თბილისის მერია თვეში 12 000 ლარს იხდის კომპანია „დირსის“ საცხოვრებელი კომპლექსის სამ სართულში, სადაც 109-ე საბავშვო ბაღია განთავსებული, - ამის შესახებ თბილისის საბავშვო ბაგა-ბაღების სააგენტოში განაცხადეს. ინფორმაციას სააგენტო „ინტერპრესნიუსი" ავრცელებს.
მათივე ინფორმაციით, „დირსის“ სამი სართული მერიას იჯარით აქვს აღებული და 109-ე ბაღის აღსაზრდელები იქ მინიმუმ წელიწადნახევრის განმავლობაში იქნებიან.
„ჯერჯერობით, 109-ე ბაღის შენობაზე ჩასატარებელია დეტალური ექსპერტიზა. პირველადმა ექსპერტიზამ აჩვენა, რომ იქ ბავშვების გაჩერება არ შეიძლება. დეტალური ექსპერტიზით გადასაწყვეტია, შენობის გამაგრება უფრო რენტაბელურია თუ მისი დემონტაჟი და ახლის აშენება. განცხადებები, რომელიც იმ დროს გააკეთეს ბაღების სააგენტოს ხელმძღვანელმა, მოადგილემ და დეპუტატებმაც იყო, რომ ეს ბაღი დაინგრევა და ახალი აშენდება. იმისთვის, რომ ეს პროცედურები განხორციელდეს, ჯერ პროექტირებაზე ტენდერი უნდა გამოცხადდეს, რომელსაც დაახლოებით 6 თვე სჭირდება. ტენდერის დასრულების შემდეგ, დაახლოებით ერთ წელი უნდა მშენებლობას“, - აცხადებენ ბაღების მართვის სააგენტოში.
თბილისის მერიის ინფორმაციით, N109 ბაგა-ბაღი გასული საუკუნის 80-იან წლებში აშენდა. მისი ავარიულობის შესახებ დასკვნა სამხარაულის ექსპერტიზის ბიურომ მოამზადა, რომლის საფუძველზე მიღებული გადაწყვეტილების შედეგად, სააღმზრდელო პროცესი დაუყოვნებლივ შეწყდა.
თბილისში, ბერი გაბრიელ სალოსის ქუჩაზე, 109-ე ბაგა-ბაღის დახურვას 18 აპრილს მშობლებისა და მასწავლებლების პროტესტი მოჰყვა.
imedinews.ge
No comments:
Post a Comment