რუსეთის სახელმწიფო დუმამ სისხლის სამართლის კოდექსში შეიტანა შესწორება, რომლის მიხედვით რუსეთის ტერიტორიაზე უცხოეთის მიერ დაწესებული სანქციების აღსრულებისთვის კომპანიას ან პირს 4 წლის თავისუფლების აღკვეთა შეეფარდება. ამის შესახებ სპიკერმა ვიჩისლავ ვოლოდნმა განაცხადა.
კანონში შესწორების მიღებას დეპუტატები აშშ-ის წინააღმდეგ სანქციების დამტკიცების დღეს აპირებენ.
კანონპროექტის პირველი მოსმენა 15 მაისაა ჩანიშნული.
აშშ-ის წარმომადგენელთა პალატის წევრები იარაღის მწარმოებელი რუსული კომპანიების პარტნიორი ქვეყნების მთავრობის წევრებისა და ინდივიდუალური პირების დასჯას ითხოვენ. შესწორება აშშ-ის 2019 წლის თავდაცვის ბიუჯეტის პროექტში შევიდა.
6 აპრილს, ამერიკის შეერთებულმა შტატებმა რუს ოლიგარქებს სანქციები დაუწესა. მათ შორის ლაპარაკია, ოლეგ დერიპასკაზე, იგორ როტენბერგსა და კირილ შამალოვზე.
ეს სია ვაშინგტონის საპასუხო რეაქციაა, 2016 წლის ამერიკის შეერთებული შტატების საპრეზიდენტო არჩევნებში რუსეთში შესაძლო ჩარევის გამო.
imedinews.ge
No comments:
Post a Comment