ცნობილი ბრაზილიელი ბლოგერი, ჯულიან ოროსკო საკუთარ გვერდზე ქართველი რეჟისორის, ნანა ექვთიმიშვილისა და სიმონ გროსის ფილმის, „ჩემი ბედნიერი ოჯახის“ შესახებ წერს.
ბლოგზე ვრცლადაა მოთხრობილი ფილმის შინაარსი, მთავარი გმირის, ქართული ენისა და ლიტერატურის პედადოგის, 52 წლის მანანას შესახებ, რომელიც გადაწყვეტს, ოჯახურ რუტინას თავი დააღწიოს და დრო საკუთარ სურვილებსა და თავისუფლებასაც დაუთმოს.
ბლოგერის შეფასებით, ის რასაც ქართველი „მანანა“ აკეთებს, ძველი, პატრიარქალური ტრადიციებისა და თანამედროვე კულტურის „შეჯახებისას“ ხდება და ეს მხოლოდ ქართული რეალობა არაა.
„ფილმი, რომელიც ქართულ რეალობას ასახავს, ბევრს ამბობს ჩვენს ცხოვრებაზეც. ბრაზილია თანამედროვეობის გზას ადგას, ამასთან არსებობენ ტრადიციული აზროვნების ადამიანებიც. ეს კი, ბრაზილიურ ოჯახებშიც არაერთ კონფლიქტს იწვევს“ - ვკითხულობთ სტატიაში.
16 დეკემბერს ამერიკულმა გამოცემამ THE WRAP-მა 2017 წლის 12 საუკეთესო ფილმი დაასახელა, რომელთა შორისაც ასევე აღმოჩნდა "ჩემი ბედნიერი ოჯახი".
ფილმის დისტრიბუციის უფლება მსოფლიოში უმსხვილესმა ინტერნეტ ტელევიზიის ქსელმა „ნეტფლიქსმა“ შეიძინა.
„ჩემი ბედნიერი ოჯახის“ მსოფლიო პრემიერა ამერიკის უმნიშვნელოვანეს „სანდენსის“ კინოფესტივალზე, ხოლო ევროპული პრემიერა ბერლინის საერთაშორისო კინოფესტივალ „ბერლინალეზე“ გაიმართა.
imedinews.ge
No comments:
Post a Comment