Monday, June 26, 2017

კუს ტბაზე, ლისის ტბასა და თბილისის ზღვაზე ბანაობა უსაფრთხოა

კუს ტბაზე, ლისის ტბასა და თბილისის ზღვაზე წყალი დაბინძურებული არ არის და ბანაობა უსაფრთხოა. როგორც ”ინტერპრესნიუსს” გარემოს ეროვნული სააგენტოს გარემოს დაბინძურების მონიტორინგის დეპარტამენტის უფროსმა, თამარ არაბიძემ განუცხადა, ბოლო მონაცემებით, არც ტბებსა და არც თბილისის ზღვაზე დაბინძურება არ ფიქსირდება. 

მისივე თქმით, ბოლოს სინჯები თბილისის ზღვაზე, ლისა და კუს ტბებზე 17 მაისს აიღეს.

”გარემოს ეროვნული სააგენტო ყოველწლიურად ატარებს წყლის ანალიზებს. სინჯებს ვიღებთ ლისის ტბაზე, კუს ტბასა და თბილისის ზღვაზე. სინჯებს ვიღებთ საბანაო ზონებში, რომლებიც დამსვენებლებისთვის კეთილმოწყობილია. ბოლოს სინჯები 17 მაისს ავიღეთ, ახლა მიმდინარეობს ივნისის სინჯების აღება და დამუშავება. ჩვენი კომპეტენციიდან გამომდინარე, კვლევას არ ვატარებთ დაავადებათა გამომწვევ მაჩვენებლებზე. ჩატარებულ სინჯებში განისაზღვრა 23 ქიმიური და 3 მიკრობიოლოგიური პარამეტრი. ამათი კონცენტრაციები თბილისის ზღვაზე, ლისისა და კუს ტბებზე იყო ნორმის ფარგლებში. ნორმის ფარგლებში არ იყო მხოლოდ სულფატების კონცენტრაცია ლისის ტბაზე, რომელიც 4-ჯერ აღემატებოდა ნორმას, კალციუმის კონცენტრაცია 1,8-ჯერ აღემატებოდა, მაგნიუმის - 1,4-ჯერ, თუმცა, ლისის ტბაზე ეს არის ბუნებრივი და ფონურ-შემცველობად შეიძლება ჩაითვალოს. მიკრობიოლოგიური დაბინძურება არც ლისისა კუს ტბების და არც თბილისის ზღვის სინჯებში არ დაფიქსირებულა. ივნისში კიდევ ჩავატარებთ კვლევას”, - განაცხადა თამარ არაბიძემ. 

ipn.ge



მაღალკვალიფიციური მომზადება ხელმისაწვდომ ფასად

                                 ყიდვა, გაყიდვა და ყველა საქმიანი განცხადება

No comments:

Post a Comment