დღეიდან შუახევში, საზაფხულო იალაღებზე მგზავრთა უფასო მომსახურების პროგრამა ამოქმედდება. პროგრამა იალაღებზე მგზავრთა უფასოდ, ავტოტრანსპორტით გადაყვანას ითვალისწინებს. ინფორმაციას „ბათუმელები“ ავრცელებს.
შუახევის მუნიციპალიტეტის გამგებლის, ტარიელ ებრალიძის ინფორმაციით, გადაწყვეტილება მოსახლეობის თხოვნით მიიღეს, პროგრამა გასულ წელს დაიწყო და წელს მეორედ ხორციელდება.
გამგებლის ინფორმაციით, პროგრამით სარგებლობაზე „ტურისტებს უარს არვინ ეტყვის“.
შუახევიდან იალაღების მიმართულებით სამარშუტო მიკროავტობუსი იმოძრავებს, შესაბამისი მომსახურება მუნიციპალიტეტმა ელექტრონული ტენდერით შეისყიდა.
imedinews.ge
No comments:
Post a Comment