ლადო აფხაზავა გულშემატკივრებს მადლობას უხდის და აღნიშნავს, რომ საქართვცელოში საერთაშორისო ცოდნისა და გამოცდილების მოზიდვას აპირებს. "მასწავლებლის გლობალური ჯილდოს" ფინალისტი შედეგს "ფეისბუქზე" ეხმიანება.
👉 კვალიფიციური მომზადება - ყველა საგანი ერთ სივრცეში
"უღრმესი მადლობა ჩემო გულშემატკივრებო, ეს დღეები ძალიან დიდ ენერგიას ვგრძნობდი თქვენგან. ყველა თქვენთაგანის თანადგომა ძალიან მნიშვნელოვანი იყო ჩემთვის და ჩემი გუნდისთვის. ეს საოცარი მხარდაჭერა და სიყვარული ყველაზე დიდი ჯილდოა ჩემთვის. ჩვენ ერთად შევძელით და მასწავლებლობა გამორჩეულ პროფესიად წარმოვაჩინეთ საზოგადოებისთვის.
.
ვულოცავ პიტერ ტაბიჩის 2019 მასწავლებლის გლობალური ჯილდოს მიღებას.ის ნამდვილად გამორჩეული მასწავლებელი და პიროვნებაა და დღეს მისი გამოცდილება და სიტყვა ყველაზე მეტად სჭირდება სამყაროს. მეც თავს გამარჯვებულად ვგრძნობ, რადგან შევძელი მსოფლიოსათვის გადამეცა ქართველი მასწავლებლის სათქმელი, მე მოვახერხე ჩემი ქვეყნის სახელი გამეტანა მსოფლიოს წინაშე.ამიერიდან ჩემი ცხოვრება გარკვეულ წილად შეიცვლება და ჩემი მასწავლებლობის მიღმა ყველფერს გავაკეთებ. მასწავლებლის პროფესიის პოპულარიზაციისთვის,როგორც საქართველოში ასევე მსოფლიო ასპარეზზე.
.
მე უკვე მიზნად დავისახე მეტი საერთაშორისო ცოდნა და გამოცდილება მოვიზიდო საქართველოში და ამით ხელი შევუწყო უკეთეს განათლებას. ამ გლობალურ მოძრაობაში გაერთიანებამ თვალნათლივ დამანახა, რომ მნიშვნელოვანია გლობალურ პროცესებში ჩართულობა და საერთაშორისო გამოცდილების მეტად გაზიარება. კიდევ ერთხელ ვულოცავ პიტერს ამ აღიარებას!!!ის აუცილებლად ჩამოვა საქართველოში!" -წერს ლადო აფხაზავამასწავლებლის გლობალური ჯილდო 2019"-ის გამარჯვებული კენიელი პიტერ ტაბიჩი გახდა. ის მილიონ აშშ დოლარს მიიღებს
ambebi.ge
No comments:
Post a Comment