ახალ ზელანდიაში მომხდარი ტერაქტის შედეგად გარდაცვლილთა რაოდენობა 49-მდე გაიზარდა, ინფორმაციას „ინდეფენდენთი“ ავრცელებს.
👉 კვალიფიციური მომზადება - ყველა საგანი ერთ სივრცეში
თვითმხილველები ამბობენ, რომ გარშემო მხოლოდ გვამები და სისხლი ჩანდა. თავდასხმა ორ მეჩეთზე ქალაქ ქრისტჩერჩში ადგილობრივი დროით 13:45 საათზე მოხდა.
.
პოლიციამ დააკავა ავსტრალიის მოქალაქე 28 წლის კაცი და კიდევ სამი ადამიანი. ავსტრალიელი ბრენტონ ტარანტი ტერაქტს, რომელშიც თავადაც მონაწილეობდა, „ფეისბუქზე“ ლაივით გადასცემდა.
ერთ-ერთი თვითმხილველი CNN-თან ამბობს, რომ თავდასხმის დროს მანქანით მეჩეთებთან ახლოს მიდიოდა, როდესაც დაინახა, როგორ წვებოდა ხალხი მიწაზე.
„მანქანიდან გადმოვხტი და გავიგე სროლის ხმა. ვცდილობდი, ვინმეს დავხმარებოდი. მამაკაცი დავინახე მცირეწლოვან გოგონასთან ერთად, მას ტყვია ზურგში ესროლეს. ხმამაღლა ყვიროდა, მოვახერხე ბავშვთან ერთად მისი მანქანაში ჩასმა და კიდევ ერთ მამაკაცთან ერთად, რომელიც ფეხში იყო დაჭრილი, საავადმყოფოში გადავიყვანე,“ - ამბობს თვითმხილველი, რომლის ვინაობას CNN არ ასახელებს.
კიდევ ერთი მამამაკაცი, რომელიც ტერაქტის დროს მეჩეთის ტუალეტში იმყოფებოდა, ამბობს, რომ კარიდან გასვლა ვერ შეძლო და ფანჯრის შუშა ჩაამტვრია, რომ გარეთ გამოსულიყო.
„მთელი ამ პერიოდის განმავლობაში სროლა არ შემწყდარა,“ - ამბობს ის.
კიდევ ერთმა თვითმხილველმა კი CNN-ს უთხრა, რომ ლოცულობდა, თავდამსხმელს ტყვიები გასთავებოდა.
„ერთადერთი, რასაც ვფიქრობდი, იყო ის, რომ ტყვიები ადრე თუ გვიან მას აღარ ექნებოდა. ვლოცულობდი, „ღმერთო, ნეტა მალე გაუთავდეს ტყვიები!“ - ჰყვება თვითმხილველი.
ახალი ზელანდიის პრემიერ-მინისტრის ინფორმაციით, თავდამსხმელების მანქანებზე ხელნაკეთი ასაფეთქებელი მოწყობილობები აღმოაჩინეს.
მანამდე კი პოლიციის წარმომადგენლებმა აღნიშნეს, რომ თავდასხმის შემდეგ იპოვეს არაერთი ასაფეთქებელი მოწყობილობა, რომელიც გამნაღმველებმა გააუვნებელყვეს
ambebi.ge
No comments:
Post a Comment