნათ. დაცვაში დაშვებული უხეში შეცდომებით ჯერ ტობიას კოხმა გაათანაბრა ანგარიში, შემდეგ კი მარსელ ჰონსბერგერმა მისიანები დააწინაურა.
მეორე ნახევარში ტრავმის გამო გუნდს კაპიტანი ზურიკო დავითაშვილი გამოაკლდა, ავსტრიელებმა კი კიდევ ორი გოლის გატანა მოახერხეს.
ავსტრიასთან მე-2 ამხანაგური მატჩი 15 თებერვალს 12:00 საათზე გაიმართება.
imedinews.ge
No comments:
Post a Comment