ირლანდიაში 25 მაისს აბორტის აკრძალვის შესახებ რეფერენდუმი გაიმართება. ამის გამო Google-ი ირლანდიისთვის აბორტთან დაკავშირებულ გამოკითხვებსა და რეკლამებზე ინფორმაციას დაბლოკავს. ირლანდიელებისთვის აბორტის თაობაზე სარეკლამო ხასიათის პოსტებს დაბლოკავს Facebook-იც. ინფორმაციას BBCავრცელებს.
აღნიშნული ქმედების მიზანი ის არის, რომ რეფერენდუმში მონაწილეობის უფლების მქონე ირლანდიელები გავლენების ქვეშ არ მოექცნენ და მოსაზრება დამოუკიდებლად მიიღონ.
Google აცხადებს, რომ აბორტის რეფერნდუმთან დაკავშირებულ ყველა რეკლამას Youtube-ზეც დაბლოკავს.
ამჟამინდელი მდგომარეობით, ირლანდიაში აბორტი მხოლოდ იმ შემთხვევაშია დასაშვები, თუ ორსულობა ქალის სიცოცხლეს საფრთხეს უქმნის. გაუპატიურების, ინცესტის ან ნაყოფის ანომალიების შემთხვევაში აბორტი აკრძალულია.
რეფერენდუმი შეეხება საკითხს, უნდა შენარჩუნდეს თუ გაუქმდეს კონსტიტუციის 40.3.3 მუხლი, რომელიც მერვე შესწორების სახელითაა ცნობილი.
ეს შესწორება 1983 წლის რეფერენდუმით მიიღეს და ის მუცლადმყოფის სიცოცხლის უფლებას შეეხება. ამ შესწორების მიხედვით, ქალისა და მისი მუცლადმყოფი ბავშვის სიცოცხლე თანაბარმნიშვნელოვნადაა მიჩნეული.
imedinews.ge
No comments:
Post a Comment