IG Metall-ის პროფკავშირებმა უპრეცედენტო გარიგება დადეს - პროფკავშირების 2.3 მილიონზე მეტი წევრი უფრო თავისუფალი გრაფიკითა და 28 საათიანი სამუშაო კვირით ისარგებლებენ. ინფორმაციას CNN-ი ავრცელებს.
მომავალი წლიდან რამდენიმე წამყვან საინჟინრო კომპანიაში დასაქმებული მუშები, მაგალითად Mercedes Benz-ში, 2 წლის განმავლობაში 28 საათიანი სამუშაო გრაფიკით ისარგებლებენ, ორი წლის შემდეგ კი 35-საათიანი გრაფიკი ექნებათ.
ამ გარიგებაში სამხრეთ დასავლეთ გერმანიაში წარმოდგენილი 700-ზე მეტი კომპანია და პროფკავშირები მონაწილეობდნენ. ექსპერტები ვარაუდობენ, რომ ახალ გრაფიკს გერმანიის ინდუსტრიის პულსაციაზე გარკვეული გავლენა ექნება.
CNN-ის ცნობით, სამუშაო დროის შემცირების პარალელურად შემცირდება ხელფასიც, თუმცა მსურველს შესაძლებლობა ექნება დამატებითი დრო იმუშაოს, ოღონდ არა უმეტეს კვირაში 40 საათისა.
11 თებერვალს euronews-მა გამოაქვყენა ქვეყნების სია, სადაც ყველაზე ხანგრძლივი სამუშაო კვირა არსებობს. სიის პირველი ხუთეულია: დიდი ბრიტანეთი კვირაში 42.3 საათი; კვიპროსი 41.7 საათი; ავსტრია 41.4 საათი; საბერძნეთი 41.2 საათი; პორტუგალია 41.1 საათი; პოლონეთი 41.1 საათი.
imedinews.ge
No comments:
Post a Comment