Thursday, April 19, 2018

ლუკაშენკომ მოლდოვის პრეზიდენტს ტრაქტორი აჩუქა

ბელარუსის პრეზიდენტმა, ალექსანდრ ლუკაშენკომ მოლდოველ კოლეგას, იგორ დოდონს ტრაქტორი აჩუქა. ახალი ტრაქტორი ლუკაშენკომ და დოდონმა ერთად გამოსცადეს და სიმინდი დათესეს. ლუკაშენკომ მოლდოვაში 5 ტრაქტორი ჩაიყვანა.
დოდონმა ბელარუსის პრეზიდენტს საჩუქრისთვის მადლობა გადაუხადა და დაპირდა, რომ დათესილ სიმინდს თვალყურს მიადევნებს, მოსავალს კი ბელარუსში გაგზავნის.
მოლდოვის პრეზიდენტი ალექსანდრ ლუკაშენკოს ასევე დაჰპირდა, რომ ყურძნის მოყვანას და ღვინის დამზადებას ასწავლის. დოდონმა ლუკაშენკო სექტემბრის ბოლოს მის მშობლიურ სოფელში მიიპატიჟა. ლუკაშნკომ მიწვევა მიიღო და პირობა დადო, რომ სექტემბრის ბოლოს მოლდოველ კოლეგას აუცილებლად ეწვევა.
წელს 23 მარტს ტრაქტორი ლუკაშენკომ საქართველოს პრეზიდენტს გიორგი მარგველაშვილსაც აჩუქა, თუმცა პრეზიდენტმა კოლეგის საჩუქარი ვერ დაიტოვა. საქმე ისაა, რომ ტრაქტორი დაახლოებით 5 ათას 100 დოლარი ღირს, რაც პრეზიდენტის წლიური შემოსავლის 5 პროცენტს აღემატება. ანუ, ლუკაშენკოს საჩუქარი დასაშვებ ოდენობაზე სამჯერ მეტია.
imedinews.ge
https://www.facebook.com/www.Hedu.Ge/

No comments:

Post a Comment