სოფლის სკოლებს ახალი სიცოცხლე უნდა მივცეთ - ის სოფლის კულტურული და შემოქმედებითი ცენტრი უნდა გახდეს, - ამის შესახებ პარლამენტის განათლებისა და მეცნიერების კომიტეტის თავმჯდომარის მოადგილემ გუგული მაღრაძემ “პალიტრანიუსის“ გადაცემა “360 გრადუსში“, განათლების სისტემაში დაგეგმილ რეფორმებზე საუბრისას განაცხადა.
მაღრაძის თქმით, დღეს სოფლის სკოლებს არ აქვს უფლება კარი გაუხსნას არა მხოლოდ მოსწავლეებს, არამედ საკუთარ მცხოვრებლებს. დეპუტატის განცხადებით, ამ მიმართულებით საკანონმდებლო ცვლილებების განხორციელება იქნება საჭირო.
“სოფლის სკოლებს ახალი სიცოცხლე უნდა მივცეთ. სოფლის სკოლა არ უნდა იყოს მხოლოდ ის ადგილი, სადაც მოსწავლე მიდის, ცოდნას იღებს და შემდეგ სახლში ბრუნდება. სოფლის სკოლა სოფლის კულტურული და შემოქმედებითი ცენტრი უნდა გახდეს. სკოლას უნდა მიეცეს უფლება, რომ ამისთვის საკუთარი რესურსი გამოიყენოს. დღეს სოფლებში ასეთი კულტურული ცენტრები არ გვაქვს - კულტურული შეხვედრების ადგილი, სადაც ადამიანებს შეუძლიათ შემოქმედებითი საქმიანობა, გართობა. ამიტომ სოფლის სკოლებს ახალი ფუნქცია უნდა მივცეთ, რათა სოფლის ცენტრი გახდეს“, - განაცხადა გუგული მაღრაძემ “360 გრადუსში“.
ipn.ge
No comments:
Post a Comment