სექტემბრიდან, შესაძლოა, მშობელსა და სკოლას შორის ხელშეკრულება გაფორმდეს, რომელიც სკოლის ცხოვრებაში მშობლის მაქსიმალურ ჩართვაზეა ორიენტირებული, - ამის შესახებ იდეის ავტორმა, დეპუტატმა გუგული მაღრაძემ „პალიტრანიუსის“ გადაცემაში „360 გრადუსი“ განაცხადა.
წამყვანის კითხვაზე, რა ხდება იმ შემთხვევაში, თუ მშობელი სამსახურეობრივი მდგომარეობიდან გამომდინარე ვერ ახერხებს სკოლაში ხშირად მისვლას, დეპუტატი აცხადებს, რომ არის მოვალეობა, რომელშიც ვერც ერთი სამსახური ვერ ჩაერევა.
„ჩართულობა და პასუხისმგებლობა უნდა იყო მშობლის მხრიდან და ეს ხელშეკრულება არ უნდა იყოს ფორმალური. სისტემატური თანხვედრა უნდა იყოს, მშობელი უნდა ცხოვრობდის შვილის ცხოვრებით, მაგრამ ასე არ არის დღეს. საუკეთესო შემთხვევაში მშობელს თვეში ერთხელ გამოიძახებენ და მივა სკოლაში. არსებობს ერთი მხატვრული ფილმი „სახელმწიფო მდივანი“, რომელიც ასახავს იმ რეალობას, რაც არის. ამ ფილმში ცოლ-ქმარს გამოიძახებენ სკოლაში, რომ თქვენი მორიგეობის დღე გააცდინეთ და თუ ორჯერ გააცდენთ, თქვენი ბავშვის სკოლაში დარჩენის საკითხი დადგებაო. ანუ ეს არის მშობლის ის მოვალეობა, რომელსაც ვერ შეეხება ვერანაირი სამსახური“, - განაცხადა გუგული მაღრაძემ.
ipn.ge
No comments:
Post a Comment