5-ვარსკვლავიანი სასტუმრო რიც-კარლტონი, რომელიც საუდის არაბეთის 10-ზე მეტი პრინცისა და ათობით თანამდებობის პირისთვის რამდენიმე თვის განმავლობაში ციხედ იყო ქცეული, სტუმრების მისაღებად მზად არის. ინფორმაციას BBC ავრცელებს.
სასტუმროს პერსონალმა BBC-ს უთხრა, რომ ისინი მზად არიან ვიზიტორების დასახვედრად.
საუდის არაბეთში მასშტაბური ანტიკორუფციული ქმედებების შედეგად 106.7 მილიარდი დოლარის ღირებულების ქონება ამოიღეს.
საუდის არაბეთის პრინცები სასტუმრო-ციხედან 30 იანვარს გათავისუფლდნენ. 5 ნოემბერს, საუდის არაბეთში თერთმეტი პრინცი, ოთხი მოქმედი და ათობით ყოფილი მინისტრი დააპატიმრეს. მათი დაკავების გადაწყვეტილება ეროვნულმა ანტიკორუფციულმა კომიტეტმა მიიღო, რომელსაც კრონ-პრინცი მუჰამედ ბინ-სალმანი ხელმძღვანელობს. ამ უწყებას გამოძიების, დაკავების, თვალთვალის და იმ კერძო პირების პირადი ანგარიშების დაყადაღების უფლება აქვს, რომლებიც ფინანსურ მაქინაციებში არიან ეჭვმიტანილნი.
imedinews.ge
No comments:
Post a Comment